João 3:10 - Bíblia

¹⁰ Jesus hihitlu, wla htshina: — Hi he israel-nerune hasrukatshrimkayi seyni xyekaka pirana hi pimata?

João 3:10 ပူးပေါင်းရင်းမြစ်များ

Mateus 11:25

Waneya waneklu papko Jesus wan-tshina: — Nimalwutyi, Nuru, tenhohne tshij-koxa Towutatshriyi. Klu tshinanu pyohimatlu xye pirankaka jimatkaleruneya hiyrunu kahchinikanuruneya. Seyni puphujetlu hike mimatkane hetanuya.

Mateus 15:14

Hi hkojwakahchinikanutanu wanna tshinanu; wannakni mayhalene kosekatshine. Mayhaletu kosejinri mayhaletu waneya wanna hepi mayhalene kapna rujrukanna.

Mateus 22:29

Waneya Jesus hihita: — Hixa pupjetatshinhi klu tshinanu hi himatlu Hoyakalu pirana, hi koxa himatlu Hoyakalu himukatlewle.

Lucas 2:46

Waneya map-hohne hiknohinixka rukchikluna Jesus, Hoyakalupji rawakanata. Hoyakalu tokanu hasruklewatatshine hanikajite htuplakanata Jesus. Hyijnakokanatna mturu Jesus, repomhakanatna.

Lucas 5:17

Waneya pa hohnetnaka Jesus hasrukakanatna. Wane koxa rawakanata satkaka fariseu-ne hiyrun-koxa satkaka yonawahlo yonha kyimakleru Jesus-stsi htuplakanatna. Ptowru poktshi pejnu runyatkana Galileia tshijneya hiyrun-koxa Judeia tshijne hajeneya. Jerusalém poktshi koxa runyatkana. Tsru Hixikatshriwa Hoyakalu himukatle Jesus-ymalu ptowru hahijewaktshi rutskalajyawaka.

João 3:9

Waneya Nicodemos hepomhalu, wla htshina: — Hanhe rixanu xye?

Atos 5:34

Seyni satu fariseu-ne, Gamaliel hiwakatletatshri, yopkaka wanna hanikajite. Wale, hinanchitkaluru pirana hasruklewatatshrini, ptowru yineru kahwakpirpotutlu. Wale maleka hkochpakjixna nuretkalune pchini tsonu.

Romanos 2:28

Hiyáhoni hanu pothe rixa judeu? Roho mane hi judeu hixkaklu yineru. Hiyrun-koxa hi jiprojhaptojimtaluko judeu hixkaklu yineru.

Filipenses 3:3

Klu tshinanu halikak-potu jiprojhikatshinwahi hixa seyni hi judeu-nni. Seyni hixakni Hoyakalu kahwakpiratatshinwu Hoyakalu Hiwejikaluruya. Cristo Jesus munanhatshinwu tsru poyikowluyma hixni. Mantshi pirankaka tsonu mmunanhakanwu hixa.

Colossenses 2:11

Jiprojhikatshinwahi Cristo hetanuya. Hi yinemyoyma jiprojhikatshinwahi. Seyni Cristo jiprojhatkawu. Walekni kochpajyano nomane hektunu towutlewleya.