João 17:6 - Bíblia

⁶ — Nuphujetatkalu pixa phiwaka yine penejyano xye tshijne hajene yehiya. Payinetene penejyano. Hiyrun-koxa pixa ptokanu romkahjetna.

João 17:6 ပူးပေါင်းရင်းမြစ်များ

João 1:18

Hi satukna yineru hikeklu hetjejetlu Hoyakalu. Halikaka Hoyakalu whene satupkalutu, ruru Hoyakalusko potuko hwatshriko, walekni hiphujtatlu Hoyakalu.

João 12:28

Nuru Hoyakalu, Pixa phiwaka puphujexini. Waneya waneylu tokantshi tenhohneyalutu wan-tshinatshri: — Nuphujetatkalu hiyrunu nuphujetanru hiyrunupakotnaka.

João 15:19

Xye tshijne hajeneymalune hixkamka waneyamka hamotko hixa wannanu pixka. Seyni xye tshijne hajeneymalune hma mixyawakanu tshinanni, hiyrunu nurethi xye tshijne hajene hmixyawakanu tshinanu, xye tshijne hajene hahnanuthi.

João 15:3

Hixni hihletkatka ntokanu nunkajyatkahi tshinanu.

João 15:7

Hita himwini hiyrunu ntokanu hixa hitokote hwanu, halukanru kluneruktako hanjixini, wale hyoptotanu.

João 17:12

Wannayma nwakanaxini xye tshijneya pixa hiwaka himukatleyma nihnanutatkana. Yine penejyano nihnanutatka hi satukna hamha seyni hamhatshri tsonupni tshitshmero yatshripa tsonu. Wan-rixatka hpoyahokajyawakaplu Hoyakalu tokanu yonatkaluru tshinyawaka.

João 17:14

Pixa tokanu nunkakatkana seyni xye tshijne hajene hahnanutna klu tshinanu hi xye tshijne hajenetkani, hita xye tshijne hajeru nmixyawakanu pixka.

João 17:16

Wanna hi xye tshijne hajenetkani, hita xye tshijne hajeru nmixyawakanutka pixka.

João 17:2

Peneklu towuwlu ptowru yineru htowuxyawaka, hiweklu hike rixiniko mnikawnakatuko renejyawakapna yine ptowruneka penejyatkalu.

João 17:24

— Nuru Hoyakalu nanjityi yine penejyano hita nwiywakapa rawyawakapna wanna koxa. Npohirewnale penejyano rexyawakapna. Klu tshinanu xye tshijne hma kamhakonuklunuwa puchinikatkano.

João 17:26

Pixa nimatkakatkana wanna hiyrunu pix-pirana nunkakjetawana. Hichiniklewlu puchinijyawakno pso, wannayma rawyawakapa hiyrunu hita wannayma nwiywakapa.

João 17:7

Xawakni rimathetluna ptowruka penejyano, pix-yehi hichpajikatshri rixyawaka.

João 18:9

Wane htshina hpoyahokajyawakapa tokantshi htshinyawaka mitshi, wan-tshinatshri: “Yine penejyano hi satukna namtaka.”

João 6:37

Ptowru pejnu Nuru Hoyakalu henejyano, hinanwakatno. Hiyrun-koxa ptowru pejnu hita nwaka hapokatshri hikeklu maleka nuknokanru.

João 6:39

Xyekni Nuru Hoyakalu, nyokanatjeru halujyawaka. Hi satukna hma mamhiywakanupa renejyano pejnu, ralipre hohnepatka riwekkakkona hipuktshi yehiya.

João 8:51

Halikakni, halikakni ntshinhi, hita ntokanu homkahpotutatshri, hikeklu hipuktshi kachitanru wale.

João 8:52

Waneya judeu-ne wla tshinru: — Ha, xawakni wimatyi kkamtshityi halikaka. Abraão-ni hipnana hiyrunu Hoyakalu tokanu hinkakletatshine mitshikawlunni hipnana. Seyni pixa wan-tshina katukta homkahpotutlu ptokanu, hipuktshi hikeklu kachitanru wan-hixatshri, ptshina.

Atos 13:48

Waneya judeu mixkane xye hjeminiklunna hpoyikowatna hiyrunu rimalwutluna Tsru Hixikatshriwa Hoyakalu tokanu. Hiyáhoni ralixna ptowruneka nuretkalunetka hkayaxyawakapna hiwejinri mnikawnakatupa.

Romanos 11:2

Hoyakalu hi koxa ruknokachatanna hinerune hnurrene mitshikawlune. Hixa himatlu wane htshina Hoyakalu tokanu yonatkaluru Elias-ni tshinyawaka, Hoyakalu rapohchinikanuta israel-nerune tshinanu:

2 Coríntios 4:6

Hoyakalu wla tshina: “Mapchahawak-yehi katalupni.” Wane potuko hixa hatawnaletatka halikaka pirana wihchinikanuya. Xyekni renejyawu himatkaltshi hatajnu Hoyakalu hoyaknu himatyehixikowakapa, yotshyahatatshri Cristo hojiya.

Colossenses 3:16

Hitshitanru Cristo tokanu himwiywakhi psoluka ptowru himatkaltshiya. Hasrukkakanu, hiykokakanu Hoyakalu tokanu chikaltshiyma hiyrunu himalwuru chikaleyma hiyrun-koxa pimrikaka chikaltshiyma. Hoyakalu Hiwejikaluruya hchikalewatanu. Hchikalewaxini Hoyakalu tshinanuya hpoyahnutanru hajiya.

2 Timóteo 1:13

Halikak-potuk-tokantshi, pixa nasrukjekanatanru tokantshi pomkahitanu. Pmixkota halixletanu wale tokantshiya hiyrun-koxa hamotlewlu piranaya, wimwaleru Jesus Cristo-ya.

Hebreus 2:12

Hiyáhoni wla htshina: “Hoyakalu, pix-pirana nunkakanna nomolene. Chikalkaka nchikalexinyi yine hixolune hapatjetatshine tskala.”

Hebreus 3:6

Seyni Cristo-ni ptowutkolu whentshi pixka rixa hislahlexyaplu ptowruka Hoyakalupji hajeru. Hiyrunu hixa yinwu walepji pixka hixatshinwu, wma muhroka halixlexyawakanupa seyni wpaklu halixlexiniplu tsru poyikowlu mnikawnakatupa.

1 Pedro 1:1

Hita Pedro-no Jesus Cristo nurrerno. Twu yonawahlo judeu-ne mwachatkane tshinanupa. Ponto tshijne yatshine tshinanu, Galácia tshijne yatshine tshinanu, Capadócia tshijne yatshine tshinanu, Ásia tshinikowaka yatshine tshinanu, Bitínia tshinikowaka yatshine tshinanu.

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.

Apocalipse 2:13

Nimatlu hwiywaka, tsru kamtshi Satanás pohirewaxyawaka yehi. Seyni nhiwaka homkahle hi hiknokatka hiyrun-koxa hi hiknokatkalu halixlu pirana homkahpotuxyawaka. Antipas tshinkaluru nuphujtatjeru ptowutkolu potuko rupniniklunupapkonatka hix-yehi hiylaxikaluru, tsru kamtshi Satanás hwiywaka yehi, seyni hi hiknok-halixletatka.

Apocalipse 3:10

Hislahatkalu ntokanu ntowuxyahi, hkahwakachaxyawakap-pirana hiyáhoni hit-koxa hepixanhi hma mexyawakanuplu salexikol-hohne hinatshripa, ptowru tshijne hajene yahoxikolu klu papkopa.

Apocalipse 3:8

“Nimatlu hkamrure. Hetanu! Hiphapto nkotpukyehixyahi. Hike himukata hichyaletlu. Kmixkonhi psotsonu. Hiyrun-koxa ntokanu homkahjeta hiyrunu hi hiknokatkalu nhiwaka halixikolu.