João 19:4 - Bíblia

⁴ Hiyrunuko ruchpakatka Pilatos waneya wla htshinatkana judeu-ne: — Hetanu! Jesus nanikanwakathi himaxyawakapa hi psojikna hikolukanuwnalu nukchijyalu xye jeji.

João 19:4 ပူးပေါင်းရင်းမြစ်များ

Mateus 27:19

Waneya phuru Pilatos jihyehixikowaka htuplakanaxiniwa, wale hnunro yonawahlo yokananwakatlu, wla tshinatshri: — Petachatanru xye jeji hike mixkatu klu tshinanu xye yetshno nsalewnapotuta nupnawleya wale tshinanu.

Mateus 27:24

Waneya phuru Pilatos hexinri pnute hi rumukatatka hiyrun-koxa tsru sejirtshi hyinuwakpiratna, honha ranikakjixatka waneya reromyohatka hixolune hetanu. Waneya wla htshina: — Xye jeji hiylaxikowakapa hi hitako ntshinanu seyni hixako htshinanupni.

Mateus 27:4

Waneya wla htshina Judas: — Hektuwaka kamhatshrino hita! Klu tshinanu hike mixkatuko nenekna hkamnitjene. Seyni wanna wan-tshinru: — Seyni hike wix-hixa. Waleni pixako ptshinanni.

Mateus 27:54

Waneya romano-neru soldado-ne pohire hiyrun-koxa Jesus hislahatshine waleymalune tshiji hiyolikle hiyrunu ptowru hiknohatshri rexinixkaluna, rimyekahchinikanutna, waneya wla htshinna: — Halikakni xye jeji honnira Hoyakalu whene.

Lucas 23:4

Waneya phuru Pilatos wan-tshinna tsru hixikatshinwa sacerdote-ne hiyrun-koxa pimrine yine: — Hi psojikna hikolukanuwnalu nukchika xye jeji tshinanu.

Lucas 23:41

Seyni hix-hepwu halikaka wane potuko wixka. Klu tshinanu wkamrure hapnute pixkalutu potuko wyoptota. Seyni xye hike hektutu hkamha.

Lucas 23:47

Waneya romano-neru soldado-ne pohire rexinixkalu, wan-rixikowaka Jesus-ni, Hoyakalu rimalwutatka, wla htshina: — Halikakni xye jeji honnira, jeji potukalni.

João 18:33

Waneya Phuru Pilatos jihlokapjita, htomhalu Jesus waneya repomhalu, wla htshinru: — Pixlahe judeu-nerune pohiryi?

João 18:38

Waneya Phuru Pilatos hepomhalu: — Ha klunernihe halikakalutu pirana? Wane htshininixka ruchpakatka judeu-nerune nwaka hya. Waneya wla htshinna judeu-nerune: — Hi psojikna hikolukanuwnalu nukchijyalu xye jeji.

João 19:6

Waneya tsru hixikatshinwa sacerdote-ne hiyrunu soldado-ne hajeyna retawaluna Jesus, hyinuwaka saplewletna, wla htshinna: — Cruz puylaxinri! Cruz puylaxinri! Seyni Pilatos wan-tshinna: — Hixako hanikanru, cruz hiylaxinri! Klu tshinanu hitaho hike hikolukanuwnalu nukchijyalu xye jeji.

2 Coríntios 5:21

Hektuntshi mimwakatni Cristo seyni wanepnawaka Hoyakalu hapnokatlu Cristo wektunu tshinanu, wpoyaho potukawnalexyawaka Hoyakalu hetanuya.

Hebreus 7:26

Wale tshinanu Jesus-kni W-sacerdote-te Tsru Potuko, wujhaleru potuko! Potukal-potukni wale hike mmahaxikatni, powralu. Hiyrun-koxa hektune yehi kotspalaxikalurni wale, tenhohne ten-potu hajerni wale.

1 Pedro 1:19

Seyni hanjitka Cristo hrahaya, kwenur-potuko. Carneiro whene psojikna hektuntshi machretu pixkalutni Cristo.

1 Pedro 2:22

Cristo hikeklu hektuwatatka. Hiyrun-koxa hi satukna tokantshi yokwirewatatshri hichpaknamaxyalu.

1 Pedro 3:18

Klu tshinanu pa katapka Cristo koxa salewnatka hektuntshi tshinanu. Hiyáhoni kihleru kamhatshri salewnatka hektutu kamhatshri tshinanupa. Wan-rixa Cristo ranijyawakapwu Hoyakalu nwaka. Waneyakni Cristo ruylaxikolu himane tsonu seyni riwejinri hiwekkakhonuklu.

1 João 3:5

Hiyrun-koxa hixa himata Cristo hinatka wektunu hkonyawakapwu. Hiyrunu hektuntshi hi rawya Cristo.