João 20:2 - Bíblia

² Hiyáhoni tasukamta Simão Pedro hiyrunu satu rasrukleru Jesus hamotleru yehi tya. Waneya wla ttshinna: — Yomletshikta hkochpajyanatkaluna Tsru Hixikatshriwani. Hi wimata hanukta rutakanatkaluna.

João 20:2 ပူးပေါင်းရင်းမြစ်များ

João 13:23

Wanekananru satu Jesus hasrukleru, ramotleru potuko, Jesus sta hinaple hikoluhatshri.

João 19:26

Waneya Jesus hexinro runro hiyrunu rasrukleru ramotleru runrostsi hwakanatatshri, wla htshinro runro: — Suxo, klalutkani pituru.

João 20:13

Waneya repomhalona: — Suxo, kluhe pitshiyahjeta? Waneya tuhita, wla ttshinna: — Klu tshinanu hanukta ranikanruna Nutsrukatni, hi nimata hanukta rutakanatkaluna.

João 20:15

Waneya Jesus hepomhalo, wla htshinro: — Suxo, klu tshinanrahe ptshiyahata? Kathe pujha? Seyni wala hitaklucha hislahatshri tikahwaklu hiyáhoni wla ttshinru: — Hitsrukatshi, pixa hanijiniplu, punkakanno putajyawaklu waneya nwapanru.

João 20:9

(Seyni wanepnawaka hi rimatjemawaluna Hoyakalu tokanu Jesus hiwejinritnaka tshinanu hipnatshine tskalaya.)

João 21:20

Waneya Pedro hiprotakatka, retlu Jesus hasrukleru ramotleru potuko hapakamnu. Xyekni Jesus sta hinaple hikoluhakaynokanatatshri hnikakanaxinna mitshi wla tshinakanatatshri mitshi: — Tsru Hixikatshriwa Jesus kathe hekhitanyi?

João 21:24

Xye honukla hasrukkaluru xyekaka pirana hiphujetatshrini hiyrunu xyekaka pirana yonatatshri. Wimatlu halikakni ruphujtaleru pirana.

João 21:7

Waneya hasrukluru, Jesus hamotleru, wla htshinru Pedro tshinkaluru: — Tsru Hixikatshriwatkani tujra! Waneya Simão Pedro jeminixkalu Tsru Hixikatshriwa hapojyawaka hmakawatatka klu tshinanu mamkatukananni hmariskaxyawaka tshinanu. Waneya ruptekhamtlu hipowha.