João 3:11 - Bíblia

¹¹ Halikaka, halikaka wla ntshinyi: — Wunkakhi wimatjemle pirana hiyrunu wunkakhi wetlerutka pirana seyni hixa hi haluk-halixletlu wunkakle.

João 3:11 ပူးပေါင်းရင်းမြစ်များ

Mateus 11:27

— Nuru, ptowru potuko renekno. Hike himathetlu Whentshi seyni Hirtshipka himathetlu. Hike himathetlu Hirtshi seyni Whentshipka himathetlu hiyrun-koxa katukta raluk-himatyehkakletlu Hirtshi.

Mateus 23:37

— Jerusalém, ha Jerusalém! Puylajetna Hoyakalu tokanu hinkakletatshine hiyrunu pimrinni pixa nwaka hyokanatanunni Hoyakalu psotlujeta! Hixo katmaka naluka sapriklethi ho kapolethi patlapa tapatjewhenexini pixka! Tomeji hpuko tutajinna pixka. Seyni pixa hi hitshitno.

Lucas 10:22

— Nuru, ptowru potuko renekno. Hike himathetlu Whentshi seyni Hirtshipka himathetlu. Hike himathetlu Hirtshi seyni Whentshipka himathetlu hiyrun-koxa katukta raluk-himatyehkakletlu Hirtshi.

João 1:11

Runatka waleko rayinetene yehimka seyni rayinetene hi ralukanatkaluna.

João 1:18

Hi satukna yineru hikeklu hetjejetlu Hoyakalu. Halikaka Hoyakalu whene satupkalutu, ruru Hoyakalusko potuko hwatshriko, walekni hiphujtatlu Hoyakalu.

João 12:49

Klu tshinanu hi hitako ntokanu nunkakatkahi seyni Nuru Hoyakalu yokanatno wane ntshinyawakapa, nunkakletanrupa.

João 14:24

Seyni nmalukjetu hi homkahitlu ntokanu ntowuxyalu. Hjemanru tokantshi ntshinyahi. Wale tokantshi ntshinyahi hi ntokanni wale seyni Nuru Hoyakalu nyokanatjeru tokanni wale.

João 3:12

Xye tshijne pirana nunkaklexini wanepnawaka hi halixno hanhe xawaka halixanno tenhohne hajeru pirana nunkaklexini?

João 3:13

Hi satukna yineru tenhohne hatskoxya, seyni Jeji Whene tshinkaluru tenhohne serpijikatshri tsonupka wane ratskoxya.

João 3:3

Waneya Jesus hihitlu: — Halikaka ntshinyi, hike himukata jihlokletanru Hoyakalu pohirewaxyawaka hepi kata hma matutkanuklunu.

João 3:5

Waneya Jesus wan-tshina: — Halikaka ntshina, hike himukata jihlokletanu Hoyakalu pohirewaxyawaka hma mathapkatkanuklunu honhaya, Hiwejikaluruya koxa.

João 5:43

Nuru Hoyakalu hiwaka nunya seyni hi haluka yoptoletno. Seyni satuko waleko hhiwaka runikmaka walemka halikaka hyoptohihlenutanu.

João 7:16

Jesus hihitatkana, waneya wla htshina: — Nasruklewaxya hi hitako nohchinikanni wale seyni waleni Hoyakalu nyokanatjeru hchinikanu.

João 8:14

Waneya Jesus hihitatkana, wla htshina: —Yáholu hita nanwaka hiphujtaxnawa wanepnawaka halikaka piranni ntshinyawaka. Klu tshinanu nimatlu nuchpajyawaka sreta hiyrun-koxa nimatlu nyiywakapa sreta hanu nyanu. Seyni hixa hi himatlu nuchpajyawaka sreta hiyrun-koxa nyiywakapa sreta hi himata.

João 8:26

Hixo piranamka numukata tshinrenwakathi hiyrunu hixo pirana tshinanu naluk-himlukantalethi. Seyni halikakalutni nyokanatjeru. Nyanumaxyalu nyokanatjeru tshinyawaka tsonu nunkakjetna xye tshijne hajene.

João 8:38

Netleru, wale ptowruka Nuru Hoyakalu hekhixyano nunkakleta. Hiyrun-koxa hixa hkamhajetanru wale ptowruka hixako hirune hasrujyatkahi.

Atos 22:18

Netlu Tsru Hixikatshriwa Hoyakalu hita riynumata: “Pchiretanu. Jerusalém puchpajini klu tshinanu wane hajene hi halixanyi hita pirana punkaklexinipa.”

2 Coríntios 4:4

Hi ralixluna Cristo klu tshinanu xye tshijne hoyakalute hektutu kkamhakleru himaletahchinikanutna. Hi ritshitna rumrekhaxyawakna hma mexyawakanupluna katalu, kihle piranalu potuko hiwekkaklewatatshri pirana, Cristo hoyaknu pirana. Cristo waleni Hoyakalu yáholu potuko.

Apocalipse 1:5

Hiyrun-koxa Jesus Cristo tshinanuya xye pirana hiphujetatshripa potukalu. Mitshikananu hiwekatshrini wale ptowruneka hipnatshine tskalaya hiyrunu ptowru pohirtshine Tsru Hixikatshriwatni wale. Wuchinikjerni wale, hixa tshinanu cruz rupniyatka ruknokhektunuxyawakapwu hihraha hiyokle tshinanu.

Apocalipse 3:14

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Laodiceia poktshi hajene kosekatshri: “Xye pirana runkakhi Amém tshinkaluru, Hoyakalu pirana hiphujetatshri halikak-potu, mweyawakletu, Hoyakalu hiyakotanrukaka yinuwakatshri.