João 3:2 - Bíblia

² Waneya hoyetshno Nicodemos yanwakatlu Jesus waneya wane htshinru: — Tsru Hixikatshriwa, wimatyi pixa kasruklewakleryi, Hoyakalu yokanreryi klu tshinanu hike yineru himukata kamhaletlu nyi hiyakolukaka pkamhajereru Hoyakalu mimotsatanune.

João 3:2 ပူးပေါင်းရင်းမြစ်များ

Mateus 22:16

Fariseu-ne hasruklene hyokananwakatluna Jesus Herodes-neyma. Waneya repomhaluna Jesus: — Kasruklewakleru, wimatyi pixa halikaka pirana ptshinjeta, pasrukjetkoxna. Hiyrun-koxa hi yine hixachatatshineko yokwityi seyni pasrukle halikakalutu Hoyakalu halujyawaka pirana.

Mateus 23:7

Rukchikhihlenutluna ralijikowakna hixowaka hetanu hiyrunu kasruklewakleru htshinikolna yineya.

Mateus 23:8

Seyni hixa hi kasruklewakleru htshinko klu tshinanu satupkalu pasrukjeru hiyrun-koxa hixa ptowrunekhi moletkakatshinhi.

Marcos 12:14

Rapokna waneya wla htshinna: — Kasruklewakleru, wimatyi pixa halikaka pirana ptshinjeta, pasrukjetkoxna. Hiyrun-koxa hi yine hixachatatshineko yokwityi seyni pasrukle halikakalutu Hoyakalu halujyawaka pirana. Hiyáhoni punkakanwu, pkahwaklu minanchitkotlahe psoji tiyiro wenejyawaklu César Roma hajeru tsru hixikatshriwa? Ho wenejerhe ho hike?

João 1:38

Waneya Jesus hiprotaka, retna romkahitjene. Waneya wla htshinna: — Kluhe hijhajeta? Wanna wla tshinru: — Hasruklewatatshri (wale Tsru Hixikatshriwa raluka tshinreta). Hanhe pwajeta?

João 10:38

Seyni Hoyakalu kamrure nkamhini halikaka, yáholu hi hita halixini seyni kamrurtshi nkamhaleru halixanu. Himaxyawaklu hiyrunu halixyawaklu Nuru Hoyakalu himwano hita hiyrunu hita himwalu wale.

João 12:37

Hixo himyekaklewatatshri hkamha wanna hetanu seyni wanepnawaka hi ralixluna.

João 14:10

Hi he palixlu Nuru Hoyakalu hwatshrino hita hiyrun-koxa Nuru Hoyakalu hita hwatshrini wale? Tokantshi nunkaklexyahi hi hita nnurrerni wale nunkakletanru. Seyni Nuru Hoyakalu hita hwatshri, waleni ptowru potuko kochpakatshrini.

João 15:24

Kamrurtshi nkamhaleru satukna yineru mkamhanutu, nma kamhaknumka wanna hetanu, himka hektuwaka kamhatshinetkani. Seyni xawakni retluna nkamrure wanepnawaka rahnanutnona hiyrunu Nuru koxa rahnanutna.

João 2:11

Wan-rixa yinuwakletlu Caná poktshiya, Galileia tshijne hajeruya Jesus kamhalu mitshikananu hetkaluru hkamhaleru. Ruphujetlu royaknu hiyrunu rasruklene halixatkalu.

João 20:16

Waneya Jesus wan-tshinro: — Maria. Waneya tuprotaka, hipokananu wla ttshinru judeu-ne tokanuya: — Rabôni! (wale haluka tshinreta kasruklewakleru.)

João 3:26

Waneya João nwaka hyana, wla htshinruna: — Kasruklewakleru, jeji honra pimwakanatanru Jordão wenne tujra wnahlu mitshi, puphujtapiranaxinri, haha wale himakni h-batiz-lewjexya. Hiyrun-koxa ptowru yine yanwakjetlu.

João 4:31

Waneya wane pchinika Jesus hasruklene nikjixmaklu. Wla htshinruna: — Kasruklewakleru, pnikanu.

João 5:36

Seyni waneru nuphujtatjeru João yohnik-halukkaluru. Kamrurtshi Nuru Hoyakalu henejyano nnikaxyawakapa, xyekaka nkamhaleru, walekni hiphujtatlu nopirana, Nuru Hoyakalu yokanaxyawakno ruphujeta.

João 6:2

Hixolune yine homkahikanatlu Jesus klu tshinanu retluna himyekaklewatatshri Jesus yeyixatshine rutskalajyawaka.

João 7:31

Waneya hixolune yine halixlu Jesus, wla htshinna: — Cristo tshinkaluru hapojinipa xyekaka himyekaklewatatshri xye jeji kamhaleru yohnikalutlahe hkamhanu wale?

João 9:16

Waneya fariseu-ne wla tshina: — Ha wan-hixatshri jeji hi hetko Hoyakalu hichpajikatshrini klu tshinanu hi hkahwakpiratlu hapnanuxikalur-hohne. Seyni pimrine wla tshina: — Hanu xawakhe rumukata hektuwaka kamhatshri xye pixkalutu himyekaklewatatshri kamhaleta? Hiyáhoni hkotspalahchinikanutatkana yine.

Atos 10:38

Hiyrun-koxa hixa himatlu Jesus Nazaré hajeru pirana. Hoyakalu hipkakhohotlu Jesus Hoyakalu Hiwejikaluru hiyrunu tsru pixkonu reneklu Jesus. Waneya Jesus ptowru sretako hyapakananumta. Kihleru hkamhakananumta Jesus. Rutskalakna ptowruneka tsru kamtshi himwakanatatshine klu tshinanu Jesus-ymalu Hoyakalu.

Atos 2:22

Waneya Pedro pnute hinkakna: — Jejine, israel-nerune, hyijnakotanru xako xye tokantshi: Hixa himatlu xye jeji Jesus Nazaré hajeru, Hoyakalu nurreru rixyawaka. Xye rekhitatkahi Hoyakalu ruyakolekakayma, tsrukaka himyekaklewatatshriyma, Jesus kamhaleru hixa tskalaya.

Filipenses 1:14

Kapna nyochmajikowaka tshinanu hixolune Wutsrukate Cristo tshinanu wmoletanune mixkowahchinikanutatka runkaklexyawakluna halikakalutu tokantshi hike hpikna.