João 17:22 - Bíblia

²² Hiyrunu hoyaknutshi penejyano, wale nenekatkana wanna. Pa hchinikanurune rixyawakapna, pa hchinikanurune wixyawaka pixka.

João 17:22 ပူးပေါင်းရင်းမြစ်များ

2 Coríntios 3:18

Ptowrunekwu hixa muchyahojitkanwu wuphujetlu Tsru Hixikatshriwa Hoyakalu hoyaknu hatajnu hanihapi pixka. Wekhitlu waleko royaknu hatajnu. Tsru Hixikatshriwa Hoyakalu ruchpajya xye hoyaknutshi, Hoyakalu Hiwejikalurukni. Tsru Hixikatshriwa Hoyakalu pixka rixkakwu. Hiyáhoni hoyakawaxikaluru hatajnu pnuteko hyakananumta.

João 14:20

Wale hohnepa hixa himathetanru Nuru Hoyakalu hwatshri nixyawaka hita. Himathetanru hixni hita hwatshinhi hiyrun-koxa hita hixa hwatshrino hita.

João 1:16

Klu tshinanu rumukatle tsru potuko hepixlewatatshri yoptotatshinwu hixa ptowrunekwu. Ruhlenu renekachale yoptotatshinwu hiyrunu ruhlenu renekachale wane pnutepa yoptotatshinepwu.

Efésios 2:20

Hixa pantshi sotlu kamhikolu pixkalunhi. Jesus pirana hiphujetatshine nuretkalune hiyrun-koxa Hoyakalu tokanu hinkakletatshine hoho panawaxikatshinhi. Poyehir-hoho panawaxikatshinhi. Hiyrun-koxa Jesus Cristo-kni sotlu hijhakaluru pixkalut-potu, psolupjiko poyehiwkakatshri.

1 João 3:24

Katukta Hoyakalu tokanu homkahita Hoyakaluymalu hiyrun-koxa Hoyakalu himwalu wale. Wimata Hoyakalu hix-yehi rawa, klu tshinanu renekwu waleko Hiwejikaluru.

2 Coríntios 6:1

Hiyáhoni hixa rikamrurewatanunwu hanjithi Hoyakalu kamrureya: Hi himnanhinri Hoyakalu hihlenu wale honukla renekatkahi Hoyakalu.

2 Coríntios 5:20

Hiyáhoni xawakni Cristo hitshre tshinanu wunkaklewjeta, hatatjewa Hoyakalu tshanixhi hixa wunkakle tokanuya. Cristo hitshre tshinanu nanjithi hixa Hoyakalu kamnikanatatshinhi himatletkotka Hoyakaluya.

João 1:14

Tokantshi manewata. Hiyrun-koxa hixa tskala rawakanatatka. Wetlu royaknu. Hoyakalu hoyaknu pixka rixatka Hoyakalu whene satupkalutu. Hpoyahokakatkalu ptowru potuka Hoyakalu hihlenu hiyrunu halikakalutu pirana hpoyahokakatka.

Marcos 6:7

Jesus tomhana rasruklene doze. Hyinuwaka yokanretna hepkaka. Renekpixkonutna kamtshine htowuxyawakapna ruchpajyawakapna yine maneya.

1 João 1:3

Ptowru wetleru pirana, ptowru wyijnakotanru pirana wunkakhi, hixa pixka hixahchinikanutatshine hixyawakapa, hix-koxa. Klu tshinanu halikaka hixa pa hchinikanurunwu Wuru Hoyakalu tshinanu hiyrun-koxa Hituru Jesus Cristo tshinanu.

Atos 5:41

Hiyáhoni nuretkalune hjemahchinikanyehixikowakna yehi ruchpajyana. Rumuwamtna klu tshinanu rutakyahokkana rumukata salewnalexyawakna haté reyikkana Jesus hiwaka tshinanu.

João 17:24

— Nuru Hoyakalu nanjityi yine penejyano hita nwiywakapa rawyawakapna wanna koxa. Npohirewnale penejyano rexyawakapna. Klu tshinanu xye tshijne hma kamhakonuklunuwa puchinikatkano.

Lucas 22:30

Halikaka himinkanno, himuranno nikjexikowakaya npohirewaxyawaka hwatshri. Hiyrun-koxa phuru tuplawakle htuplatanu hikolukanuwnakakanna israel-nerune doze ptohkakapni.

Apocalipse 21:14

Poktshi cerca-te, doze sotlu tsrukakalu hoho hwa. Doze Carneiro Whene tshinkaluru nuretanune hiwakkaka, doze sotlu hyonatkatka.

Colossenses 1:24

Npoyikowata klu tshinanu xawakni numukata salewnaletanu hixa tshinanupa. Nomane salewaklu hepixa nikatletlu Cristo salewnale Cristo halixatshine hapatjetatshine Cristo mane-ne tshinanupa.

Filipenses 1:29

Klu tshinanu hixa henekka xye halukkaluru Cristo tshinanupa seyni hi koxa wale tsonu halixyawakapni seyni wale hikolukle tshinan-koxa hsalewnakakko.

Romanos 8:30

Hoyakalu hitakna hituru pixka rixyawakapna hiyrunu wanna koxa hnureta. Hiyrun-koxa hnurrene hpotukatatka. Hiyrunu potukatkalunetka royaknu reneka.

1 João 4:17

Xye tshinanu Hoyakalu hamotle tserutkatka hixaya. Wan-hixatshinwu kihle hchinikanurunepwu jemahchinikanyehixikolu hohne hapojiniklunupa. Klu tshinanu Hoyakalu hixyawak-potuko pixka wix-hixa xye tshijiya.