João 17:3 - Bíblia

³ Pixa Hoyakalu halikakalutu rimaxyawakapna yine, hike pixka hixatshriyi, hiyrunu Jesus Cristo, pyokanatanru rimaxyawakapna yine, xyekni hiweklu hike rixiniko mnikawnakatupa.

João 17:3 ပူးပေါင်းရင်းမြစ်များ

Marcos 9:37

— Katukta hihle yoptoletlu xye pixkalutu mturu nhiwaka tshinanu hit-koxa hyoptotanu. Hiyrunu katukta yoptotanno hita, hi hita tsonu hyoptota seyni hyoptotanru nyokanatjeru koxa.

Lucas 9:48

Waneya wla htshina: — Katukta hihle yoptoletlu xye mturu nhiwaka tshinanu hit-koxa hyoptotanu. Hiyrunu katukta yoptotanno hita, hyoptotanru hita nyokanatjeru. Klu tshinanu mujhakotu hikahwakleru hixa, walekni hijhakalur-potu.

João 10:36

Seyni wanepnawaka hixa wan-tshinanwakatno hita Hoyakalu Nurrerno, Hoyakalu yokanreno xye tshiji napojyawaka seyni wanepnawaka hektuwaka ptshinanwakatlu Hoyakalu, htshinjetno. Seyni wane htshina klu tshinanu wla ntshinnawa Hoyakalu Whenno, ntshina.

João 11:42

Nimata pyijnakjetno seyni wane ntshina hixolune yine tshinanu hewi hwatshine, ralixyawakapna pixa yokanatno.

João 14:26

Hiyrunu Hapnanuhchinikankaklewatatshri ptowru potuko hasrukanhi. Walekni hepixanhi hichinijyawaklu ptowru potuko nunkaklexyatkahi. Xye Hapnanuhchinikankaklewatatshri, Hoyakalu Hiwejikalurni. Walekni Hoyakalu yokanatanrupa Hita hiwakaya.

João 17:18

Pyokanaxyawakno xye tshijne pixka, wanna koxa nyokanata xye tshijne hyiywakna.

João 17:21

Nanjityi pa hchinikanurune rixyawakapna, hixa pixka Nuru Hoyakalu pa hchinikanurunwu pixa hitayma hiyrunu pa hchinikanurunwu hita pixayma. Nanjityi pa hchinikanurune pixkakanna hixayma, xye tshijne hajene halixyawakaplu pyokanatanruno nixyawaka.

João 17:23

Hita wannayma hiyrunu pixa hitayma hike mmahaxikane rixyawakapna pa hchinikanurune rixyawakapna. Xye tshijne hajene himaxyawakaplu pixa yokanatno hiyrunu rimaxyawakapna puchinikna puchinikjexyawakno pixka.

João 17:25

Ha, Nuru Hoyakalu Potukalu, xye tshijne hajene hi himatatkayi. Seyni hita himatatkayi hiyrunu nyi yine himatatkalu pixa yokanatno hita.

João 17:8

Klu tshinanu tokantshi punkajyatkano, wanna nunkakatka. Hiyrun-koxa wale tokantshi ralixna. Pix-yehi hichpajikatshrino halikaka rimathetna hiyrun-koxa rimathetnona pixa yokanatanruno nixyawaka.

João 3:17

Klu tshinanu Hoyakalu yokanatlu hituru riwekkajyawakna ptowru neruka seyni hi hyokanatlu hituru yine rapnokaxyawakapa.

João 3:34

Hoyakalu yokanatanru, Hoyakalu tokanu runkakletjeta. Klu tshinanu Hoyakalu hi psotsonujiji Hiwejikaluru reneklu seyni Hiwejikaluru psoluka reneklu.

João 5:44

Hanhe hixa halixletlu hixa, pimrine tokanuwle hjemleru? Seyni hi hijhatkalu tokanuwnalu Hoyakalu satupkalutu nwaka hichpajikatshri.

João 6:57

Nuru Hoyakalu hiwekatshri yokanaxyawakno pixka hiyrunu Nuru Hoyakalu himukatle tshinanu niwejyawaka pixka, waneko pixka rixa ptowru yineru hita nikatshri pejnu. Hita tshinanuko riwekanu.

João 7:29

Seyni hita himathetlu, klu tshinanu wale yehi nuchpajya hiyrunu waleko yokanatno.

João 8:19

Waneya wla htshinatkaluna: — Hanutkalhe Puru ptshinreru? Waneya Jesus hihitna, wla htshinna: — Hi himathetno hita hiyrun-koxa Nuru hi himatheta. Hita himathetkamka Nuru koxamka himathetanu.

1 Coríntios 15:34

Hsatokanu, hihlepokoxinwa. Hi Hoyakalu tokanu hmajnakowaxini. Klu tshinanu satkaka hi Hoyakalu halukleru rimata. Wane ntshina npatetjexyawakaphi.

1 Coríntios 8:4

Hiyáhoni mayawletshicha heneknijituxikowaka pirana wimatlu wale mayawletshicha wale hikeni. Mayawletshichani. Wimatlu Hoyakalu satupkalutu. Wale tsonni.

2 Coríntios 4:6

Hoyakalu wla tshina: “Mapchahawak-yehi katalupni.” Wane potuko hixa hatawnaletatka halikaka pirana wihchinikanuya. Xyekni renejyawu himatkaltshi hatajnu Hoyakalu hoyaknu himatyehixikowakapa, yotshyahatatshri Cristo hojiya.

Filipenses 3:10

Naluklu Cristo tsonu nimaxyawaka, Cristo yotunoxinri himukatle naluk-himatleta hiyrun-koxa hsalewnale yimatshri naluk-hixleta. Hiyrunu wale hipnale pixka nixikolupa.

Filipenses 3:8

Seyni halikak-potu Cristo nkayaxyawakapa tshinanu ptowru potuko hiknokachatkaluru nikahwakatka wale kachrijrutkani kihler-potuko Nutsrukate Cristo Jesus himatyehixikolu. Wale tshinanu namtaklu ptowruka hektutu, malukkotu nikahwaklu Cristo numukata yoptolexyawakapa.

1 Tessalonicenses 1:9

Nyi yine ptowruneka hinkakletlu hix-yehi wwakanaxinri pirana. Kihle yoptole wixikowaka pirana hiyrun-koxa mayawletshichakaka hichoxyawaka pirana, Hoyakalu potu halikakalutu, hiwekatshriko, homkahixyawaka pirana runkakjetna.

2 Tessalonicenses 1:8

Runinipa tsru mero potuko rimapokanu rapnokaxyawakapna yinepni, Hoyakalu mimatyehitkane kihle piranalu potuko hiwekkaklewatatshri pirana, Wutsrukate Jesus Cristo pirana majnakowaxikatshinepni.

Hebreus 3:1

Hiyáhoni Cristo tshinanu nmoletanune, hix-koxa Hoyakalu nurrenhi, homkahpotutanru Jesus, Nuretkalurni wale hiyrunu Tsru Sacerdote potni wale halixlu pirana wuphujetjereru.

2 Pedro 1:2

Nanjitlu Hoyakalu hepixle hiyrun-koxa hapnanuhchinikanru htseruxyawakapa hix-yehi hwatshri, himatkaltshi Hoyakalu pirana tshinanuya hiyrun-koxa himatkaltshi Wutsrukate Jesus pirana tshinanuya.

2 Pedro 1:3

Ptowru potuko halukkaluru hiweklu tshinanupa, wpotukatjerupa tshinanu wenekka, Hoyakalu hoyaknu himukatatshri tshinanuya. Tshanixkalunwu royaknu hwahohoxyawakapwu hiyrunu potukalune wixyawaka, Cristo himaxikolu tshinanu.

2 Pedro 1:8

Klu tshinanu xyekaka hwini hixa hiyrunu hix-yehi hmixkowaxini xyekaka, hi mkochpakkanephi Wutsrukate Jesus Cristo himaxikowaka tshinanu hiyrunu hi hmahijerutanu wale himaxikowaka tshinanu, xyekaka hmixkotjerupa tshinanu.

1 João 1:2

Xye hiweklu hiphujewnatshrini hiyrunu wetlu. Hiyáhoni xawakni wuphujtatlu. Wunkaklewyehithi hiweklu hikeklu mnikawnakatupa pirana, Wuru Hoyakalu yehi hichpajikatshri hiyrunu hix-yehi potuko hiphujewnikatshritka.

1 João 1:3

Ptowru wetleru pirana, ptowru wyijnakotanru pirana wunkakhi, hixa pixka hixahchinikanutatshine hixyawakapa, hix-koxa. Klu tshinanu halikaka hixa pa hchinikanurunwu Wuru Hoyakalu tshinanu hiyrun-koxa Hituru Jesus Cristo tshinanu.

1 João 2:23

Katukta hi halixlu Whentshi tshinkaluru hi rawya Wuru Hoyakalu, seyni katukta halixlu Whentshi tshinkaluru, Wuru Hoyakalu koxa rawya.

1 João 4:6

Seyni hixa Hoyakalununwu hiyáhoni Hoyakalu himathetatshine hislahtokanutwu. Seyni Hoyakalunune minje hi yijnakotwu. Wane wixa himathetletlu Hiwejikaluru halikakalutu hiyrunu hiwejikaluru pupjetatshri wimatheta.

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.