João 3:18 - Bíblia

¹⁸ Hiyáhoni Hoyakalu whene halixatshine hi rapnokatkana seyni malixkane rapnokatkana klu tshinanu hi ralixluna Hoyakalu whene satupkalutu.

João 3:18 ပူးပေါင်းရင်းမြစ်များ

Marcos 16:16

Katukta halixanru hiyrunu h-batiza-xikowakapa riwekkaka hikeklu hohne mnikawnakanepni. Seyni katukta hi halixanru hamhatshripni.

João 1:12

Seyni ptowruneko, ralixjene pejnu rutakna Hoyakalu whenene rixyawakapna, ralix-hiwakatjene pejnu tshinanu wan-rixa.

João 1:18

Hi satukna yineru hikeklu hetjejetlu Hoyakalu. Halikaka Hoyakalu whene satupkalutu, ruru Hoyakalusko potuko hwatshriko, walekni hiphujtatlu Hoyakalu.

João 20:31

Seyni xyekaka yonatka hixa halixyawakaplu Jesus, Hoyakalu Whene Cristo (Messias) rixyawaka hiyrun-koxa halixinri waneyaphi hiwejinri wale hiwaka tshinanu.

João 3:16

Hoyakalu psol-tshijneka hajene ramotle tshinanu hyokanatlu hituru satupkalutu ptowru yineru ralixjene hi rupnanna seyni riwekanna hikeklu hohne mnikawnakanepa.

João 3:36

Wale tshinanu Whentshi tshinkaluru halixatshri himwalu hiweklu hike rixiniko mnikawnakatu. Seyni Whentshi tshinkaluru malixkatu hi rawyalu riwejinri seyni Hoyakalu hapnokaxyalu hikeklu hohne rasujinri.

João 5:24

Halikakni, halikakni wane ntshinhi, ntokanu jematshri, nyokanatjeru halixatshritka himwalu hiweklu hike rixiniko mnikawnakatu. Hike jikolukanuru waneylu. Seyni hipuktshi riknokajikatka hiweklu hjihlokatka.

João 6:40

Hiyrunu xyekni Nuru Hoyakalu halujyawaka, Whentshi tshinkalurno hetatshine, hita halixatshine pejnu, hiweklu hike rixiniko mnikawnakatu hkayaxyawakapna. Waneya ralipre hohnepatka niwekkakanna hipuktshi yehiya.

João 6:47

Halikakni, halikakni ntshinhi, Hita halixatshri himwalu hiweklu hike rixiniko mnikawnakatu.

Romanos 5:1

Wpowratka, halixlewlu tshinanu hiyrunu hihlehchinikanyehitkalunwu Hoyakaluyma. Tsru Hixikatshriwa Jesus Cristo kamhaleru tshinanu.

Romanos 8:1

Hiyáhoni Cristo Jesus munanhalene hi hjihyehitkona Hoyakaluya.

Romanos 8:34

Kathe xawaka jihyehitwu? Hikeni, klu tshinanu Cristo Jesus hipnapatka waneya riwekatka hipnatshine tskalaya. Hiyáhoni xawakni Hoyakalu potukle sreta rawa, hixa tshinanu Hoyakalu ranjita hipokananu.

Hebreus 12:25

Hiyáhoni xawakni hislahinwa hmuknojyawakanuplu yanumatatshri tokanu. Klu tshinanu xye tshijne hajene hijretatshine tokanu hiknokatshine hi rasujyatkaluna rapnokaxikolna, ha wane yohnik-potu wixko hixa, tenhohne hajeru hijretlewle wkatjixini.

Hebreus 2:3

Hiyáhoni, ha hixamka, hanhe wixa hasuklexinri wapnokaxikolu, wmajnakowyehixiniplu xye hiweklu heneklewatatshri pirana kihler-potuko? Mitshikananhapka Tsru Hixikatshriwa Jesus potuko hinkakletlu xye hiweklu heneklewatatshri pirana. Waneya wane wkatanu wale pirana jematshine hekhitwu halikaka pirana rixyawakatka.

Hebreus 3:19

Hiyáhoni wetlu hi rumukata jihlokletluna hapnanuxikowaka nwaka hmalixlenna tshinanu.

1 João 3:23

Hiyrunu xyekatkani tokantshi hyokanrer-pirana; hiwhene, Jesus Cristo hiwaka walixyawaka hiyrunu wmoletanune Cristo tshinanu wamotkajyawaka, htshin-towutlexyawakwu pixka wixanu.

1 João 4:9

Wan-rixa hekhireta Hoyakalu ruchinijyawakwu klu tshinanu xye tshiji hyokanatlu Hiwhene satupkalutu wiwejyawakapa wale tshinanu.

1 João 5:10

Hoyakalu whene halixatshri xye hiphujtaluru ruphujeta. Seyni katukta hi halixlu Hoyakalu, kaylokleru htshinru Hoyakalu klu tshinanu hi ralixatkalu Hoyakalu tokanu, Hiwhene pirana.

1 João 5:12

Katukta himwalu Hiwhene rimwakoxlu hiweklu. Seyni katukta hi himwalu Hoyakalu whene, hi koxa rimwalu hiweklu.