João 3:26 - Bíblia

²⁶ Waneya João nwaka hyana, wla htshinruna: — Kasruklewakleru, jeji honra pimwakanatanru Jordão wenne tujra wnahlu mitshi, puphujtapiranaxinri, haha wale himakni h-batiz-lewjexya. Hiyrun-koxa ptowru yine yanwakjetlu.

João 3:26 ပူးပေါင်းရင်းမြစ်များ

Mateus 23:7

Rukchikhihlenutluna ralijikowakna hixowaka hetanu hiyrunu kasruklewakleru htshinikolna yineya.

Mateus 23:8

Seyni hixa hi kasruklewakleru htshinko klu tshinanu satupkalu pasrukjeru hiyrun-koxa hixa ptowrunekhi moletkakatshinhi.

João 1:15

João hiphujtatlu xye yineru. Tsru tokantshiyma wla htshina João: — Xyekatkani ntshinjekanatanru: “Hita natjini hapokatshripa hita yohnik-kahwakpiratkaluru klu tshinanu nma matutkanuklunuwa rawakotka wale.”

João 1:7

Xye jeji hapokatka hiphujtatatshri rixyawaka ruphujexyawakaplu katalu katni wale. Wan-rixa ptowru yineru halixatshri rixinripa runkakle tshinanu.

João 1:9

Katalu halikakalutu waleni katalu xye tshijne hapokatshri ptowru yineru hchinikanu nikotatshri.

João 11:48

Wetachaxinri wan-rixyawaka ptowru yine halixanru. Waneya romano chefe-tene hinanwakatanwu, Hoyakalupji hyotkakanna hiyrunu wtshijne hkonanwuna.

João 12:19

Waneya fariseu-ne wla htshinkakna: — Haha hetanu, hike wkochpaka! Hetpotutanu, ptowrunek-yine homkahitlu.

João 3:2

Waneya hoyetshno Nicodemos yanwakatlu Jesus waneya wane htshinru: — Tsru Hixikatshriwa, wimatyi pixa kasruklewakleryi, Hoyakalu yokanreryi klu tshinanu hike yineru himukata kamhaletlu nyi hiyakolukaka pkamhajereru Hoyakalu mimotsatanune.

João 4:1

Jesus hima João tshinkaluru yohnik-homkahitatshine rawya hiyrunu João yohnik-hima h-batiz-jeta Jesus. Waneya fariseu-ne jemlu xye pirana.

João 4:2

(Seyni Jesus hi batiz-jekanata halikaka rasruklene tsonu batiz-jekanatna.)

João 4:31

Waneya wane pchinika Jesus hasruklene nikjixmaklu. Wla htshinruna: — Kasruklewakleru, pnikanu.

João 5:33

Hixa yokananwakatlu João nopirana hepomhatshinepa. Hiyrunu wale hiphujtatlu halikakalutu pirana.