João 3:29 - Bíblia

²⁹ Yapkaklupa. Hnunrowatatshri yehi, waleni khanunrolu. Seyni hnunrowatatshri himatletjeru repixlu rimotsatlu hnunrowatatshri hiyrunu hyijnakotlu. Hiyrun-koxa hnunrowatatshri tokanu hjemini rumuwata. Hnunrowatatshri hepixatshri pixka nix-hita hiyáhoni numuwpotuthonuka hnunrowatatshri tshinanu.

João 3:29 ပူးပေါင်းရင်းမြစ်များ

Mateus 22:2

— Tenhohne pohirewaxyawaka satu phuru pixka rixa. Phuru halpokojixlu tsru niklu hituru hnunrowle tshinanupa.

Mateus 25:1

— Hiyáhoni tenhohne pohirewaxyawaka dez maklojine pixka rixanu. Maklojine lamparina hanikatshrone hichpakamta hyoptoxyawakapluna hnunrowpiratatshri.

Mateus 9:15

Waneya Jesus hihitna, wane htshinna: — Rumukata natshretnahe hnunrowlu hetatshine hnunrowatatshriymalune? Hike. Seyni rapokhohnexinpatka hnunrowpiratatshri hixolune yehi hkochpajikoklunpatka. Waneklu papko halikaka rohajirewatanutkana wanna.

Lucas 15:6

haté hipji yehi. Htomhana rimatletanune rimwastsitanune. Waneya wla htshinna: “Himuwatanu hitayma klu tshinanu nopra ovelha hamhakanatatshro nukchikatka.”

João 15:11

— Xye pirana nunkakhi, numuwle himwatshine himukatatshinephi, hiyrun-koxa hpoyikowaxyawaka hike mahatatka.

João 16:24

Haté xawakni hike hanjitawano. Hanjirewatanu, hyoptoxyawakaplu himuwle hike mmahaxyawakanupa.

João 17:13

Hiyáhoni pixa nwaka nyanu. Hiyrun-koxa xyekaka tokantshi xye tshijne hajene nunkakatka, numuwle nenejyana hpoyahokajyawakapa wanna yehi.

João 3:30

Wale hijhalu pnut-potu hya hijhakaluru rixyawaka seyni hita kayaho hijhakalurupno.

2 Coríntios 11:2

Klu tshinanu nhokothi. Hoyakalu henekno nhokoxyawakaphi. Klu tshinanu hixa hatatjewa makloji hike myanwakatanutowa hike mixkotowa pixka hixatshinhi. Nunkaklexyahi satupka hhanuruxyawakapa walekni Cristo.

Filipenses 2:2

numuwle hpoyahokakanu, walerutu hchinikanu hixa hichinikanretleru hiyrunu walerutu hichiniklewlu himwatshinephi pa hchinikanurune hixini. Satupka chinikantshi himwatshinephi.

1 João 1:4

Xye pirana wyonanwakathi wumuwle tseruwnapotuxyawakapa.

2 João 1:12

Hi heppik-pirana naluka yonrenwakathi seyni hi naluka yonretlu papel-mta caneta-ya klu tshinanu naluk-hapyehrethi. Waneklu potu winam-potuko wuhle hiynumsakaklexini hiyrunu wpoyikowpotutanu.

Apocalipse 21:9

Waneya satu wanna, hiwejikalune Hoyakalu towrerune tenhohne hajene sete, salewaktshikaka stono yehi himwatshine, wla tshinno: — Puna, nekhitapanyi hnuruwpiratatshro, Carneiro Whene tshinkaluru hnunropa.