João 2:4 - Bíblia

⁴ Waneya Jesus wan-tshinro: — Suxo, klu tshinanhe pujhano hita? Nopapkolu hi hapokawa.

João 2:4 ပူးပေါင်းရင်းမြစ်များ

Mateus 15:28

Waneya Jesus wan-tshinro: — Suxo, palixle tsru potuko. Panijitanru penekko. Waneklukawa potuko tutskalhatka tchitsho.

Mateus 8:29

Waneya wane htshin-saplewletna kkamtshiterune: — Klu pimalukwu, Hoyakalu Whene? Puna psaletkajyawakanapwuhe wapnokaxikolu hohnepa minjeko?

Lucas 2:49

Waneya Jesus hihitna: — Haklu tshinanhe hixa hijhakanatno? Hi he himata nurupjiko nwiywaka?

João 12:23

Waneya Jesus wla tshinna: — Rapokpapkolutatka Jeji Whene tshinkaluru royaknu ruphujexikolupa.

João 13:1

Tsru niklu hohne Páscoa tshinkaluru hohne wkatanu Jesus himatatka rapokatka hipapkolutka xye tshijne ruchpajyawakapa, Ruru Hoyakalu nwaka hyiywakapa. Ruchinikatkana yine walenune xye tshijne hwatshine. Ruchinikhohnekanatna rupninri hohne potuko.

João 2:3

Waneya vinho-ha nikawninixka, Jesus hinro wan-tshinru: — Vinho-ha nikawnahatanatka.

João 20:13

Waneya repomhalona: — Suxo, kluhe pitshiyahjeta? Waneya tuhita, wla ttshinna: — Klu tshinanu hanukta ranikanruna Nutsrukatni, hi nimata hanukta rutakanatkaluna.

João 20:15

Waneya Jesus hepomhalo, wla htshinro: — Suxo, klu tshinanrahe ptshiyahata? Kathe pujha? Seyni wala hitaklucha hislahatshri tikahwaklu hiyáhoni wla ttshinru: — Hitsrukatshi, pixa hanijiniplu, punkakanno putajyawaklu waneya nwapanru.

João 7:30

Waneya wannamka haluka kachretlu. Seyni hi satukna yineru yahot-kachretlu klu tshinanu Jesus papkolu hi hapokawa.

João 7:6

Waneya Jesus hihitna, wla htshina: — Nopapkolu hi hapokawa. Seyni hixa ptowru papkoko himukatatka.

João 7:8

Hiyáhoni hixa tsru niklu nwaka hyanu. Seyni xawakni hitatshi hi wane nyanu klu tshinanu nopapkolu hi hapokawa.

João 8:20

Xyekaka tokantshi htshinatka Jesus, tiyiro hapatjexikowaka hruko Hoyakalupji hwatshri hruko, rasruklewakanaxini Jesus. Hiyrunu hi satukna yineru yahot-kachretlu klu tshinanu Jesus papkolu hi hapokawa.

2 Coríntios 5:16

Hiyáhoni xawakni hike yineru hchinikanu wetanu yine hchinikanu hixjexyawaka. Mitshikananu wane wixjejtaplu Cristo seyni xawakni hi wane wixa himatletanutkalu.