João 3:21 - Bíblia

²¹ Seyni yineru, hanuruktako homkahitlu halikakalutu pirana katawaka rutajnawa, rimathexikowaka hkamhaleru Hoyakalu hikchikhihlenrerni wale.

João 3:21 ပူးပေါင်းရင်းမြစ်များ

João 1:47

Waneya Jesus hexinri Natanael wale nwaka hinamta wla htshinanwakatlu: — Hetanru! Tujrapatkani jeji israel-neru halikakalutu. Waleni maylokletu.

João 3:20

Ptowru yineru hektutu kamhatshri hahnanutlu katawaka hiyáhoni rasujyaluna katalu hike mexyawakanuplu hkamhalerna hektutu.

João 5:39

Hethapotjetlu Hoyakalu tokanu yonatkaluru, hanu htshina. Klu tshinanu hixa kahwaklu wale yonatkaluru tshinanu hikchikanru hiweklu hikeklu hohne mnikawnakatu. Haha walekni hiphujtatlu kat-potno hita.

João 7:17

Satu yineru haluka kamhalexinri Hoyakalu halujyawaka, rimathetanru nasrukle hichpajyawaka pirana, ho Hoyakalu yehi hichpajikatshrira ho hitako ntokanra.

1 Coríntios 15:10

Seyni Hoyakalu hihlenu tshinanu, hitatkani hita. Hiyrun-koxa Hoyakalu hihlenu hi mahijerutatka hita tshinanu. Klu tshinanu nuretkalune kamrurewle pnute nixa kamrurewleta hita. Halikaka hi hit-potni seyni Hoyakalu hihlenu hitaymalutu kamrurewata.

2 Coríntios 1:12

Xyekni walixkoxnawakwa, hi wkojwakahchinikanuta wixjexyawaka tshinanu klu tshinanu wekhithi wixa hiweklexyawaka pixka. Phujewak-potuko wixa kamhaletanru ptowruko hike weyawlu wunkakhi, Hoyakalu tshinanu. Hi yine himatkalnu tshinanni seyni Hoyakalu hepixle tshinanuya.

Gálatas 6:8

Klu tshinanu himane halujyawaka hitakatshri, himane halujyawaka tshinanu hipuktshi ramanu. Seyni Hoyakalu Hiwejikaluru halujyawaka hitakatshri, hiweklu hikeklu hohne mnikawnakatu ramanu.

Efésios 5:9

Klu tshinanu katal-hixlu ptowru hixatshri hihlentshi poyahokakleni, halikak-potu.

Filipenses 1:11

Waneya hixa hiwejinri katsepopatkalu ptowru chinikantshi kihleru, Jesus Cristo tsonu hakanikleru, ralixkoxikolupa hiyrunu rimalwuxikolupa Hoyakalu.

Filipenses 2:13

Klu tshinanu Hoyakalukni hix-yehi kamrurewaxikatshri, halujyawakaplu hiyrun-koxa hkamhiywakaplu wale halujyawakako.

Colossenses 1:29

Wale tshinan-koxa nkamrurewpotuta, nyapretaklewata. Numukata kamhaletlu xye Cristo himukatle tsru potuko tshinanu nmixkotjeru.

Hebreus 13:21

Nanjitlu Hoyakalu hike mmahaxikane rixkajyawakaphi ptowru kamrurtshi tshinanu. Wale halujyawaka tsonu kamhatshinephi hiyrunu ptowru potuko rukchikhihlenreru, hix-yehi kamrurewaxikatshri rixyawaka, Jesus Cristo tshinanu. Himalwutkalurupni wale, hikeklu hohne mnikawnakatupa. Seyoka.

1 Pedro 1:22

Hiyáhoni xawakni halikaka tokanu homkahlu tshinanu Hoyakalu Hiwejikaluru hepixle tshinanu hpowratahchinikanuxnawa hpoyaho hichinikanretletna hmoletanune Cristo tshinanu ptowru hamotluya. Hiyáhoni hichinikkakanu. Hi hixachatatshinephi seyni hihchinikanu psolukayma hichinikkakanu.

1 João 1:6

Pa hchinikanurunwu Hoyakaluyma wtshininiklunwa seyni mapchahawakayma wyaniniklunu, wweyawata hiyrunu hi womkahitlu halikakalutu.

3 João 1:11

Nuchinikanune, hi hyimanru hektutu seyni kihleru hyimanu. Kihleru kamhatshri Hoyakalu hayinerutni seyni hektutu kamhatshri hi rimathetlu Hoyakalu.

Apocalipse 3:15

Nimatlu hkamrure. Nimathi hixa hi katshiklerunpothi, hi koxa hamerunpothi. Nalukamkahi katshiklerunpotu hixyawaka ho hamerunpothi.