João 17:4 - Bíblia

⁴ Nuphujetatkayi pixa hewi xye tshijneya. Nnikatatkalu kamrurtshi ptowuxyano nkamhiywakapa.

João 17:4 ပူးပေါင်းရင်းမြစ်များ

Lucas 22:37

Klu tshinanu halikaka wane ntshinhi: Xye nopirana, yonatkaluru Hoyakalu tokanuya haluk-hiphujewnaletanu hitayma. Wla htshina yonatkaluru, nopirana: “Hektutu kamhatshine yehi nwanu.” Xye tokantshi yonatkaluru hitayma ruphujewnanu.

João 12:28

Nuru Hoyakalu, Pixa phiwaka puphujexini. Waneya waneylu tokantshi tenhohneyalutu wan-tshinatshri: — Nuphujetatkalu hiyrunu nuphujetanru hiyrunupakotnaka.

João 14:13

Hiyáhoni kluneruktako hanjixini hita hiwaka tshinanu, wale nkamhanu halikaka, Nuru Hoyakalu himalwuxiko Whentshi tshinkalurno tshinanu.

João 14:31

Seyni xye nkamha xye tshijne hajene himaxyawakaplu Nuru Hoyakalu nuchinijyawaka pirana hiyrunu xye nkamha htowuxyawakno pixka. Hajewa hpalnanu, hewi wuchpajinitka.

João 15:10

Ntowuxyahi homkahixini hi nutuk-hichiniklethi. Nuru Hoyakalu tokanu nomkahjexyawaka pixka. Hiyáhoni hi rutuk-hichinikletno.

João 19:28

Wane pnute, rimaxinixka Jesus ptowruka rali kamhalexinixka hiyrun-koxa hpoyahokajyawakaplu Hoyakalu tokanu mitshikawluru yonatkaluru, Jesus wla tshina: — Honunnahno.

João 19:30

Waneya rurinixkalo vinagre-ha Jesus, wla htshina: — Ralixatka. Waneya hyonohjiwutatka, rupnanatka renek-hiwekletatka.

João 4:34

Waneya Jesus wla tshinna: — Nnijitni waleni nyokanatjeru halujyawaka nkamhiywaka hiyrunu nnikaxyawakaplu hkamrure nenejikolu.

João 5:36

Seyni waneru nuphujtatjeru João yohnik-halukkaluru. Kamrurtshi Nuru Hoyakalu henejyano nnikaxyawakapa, xyekaka nkamhaleru, walekni hiphujtatlu nopirana, Nuru Hoyakalu yokanaxyawakno ruphujeta.

João 9:3

Jesus wla tshinna: — Hi rektunu tshinanu hiyrunu hi rurune hektunu tshinanu wan-rixa xye jeji mayhaletu. Seyni wan-rixa Hoyakalu kamrure himathexikolupa xye jeji tshinanu.

Atos 20:24

Seyni hi namotlu niwekle. Hitaho hijhakalurni Hoyakalu kamrure nkamhiywakapa haté nnikaxyawakaplu nkamrure Tsru Hixikatshriwa Jesus henejyano. Xyekni nkamrure, nunkajyawakapna yine kihle piranalu potuko hiwekkaklewatatshri pirana, Hoyakalu hihlenu hixa tshinanu pirana.

2 Timóteo 4:7

Kihle yahotle nixa yahotlewletatka. Hasuklu hichinixyawaka pixkawaka napokatka. Halixlu nomkahitatka haté xawakni.