João 20:1 - Bíblia

¹ Waneya hyinuwakle seman-hohne, mapchahakowalu, Maria Madalena yanwakatlu yomletshi. Tetlu rerutkatka sotlu yomletshi hichyale.

João 20:1 ပူးပေါင်းရင်းမြစ်များ

Mateus 27:56

Sato wannaymalune Maria Madalena tshinkaluro, sato Tiago hiyrunu José hinro Maria tshinkaluro hiyrun-koxa sato Zebedeu whenene hinro.

Mateus 27:60

Waneya sotlu jitoxikolu hipjitaya José kapnaxikowakamkapa, satukna mutajikowakanuwa, rutakmanetlu Jesus-ni. Waneya tsru sotlu reruta yomletshi jihlojikowaka, ruchyaxyawakaplu waneya hyatka.

Mateus 27:64

Hiyáhoni ptowutanru kihle hislahle potuko rixanruna yomletshi map-hohne pejnu tshinanu. Himanni hma tshowhutapyawakanupna rasruklene wla hma tshinyawakanupna: “Riwekatka hipnatshinetka tskalaya.” Hiyáhoni xye rapkatle hyokwirewle yohnik-himtukaplu.

Mateus 27:66

Hiyáhoni hyatkana, sotlu yomletshi hichyatkaluru rimaxikoletna hiyrunu hislahatshine rutakna.

Mateus 28:1

Waneya hyinuwakle seman-hohne, yetshpotukawa, Maria Madalena tshinkaluro hiyrunu sato Maria tshinkaluro yomletshi retapna.

Mateus 28:2

Chinpotukawa tshiji hiyolikpotutatka, satu hiwejikaluru Hoyakalu towreru, tenhohne hichpajikatshri hapokle tshinanu waneya rerutlu sotlu yomletshi hajeru waneya htuplahohotlu.

Marcos 15:46

Waneya Jesus-ni mane hkochtsheka cruz-ya, waneya linho sama mkatshri sama ranjireru ruwtoklu. Waneya kapna, sotlu jitoxikolu hipjitaya rutakmanetlu Jesus. Waneya tsru sotlu reruta yomletshi jihlojikowaka, ruchyaxyawakaplu.

Marcos 16:9

Jesus hiwekatnaka domingo prika. Mitshikananhapka Maria Madalena rakanhayehita. Wala honra mitshikananu sete kamtshine takajika.

João 11:38

Waneya Jesus tshiyahpiratatnaka. Hyanwakatlu yomletshi. Hipjita rawa yomletshi. Tsru sotlu hichyapnatlu yomletshi.

João 11:41

Waneya rerutluna sotlu. Waneya Jesus teno yihatatka wane htshina: — Nuru, poyahnu klu tshinanu pyijnakotatkano.

João 19:25

Cruz-stsi hyopkakna Jesus hinro, nato htshinrero, Maria, Clopas tshinkaluru hnunro hiyrunu Maria Madalena.

João 20:26

Waneya pa semana hiknohinixka, wanepjitnakna Jesus hasruklene Tomé-yma. Waneya yáholu hiphaptokaka hichyaluru potuko, Jesus jihlokatka wanna hanikajite hyopkakatka, waneya wla htshinna: — Kihle hchinikanuphi.

Atos 20:7

Waneya domingo hohne kayno hixa ptowrunekwu hapatjetatka pão wjiknajroxyawakapa. Paulo hinkaklewata haté hanikaj-yetshno runkakwu klu tshinanu wale prika wane ruchpajini.

1 Coríntios 16:2

Ptowru domingo hohne hkanipretanru tiyiro psoji waneya himretanru. Satkaka yineru rumukata hikchiklexyawaka pso tiyiro rutakanu. Wan-hixinpatka hi nujhalu tiyiro napatjexyawakpatka hita hix-yehi napojinpatka.

Apocalipse 1:10

Tsru Hixikatshriwa Cristo hohnerni, Hoyakalu Hiwejikaluru hepixamtno. Tsru plama njema. Notji sreta ruchpaktokanuxya. Kowi hima pixka htshina.