João 17:9 - Bíblia

⁹ — Nanjihohneta wanna tshinanu, hi xye tshijne hajene tshinanu nanjihohneta. Seyni nanjihohneyehitna yine penejyano klu tshinanu pixanunni wanna.

João 17:9 ပူးပေါင်းရင်းမြစ်များ

Lucas 22:32

Seyni nanjihohneyehityi palixle hma mahaxyawakanupa. Pehchinikanuxinpatka pmixkowkakahchinikanutanna xako Hita tshinanu pmoletanune.

Lucas 23:34

Waneya Jesus wan-tshina: — Nuru, pamtakahchinikanyehitanru nyi yine hektunu. Klu tshinanu hi rimatna klukta hkamhana. Waneya hiknokkaluru ruknokna rimaxyawakapna katu kayatanru Jesus-ni mkalu.

Lucas 8:34

Waneya xye rexinixkana porco-ne hinotatshine rasukamtna. Runkaklewatna tsru poktshiya, hsana hajen-koxa.

João 14:16

Jesus pnute hya tshinreta, wla htshina: — Hita hanjitanru Nuru Hoyakalu wale satu hapnanuhchinikankaklewatatshri renejyawakaphi, hix-yehi rawhohnekanaxyawakapa.

João 17:2

Peneklu towuwlu ptowru yineru htowuxyawaka, hiweklu hike rixiniko mnikawnakatuko renejyawakapna yine ptowruneka penejyatkalu.

João 17:20

— Hiyrun-koxa hi nyi tshinanu tsonu nanjihohnetanu seyni nanjihohneyehitanna koxa hita halixatshinepa runkakle tshinan-koxna.

João 17:6

— Nuphujetatkalu pixa phiwaka yine penejyano xye tshijne hajene yehiya. Payinetene penejyano. Hiyrun-koxa pixa ptokanu romkahjetna.

João 6:37

Ptowru pejnu Nuru Hoyakalu henejyano, hinanwakatno. Hiyrun-koxa ptowru pejnu hita nwaka hapokatshri hikeklu maleka nuknokanru.

João 6:39

Xyekni Nuru Hoyakalu, nyokanatjeru halujyawaka. Hi satukna hma mamhiywakanupa renejyano pejnu, ralipre hohnepatka riwekkakkona hipuktshi yehiya.

Hebreus 7:25

Hiyáhoni rumukata hiwekkaklepotutna yine, wale yapatshine pejnu Hoyakalu nwaka yatshinepa. Klu tshinanu riwekhohnekanata ranjijexyawakaplu Hoyakalu wanna tshinanupa.

Hebreus 9:24

Klu tshinanu Hoyakalu hwiywaka tshinanu tsonni, pantshi yineru kamhaler-yehi, tenhohne hwatshri yahlucha, hi hjihloka Cristo. Seyni tenhohne potuko hjihlokatka. Hiyrun-koxa Hoyakalu hetanu potukawaka yehi rawa haté xawakni, hixa repixyawakapa.

1 João 5:19

Wimatlu Hoyakalununetkawu. Wimatkoxlu xye tshijnemka ptowruka htowuta kamtshi.

Apocalipse 12:9

Hiyáhoni Tsru Kamtshi dragão tsru kananu, wale honukla himnu hitsruka, Tsru Kaylokleru tshinkaluru, Satanás hiwakatletatshri, ptowru tshijne hajene yokwijetatshri, tenhohne malekate ruknojika. Tshij-hoho ruknokkatka wale hiyrun-koxa hmaklutene kamtshine waleyma ruknokatkana.

Apocalipse 13:8

Ptowru tshiji hwatshine, katuktako hi khiwaka Carneiro Whene tshinkaluru, hiylatkaluru papel-te stenoya xye tshijne hiyakotkoklunukananuko, hiweklu heneklewatatshri steno mwa hiwakatkatu, himalwutanru kmatsyiru.

Apocalipse 20:15

Ptowru yineru hiwaka pejnu yonawahlo steno hiweklu hinkakletatshri myonhiwakatkotu, tshitshmero powha hiknokkotka.