João 3:13 - Bíblia

¹³ Hi satukna yineru tenhohne hatskoxya, seyni Jeji Whene tshinkaluru tenhohne serpijikatshri tsonupka wane ratskoxya.

João 3:13 ပူးပေါင်းရင်းမြစ်များ

Mateus 28:20

Hasrukanna kajnako rixyawakapna wale pirana psoluka ntowuthi hinkaklexyawaka. Hiyrun-koxa hixayma nwanu psol-hohneko hikeklu hohne mnikawnakatupa.

Mateus 8:20

Waneya Jesus wla tshinru jeji: — Kaweretshine kapna rawjetna. Kochitshin-koxa tenhohne yapatshine waneyna rawyawakna. Seyni Jeji Whene tshinkaluru tsonu hi jimkawakleru, hi rawya rapnanuwakle.

João 1:18

Hi satukna yineru hikeklu hetjejetlu Hoyakalu. Halikaka Hoyakalu whene satupkalutu, ruru Hoyakalusko potuko hwatshriko, walekni hiphujtatlu Hoyakalu.

João 13:3

Jesus himatatkalu ptowru potuko reneklu Ruru Hoyakalu htowuxyawakapa Jesus. Hiyrun-koxa Jesus himatlu Hoyakalu yehi hichpajikatshrini hiyrun-koxa Hoyakalu nwaka yatshripni wale.

João 17:5

Hiyáhoni xawakni Nuru Hoyakalu, pix-potuko puphujetanno. Xye tshijne myinuwakkanuklunuwa pixayma nwajekanaxini hoyaknutshi netleru penekanno.

João 3:12

Xye tshijne pirana nunkaklexini wanepnawaka hi halixno hanhe xawaka halixanno tenhohne hajeru pirana nunkaklexini?

João 3:31

Halikaka tenhohne hichpajikatshri ptowru neruka pnuterutni wale. Seyni xye tshijne hichpajikatshri xye tshijne hajerukni wale hiyrunu xye tshijne hajeru pirana kochtshekatshrini. Tenhohne hichpajikatshri ptowru neruka pnuterutni.

João 6:33

Klu tshinanu pão Nuru heneklewaxya walekni yineru tenhohne serpijikatshri xye tshijne Hiwekkaklewaxikatshrini.

João 6:38

Klu tshinanu tenhohne nunya tshiji hi hita nalujyawakako nkamhiywakapa seyni nyokanatjeru halujyawaka nkamhiywakapa halikaka.

João 6:42

Waneya wla htshinna: — Hi he Jesus tshinkalurni xye, José tshinkaluru whenni, ruru hiyrunu runro wimathetanunni, xye? Hiyáhoni hanhe xawaka rumukata wan-tshinrexnawa tenhohne hichpajikatshrini wale?

João 6:46

Halikaka hi satukna yineru hetjejetlu Nuru Hoyakalu. Halikaka satupkalu, Hoyakalu yehi hichpajikatshri tsonu hetjejetlu.

João 6:51

Pão hiwekkaklewatatshri, tenhohne hichpajikatshri, hitni. Hiyrun-koxa yineru wale nikatshri pejnu hiwekanu hike rixiniko mnikawnakatupni. Xye pão xye tshijne hiwekle neneklerupa, waleni nohitu.

João 6:62

Ha hexiniplu Jeji Whene tshinkaluru tenhohne nwaka hsatojinipa rawakanaxyawaka yehi, hanhe hixahchinikanutanu?

João 8:42

Jesus wla tshinna: — Hoyakalu hirutkamka, hixamka halukanno hita. Klu tshinanu Hoyakalusko hichpajikatshrino hita hiyrunu hewitkano. Hiyrun-koxa hi nyokanaxnawa seyni Nuru yokanatno.

Atos 2:34

Davi-ni hi hanikkatka tenhohne seyni wane htshina: “Tsru Hixikatshriwa Hoyakalu wan-tshinru Nutsrukate: ‘Hitastsi ptuplatanu npotukle sreta

Atos 20:28

Hislahinwa. Hislahan-koxna pimrine Hoyakalu Hiwejikaluru henejyahi hislahiywakna. Carneiro-ne hinotatshine pixka hixanna Hoyakalu halixatshine hapatjetatshine, hanjitkalunetka Hoyakalu whene hipnaleya.

Romanos 10:6

Seyni Hoyakalu powratanru yineru ralixle tshinanu wane htshina yonatkaluru: “Hi pepomhinwa: Kathe tenhohne hatskotanu?” Waleni hwapkalurupa tshijiya Cristo tenhohne hajeruya.

1 Coríntios 15:47

Mitshikananu Adão waleni tshiji hajeru tshiji kamhikolni. Seyni hapkatatatshri Adão waleni Tsru Hixikatshriwa tenhohne hajerni.

Efésios 1:23

Cristo halixatshine hapatjetatshine Cristo mane yaholukni wanna. Satkaka halixatshri Cristo mane psojitekni wale. Cristo-ni ptowru potuko nikat-kamruretatshri psol-potuko.