João 17:5 - Bíblia

⁵ Hiyáhoni xawakni Nuru Hoyakalu, pix-potuko puphujetanno. Xye tshijne myinuwakkanuklunuwa pixayma nwajekanaxini hoyaknutshi netleru penekanno.

João 17:5 ပူးပေါင်းရင်းမြစ်များ

Mateus 25:34

Waneya pohirtshi wla htshinanna hpotukle sretate hajene: — “Hinanu, Nuru kihleru htshinyehixyahi. Hyoptotapanru hyoptolerupa Hoyakalu pohirewaxyawaka hixa tshinanu halpokotkalurutka hma muyakotkonuklunuwa xye tshijne.

João 1:18

Hi satukna yineru hikeklu hetjejetlu Hoyakalu. Halikaka Hoyakalu whene satupkalutu, ruru Hoyakalusko potuko hwatshriko, walekni hiphujtatlu Hoyakalu.

João 10:30

Hita hiyrunu Nuru Hoyakalu satupkalunwu.

João 14:9

Waneya Jesus wla tshinru: — Hix-hohne nimwatkayi seyni wanepnawaka hi pimathetawanhe Filipe? Hita netjeru Nuru Hoyakalu koxa reta. Hiyáhoni xawakni haklu tshinanhe wla ptshina, Puru Hoyakalu pekhitanwu?

João 17:1

Xyekaka pirana htshinatka Jesus. Tenhohne hyihata waneya wla htshina: — Hoyakalu, Nuru rapokpapkolutatka. Piwhene puphujetanu, ruphujexyawakapyi pix-koxa.

João 17:24

— Nuru Hoyakalu nanjityi yine penejyano hita nwiywakapa rawyawakapna wanna koxa. Npohirewnale penejyano rexyawakapna. Klu tshinanu xye tshijne hma kamhakonuklunuwa puchinikatkano.

João 3:13

Hi satukna yineru tenhohne hatskoxya, seyni Jeji Whene tshinkaluru tenhohne serpijikatshri tsonupka wane ratskoxya.

João 8:58

Waneya Jesus wla tshinna: — Halikakni, halikakni wane ntshinhi, Abraão-ni mmatutkanuklunuwa, nwakotka.

Filipenses 2:6

Ptowru hohnekananuko Hoyakalu pixka potuko rixatka seyni hi ruchinikanretlu Hoyakalu pso tsru hixikatshriwa rixyawaka muchotkotmakni.

Hebreus 1:10

Hiyrun-koxa wla htshina: “Pixa, Tsru Hixikatshriwayi, hyinuwajikolu klu papko, puyakotlu tshiji, hiyrun-koxa tenhohne pkamha pixako pimyoyma.

Hebreus 1:3

Hituru ruru Hoyakalu hoyaknu hatnu hwatshrini hiyrun-koxa Hoyakalu yáholu pixka potuko rixa. Hituru tokanu himukatle tshinanu ptowru potuka hpoyehita. Waneya rali powratlexinixkawu wektunuya, Tsru Hixikatshriwa Hoyakalu, teno hajeru potukle sreta htuplatatka.

1 Pedro 1:20

Hoyakalu nurehchinikanutlu wan-rixyawaka Cristo xye tshijne hma mkamhaknuklunuwa. Seyni xawakni rakanhakakatkalu Cristo, nikawnahohnepiraxinistsi potuko ramotle tshinanhi.

1 Pedro 1:21

Wale tshinanu Hoyakalu halixa, Cristo hiwekkakjeru hipuktshiya hiyrunu Cristo hiphujetjeru. Wan-rixa kahwakachalu hiyrunu halixlu Hoyakalu yehi yoptoxikalurupa.

1 João 1:2

Xye hiweklu hiphujewnatshrini hiyrunu wetlu. Hiyáhoni xawakni wuphujtatlu. Wunkaklewyehithi hiweklu hikeklu mnikawnakatupa pirana, Wuru Hoyakalu yehi hichpajikatshri hiyrunu hix-yehi potuko hiphujewnikatshritka.

Apocalipse 13:8

Ptowru tshiji hwatshine, katuktako hi khiwaka Carneiro Whene tshinkaluru, hiylatkaluru papel-te stenoya xye tshijne hiyakotkoklunukananuko, hiweklu heneklewatatshri steno mwa hiwakatkatu, himalwutanru kmatsyiru.

Apocalipse 3:21

“Hallirewatatshri ntshanixanu rituplatanno npohirewnale tuplawakle, hita hallirewaxinri pixka, Nuru Hoyakalu towuwlu tuplawakle nituplaxyawaklu Nuru Hoyakalu pixka.