João 3:27 - Bíblia

²⁷ Waneya João wla tshinna: — Yineru himukata himwaletlu pa hixanu Hoyakalu henejini tsonru.

João 3:27 ပူးပေါင်းရင်းမြစ်များ

Mateus 21:25

Ha João h-batiz-lewaxyawaka? Hanhe ruchpajya htowutjeru, ho Hoyakalu ruchpajya ho jeji ruchpajya? Waneya hyinuwaka hiynumsakakletna wannakakluko. Waneya wla htshinkakna: — Wla wtshininri Hoyakalu, waneya repomhanunwu: “Haklu tshinanhe hi halixlu João-ni?”

Mateus 25:15

Waneya satu towrertshi cinco proji reneka, satu hepi proji reneka, satu pa projipka reneka. Satkaka rumukaxyawakna renekna. Waneya hyatka.

Marcos 13:34

Satu jeji howuka yatshripa pixka rixanu. Hmayaknuhnapukawa htowutna htowrerune, rapsatna kamrurewjetatshine kamrurtshi hiyrun-koxa htowutlu hiphapto hislahatshri ruslahyawakaplu.

João 10:41

Hixolune yine hapatjeyehitlu Jesus waneya wla htshinkakna: — João tshinkaluru hikeklu hiyákolu hkamha seyni ptowru xye jeji pirana runkakletahnapuxyalu mitshi halikakni.

João 6:65

Waneya wane pnute htshina hinkakleta, wla htshina: — Wale tshinanu wane ntshinhi: Hi satuknako yineru himukata yanwakletno hita, Nuru Hoyakalu mitshitkanuklunru.

Romanos 1:5

Hiyáhoni Jesus Cristo tshinanu Hoyakalu henekno xye hitakkaluru, hnurreru nixyawakatka, Cristo tshinanu, nalixkajyawakapna, kajnako nixkajyawakapna yine psol-tshijne hajeneko.

Romanos 12:6

Hiyáhoni Hoyakalu henekachale kakojerni, hpixkonu reneksatwu, womkahitanru. Hiyáhoni Hoyakalu pixkonu renekachale Hoyakalu pirana wunkaklexyawaka rixini waneya wane potuko wixanu, hi psokta wixa halixleta, wane wixanu.

1 Coríntios 1:1

Hita, Paulo-no, nuretkalurno Hoyakalu halujyawaka tshinanu, Cristo Jesus pirana nuphujexyawaka. Hita, Cristo tshinanu nmoletanruyma Sóstenes tshinkaluruyma,

1 Coríntios 12:11

Xyekaka ptowru potuko hkamha walerutu satupkalutu Hiwejikaluru. Satkaka reneka himatkalnuta waleko raluk-heneklexyalu pejnu.

1 Coríntios 15:10

Seyni Hoyakalu hihlenu tshinanu, hitatkani hita. Hiyrun-koxa Hoyakalu hihlenu hi mahijerutatka hita tshinanu. Klu tshinanu nuretkalune kamrurewle pnute nixa kamrurewleta hita. Halikaka hi hit-potni seyni Hoyakalu hihlenu hitaymalutu kamrurewata.

1 Coríntios 3:5

Klu tshinanu klunerni Apolo? Klunerni Paulo? Hixa Hoyakalu halujyawaka homkahitatshine tsonwu. Halikaka wunkakle tshinanu hixa halixlu Tsru Hixikatshriwa Cristo pirana. Hanuru kamrurtshiktako Hoyakalu henekanwu hixa satkaka wale wkamhanu.

1 Coríntios 4:7

Kathe wan-hixkakyi halukkaluru potu pixyawaka pimrine pnute? Hi he Hoyakaluko henekatkayi ptowru potuko pimwaleru? Hiyáhoni klu pimalixkoxinwa pma yoptotanutu pixka?

Gálatas 1:1

Twu yonawahlo, Paulo yokanrerni. Nuretkalurno, nyokanatka. Yine hi yokanatno hiyrunu hi yineru nurreru tshinanu seyni Jesus Cristo tshinanni hiyrun-koxa Hirtshi Hoyakalu tshinanu Cristo hiwekkakatshri hipnatshine tskalaya.

Efésios 1:1

Hita, Paulo-no, Jesus Cristo nurrerno, Hoyakalu halujyawakako tshinanu, nyonatlo twu yonawahlo, Hoyakalu hayinetene tshinanu. Hixa Éfeso hajenhi, Cristo Jesus munanhahohnekanatatshinhi tshinanu nyonatlo.

1 Timóteo 2:7

Wale tshinanukni nutakka nuretkaluru yokanatkaluru nixyawaka hiyrun-koxa judeu mixkane nasrujyawakapa nunkaklexyawakaplu Cristo halixikolu pirana, halikaka pirana. Hi nweyawata, halikaka pirana ntshina.

Tiago 1:17

Ptowru hixatshri kihleru wyoptoleru hiyrunu ptowru hixatshri hike mmahaxikatu tenhohne ruchpajya. Xye ptowruka Hoyakalu hiyakaxya. Hoyakalu honukla katalune tenhohne hajene hiyakotatshrini. Hi kakojerni Hoyakalu. Rixannuni. Hi psojikna hyokmanya Hoyakalu.