João 2:11 - Bíblia

¹¹ Wan-rixa yinuwakletlu Caná poktshiya, Galileia tshijne hajeruya Jesus kamhalu mitshikananu hetkaluru hkamhaleru. Ruphujetlu royaknu hiyrunu rasruklene halixatkalu.

João 2:11 ပူးပေါင်းရင်းမြစ်များ

João 1:14

Tokantshi manewata. Hiyrun-koxa hixa tskala rawakanatatka. Wetlu royaknu. Hoyakalu hoyaknu pixka rixatka Hoyakalu whene satupkalutu. Hpoyahokakatkalu ptowru potuka Hoyakalu hihlenu hiyrunu halikakalutu pirana hpoyahokakatka.

João 1:17

Hiykolu pirana yonatkaluru yokanatatshrini Moisés-ni seyni Jesus Cristo-kni Hoyakalu hihlenu ptowru potuka hiyrunu halikakalutu pirana hiyakotatshrini wale.

João 1:43

Waneya wale prika Jesus hichiniklu Galileia tshijne sreta hyiywakapa. Seyni mitshikananhapka Filipe rukchika waneya wla htshinru: — Pomkahitanno!

João 1:50

Waneya Jesus wan-tshinru: — Figueira muna hpuko pwakanaxini nexyayi ntshinre tshinanrahe, palixno? Xyekaka yohnik-hijhakalurkaka petanu.

João 10:41

Hixolune yine hapatjeyehitlu Jesus waneya wla htshinkakna: — João tshinkaluru hikeklu hiyákolu hkamha seyni ptowru xye jeji pirana runkakletahnapuxyalu mitshi halikakni.

João 11:15

Hiyrunu numuwata hi wane nwakanata waleyma hixa tshinanu, hixa halixyawakapa tshinanu. Hayewa wetapanru.

João 11:47

Waneya tsru hixikatshinwa sacerdote-ne hiyrun-koxa fariseu-ne hapatjeta judeu tsru hitakkaluneyma. Waneya wane htshinna: — Hanhe xawaka wixanu? Xye jeji híxolu hiyakolukaka hkamhajeta!

João 12:18

Hiyáhoni xye pirana tshinan-koxa hyoptotapluna hixolune yine, klu tshinanu hjemluna xye hiyákolu hkamha Jesus.

João 12:37

Hixo himyekaklewatatshri hkamha wanna hetanu seyni wanepnawaka hi ralixluna.

João 12:41

Isaías-ni xyekaka tokantshi htshina mitshi Jesus hoyaknu rexini mitshi waneya wale pirana runkakletatka.

João 14:13

Hiyáhoni kluneruktako hanjixini hita hiwaka tshinanu, wale nkamhanu halikaka, Nuru Hoyakalu himalwuxiko Whentshi tshinkalurno tshinanu.

João 16:27

Klu tshinanu wale, Nuru Hoyakaluko hichinikhi klu tshinanu hixa hichinikno hita hiyrunu klu tshinanu halixno Nuru Hoyakalu yehi hichpajikatshrino.

João 16:30

— Ha xawakni wimatyi pixa ptowru potuko himatatshriyi. Hi rujhalu yine hepomhiywakyi. Hiyáhoni walixyi Hoyakalu yokanreryi pixyawaka.

João 2:1

Waneya hepi hohne hiknohinixka rawatka hnunrowlu Caná poktshi, Galileia tshijneya. Jesus hinro koxa wane hwa.

João 2:23

Jerusalém poktshi rawakanaxini Jesus Páscoa nikle hohne tshinanu, rexinixkaluna himyekaklewatatshrikaka Jesus kamhaleru, hixolune yine halixlu Jesus.

João 3:2

Waneya hoyetshno Nicodemos yanwakatlu Jesus waneya wane htshinru: — Tsru Hixikatshriwa, wimatyi pixa kasruklewakleryi, Hoyakalu yokanreryi klu tshinanu hike yineru himukata kamhaletlu nyi hiyakolukaka pkamhajereru Hoyakalu mimotsatanune.

João 4:3

Jesus himaxinixka wane htshinyehikanaxyawakluna waneya Judeia tshijne ruchpajyatka. Hsatoka Galileia tshijne nwaka.

João 4:46

Jesus satokanwakatlu Caná poktshi Galileia tshijne hwatshri Jesus mitshi honha vinho-ha kamhiywaka nwaka. Wanekananru satu phuru, yeyixawhenetatshri Cafarnaum poktshiya.

João 4:54

Xyekni hepi rixinri hetkaluru Jesus kamhaleru Judeia tshijne ruchpajinixka, Galileia tshijne hyinixka.

João 5:23

Wan-rixa ptowru yineru kahwakpiraxyawakno hita, Whentshi tshinkalurno, Nuru hkahwakpiraxyawakna pixka. Yineru hanuruktako, mkahwakpiratkanuklunupno hita Whentshi tshinkalurno, Nuru Hoyakalu nyokanatjeru koxa hi hkahwakpirata.

João 6:14

Waneya Jesus hiyákole hetakanatatshine wan-tshina: — Xyekni halikaka Hoyakalu tokanu hinkakletatshri xye tshijne hinatshripa.

João 6:2

Hixolune yine homkahikanatlu Jesus klu tshinanu retluna himyekaklewatatshri Jesus yeyixatshine rutskalajyawaka.

João 6:26

Waneya Jesus hihitna: — Hixa hi hijhajetno hiyakolukaka hexyawaka tshinanu seyni halikakni hixa hijhajetno klu tshinanu hixa nikatkalu pão, hinanuwatatka.

João 6:30

Waneya wane htshinna wanna: — Klu himyekaklewatatshri pkamhanu wexyawakaplu walixyawakapyi? Klunerhe pumukata kamhaletanu?

João 7:31

Waneya hixolune yine halixlu Jesus, wla htshinna: — Cristo tshinkaluru hapojinipa xyekaka himyekaklewatatshri xye jeji kamhaleru yohnikalutlahe hkamhanu wale?

João 9:16

Waneya fariseu-ne wla tshina: — Ha wan-hixatshri jeji hi hetko Hoyakalu hichpajikatshrini klu tshinanu hi hkahwakpiratlu hapnanuxikalur-hohne. Seyni pimrine wla tshina: — Hanu xawakhe rumukata hektuwaka kamhatshri xye pixkalutu himyekaklewatatshri kamhaleta? Hiyáhoni hkotspalahchinikanutatkana yine.

2 Coríntios 3:18

Ptowrunekwu hixa muchyahojitkanwu wuphujetlu Tsru Hixikatshriwa Hoyakalu hoyaknu hatajnu hanihapi pixka. Wekhitlu waleko royaknu hatajnu. Tsru Hixikatshriwa Hoyakalu ruchpajya xye hoyaknutshi, Hoyakalu Hiwejikalurukni. Tsru Hixikatshriwa Hoyakalu pixka rixkakwu. Hiyáhoni hoyakawaxikaluru hatajnu pnuteko hyakananumta.

2 Coríntios 4:17

Xye papko salewaktshijiji wetjereru pchini hohnejiji tsonu hkojwakanwu. Seyni xye salewaktshijiji hapnutpatka yohnika tsru potuko hoyaknutshi hikeklu hohne mnikawnakatupni.

2 Coríntios 4:6

Hoyakalu wla tshina: “Mapchahawak-yehi katalupni.” Wane potuko hixa hatawnaletatka halikaka pirana wihchinikanuya. Xyekni renejyawu himatkaltshi hatajnu Hoyakalu hoyaknu himatyehixikowakapa, yotshyahatatshri Cristo hojiya.

1 João 5:13

Xyekaka pirana nyonanwakathi hixa Hoyakalu Whene hiwaka halixatshinhi, himaxyawakaplu hiweklu hikeklu hohne mnikawnakatupa hwiya, hiyrunu Hoyakalu Whene hiwaka halixyawaka.