João 3:17 - Bíblia

¹⁷ Klu tshinanu Hoyakalu yokanatlu hituru riwekkajyawakna ptowru neruka seyni hi hyokanatlu hituru yine rapnokaxyawakapa.

João 3:17 ပူးပေါင်းရင်းမြစ်များ

Mateus 1:23

“Suxo, jeji mapokmanetanutowa michiwatanu, twuhenetanru jeji, hhiwakatko Emanuel.” (Emanuel raluka tshinreta “Hoyakalu hixaymalu”.)

Mateus 18:10

— Xako hi heyikanru satu nyi mturune klu tshinanu wane ntshinhi, hiwejikalune Hoyakalu towrene tenhohne hajene wanna tshinanu psol-hohneko rethojitluna Nuru tenhohne hajeru.

Mateus 18:11

[Klu tshinanu Jeji Whene xye tshijne hinatka riwekkajyawakaplu pupjetatshri.]

Lucas 19:10

Klu tshinanu Jeji Whene tshinkaluru hina hamhakanatatshri rujhiywakapa riwekkajyawakaplu.

Lucas 9:56

[Klu tshinanu Jeji Whene tshinkaluru hi hina yine samenru hnikaxyawakapa seyni halikaka runa riwekkajyawakapna yine.] Waneya pa poktshi nwakako hyatkana.

João 1:29

Waneya wale prika João hetlu Jesus. Runamta Jesus João nwaka. Waneya João wan-tshina: — Hetanu hixa, xyekni Hoyakalu carneiro-te. Xyekni xye tshijne hektunu konatshripa.

João 10:36

Seyni wanepnawaka hixa wan-tshinanwakatno hita Hoyakalu Nurrerno, Hoyakalu yokanreno xye tshiji napojyawaka seyni wanepnawaka hektuwaka ptshinanwakatlu Hoyakalu, htshinjetno. Seyni wane htshina klu tshinanu wla ntshinnawa Hoyakalu Whenno, ntshina.

João 11:42

Nimata pyijnakjetno seyni wane ntshina hixolune yine tshinanu hewi hwatshine, ralixyawakapna pixa yokanatno.

João 17:18

Pyokanaxyawakno xye tshijne pixka, wanna koxa nyokanata xye tshijne hyiywakna.

João 17:21

Nanjityi pa hchinikanurune rixyawakapna, hixa pixka Nuru Hoyakalu pa hchinikanurunwu pixa hitayma hiyrunu pa hchinikanurunwu hita pixayma. Nanjityi pa hchinikanurune pixkakanna hixayma, xye tshijne hajene halixyawakaplu pyokanatanruno nixyawaka.

João 17:23

Hita wannayma hiyrunu pixa hitayma hike mmahaxikane rixyawakapna pa hchinikanurune rixyawakapna. Xye tshijne hajene himaxyawakaplu pixa yokanatno hiyrunu rimaxyawakapna puchinikna puchinikjexyawakno pixka.

João 17:25

Ha, Nuru Hoyakalu Potukalu, xye tshijne hajene hi himatatkayi. Seyni hita himatatkayi hiyrunu nyi yine himatatkalu pixa yokanatno hita.

João 17:3

Pixa Hoyakalu halikakalutu rimaxyawakapna yine, hike pixka hixatshriyi, hiyrunu Jesus Cristo, pyokanatanru rimaxyawakapna yine, xyekni hiweklu hike rixiniko mnikawnakatupa.

João 17:8

Klu tshinanu tokantshi punkajyatkano, wanna nunkakatka. Hiyrun-koxa wale tokantshi ralixna. Pix-yehi hichpajikatshrino halikaka rimathetna hiyrun-koxa rimathetnona pixa yokanatanruno nixyawaka.

João 20:21

Waneya Jesus rimepe wan-tshinretna: — Kihle hchinikanuphi. Nuru xye tshijne yokanaxyawakno pixka nixa yokanrethi hixa.

João 3:34

Hoyakalu yokanatanru, Hoyakalu tokanu runkakletjeta. Klu tshinanu Hoyakalu hi psotsonujiji Hiwejikaluru reneklu seyni Hiwejikaluru psoluka reneklu.

João 5:36

Seyni waneru nuphujtatjeru João yohnik-halukkaluru. Kamrurtshi Nuru Hoyakalu henejyano nnikaxyawakapa, xyekaka nkamhaleru, walekni hiphujtatlu nopirana, Nuru Hoyakalu yokanaxyawakno ruphujeta.

João 5:38

Htokanu hi hixa hitokote hwa. Wan-rixa klu tshinanu hi halixatkalu hyokanatanru.

João 5:45

Hi hkahwakanu njihyehixyawakhi Nuru Hoyakalu yehi. Hixa hikolukjerni Moisés-ni, hixa munanhaleru potuko, walekni hikolukanhi.

João 6:29

Waneya Jesus hihitna: — Xyekni Hoyakalu kamrure yine halixyawaklu Hoyakalu yokanrerni.

João 6:38

Klu tshinanu tenhohne nunya tshiji hi hita nalujyawakako nkamhiywakapa seyni nyokanatjeru halujyawaka nkamhiywakapa halikaka.

João 6:40

Hiyrunu xyekni Nuru Hoyakalu halujyawaka, Whentshi tshinkalurno hetatshine, hita halixatshine pejnu, hiweklu hike rixiniko mnikawnakatu hkayaxyawakapna. Waneya ralipre hohnepatka niwekkakanna hipuktshi yehiya.

João 6:57

Nuru Hoyakalu hiwekatshri yokanaxyawakno pixka hiyrunu Nuru Hoyakalu himukatle tshinanu niwejyawaka pixka, waneko pixka rixa ptowru yineru hita nikatshri pejnu. Hita tshinanuko riwekanu.

João 7:29

Seyni hita himathetlu, klu tshinanu wale yehi nuchpajya hiyrunu waleko yokanatno.

João 8:11

Waneya wala wla tshina: — Hiketkani, Hasruklewatatshri. Waneya Jesus wla tshinro: — Hi hitako hikolukanuwnayehkakyi hiyáhoni pyanutka hi pektuwatanutka hiyrunu.

João 8:42

Jesus wla tshinna: — Hoyakalu hirutkamka, hixamka halukanno hita. Klu tshinanu Hoyakalusko hichpajikatshrino hita hiyrunu hewitkano. Hiyrun-koxa hi nyokanaxnawa seyni Nuru yokanatno.

1 João 2:2

Jesus Cristo tshinanukni wektunu hiknokka, hi hixa wektunu tsonu tshinanu seyni psol-tshijne hajenenni hektunu tshinan-koxa.

1 João 4:14

Wetlu hiyrunu wuphujtatlu Wuru Hoyakalu yokanatlu Hiwhene xye tshijne hajene hiwekkaklewatatshri rixyawakapa.