João 17:2 - Bíblia

² Peneklu towuwlu ptowru yineru htowuxyawaka, hiweklu hike rixiniko mnikawnakatuko renejyawakapna yine ptowruneka penejyatkalu.

João 17:2 ပူးပေါင်းရင်းမြစ်များ

Mateus 11:27

— Nuru, ptowru potuko renekno. Hike himathetlu Whentshi seyni Hirtshipka himathetlu. Hike himathetlu Hirtshi seyni Whentshipka himathetlu hiyrun-koxa katukta raluk-himatyehkakletlu Hirtshi.

Mateus 25:46

— Waneya wanna hapnokaxikowaka hikeklu hohne mnikawnakatupa yehi hyanuna seyni potukalune yoptotanru hiweklu hikeklu hohne mnikawnakatupa.

Mateus 28:18

Waneya Jesus hapyehitna rasruklene waneya wane htshinna: — Hita henekka psol-potuko tsru hitakkaluru tenhohneya tshij-koxa.

João 17:24

— Nuru Hoyakalu nanjityi yine penejyano hita nwiywakapa rawyawakapna wanna koxa. Npohirewnale penejyano rexyawakapna. Klu tshinanu xye tshijne hma kamhakonuklunuwa puchinikatkano.

João 17:6

— Nuphujetatkalu pixa phiwaka yine penejyano xye tshijne hajene yehiya. Payinetene penejyano. Hiyrun-koxa pixa ptokanu romkahjetna.

João 17:9

— Nanjihohneta wanna tshinanu, hi xye tshijne hajene tshinanu nanjihohneta. Seyni nanjihohneyehitna yine penejyano klu tshinanu pixanunni wanna.

João 3:35

Hoyakalu Hirtshi hamotlu Whentshi tshinkaluru. Hiyrun-koxa wale towre rutajyalu ptowru potukananuka.

João 4:14

Seyni katuktako honha hita henekjexyalu hiratshri hikeklu ronunnahatewatanu. Klu tshinanu honha hita henekjexyalu hakopha rixnatkawa hisatu hitokoteya. Hiweklu hikeklu hohne mnikawnakatupa renekanru.

João 6:27

Xako hi hkamrurewatanu nikkaluru himat-nikawnatshri tshinanu. Seyni hkamrurewatanu nikkaluru hikeklu hohne mnikawnakatupa tshinanu. Yineru Whene tshinkalurno xye nikluru hikeklu hohne mnikawnakatupa nenekanhi klu tshinanu Nuru Hoyakalu henekno xye tsru hitakkaluru.

João 6:37

Ptowru pejnu Nuru Hoyakalu henejyano, hinanwakatno. Hiyrun-koxa ptowru pejnu hita nwaka hapokatshri hikeklu maleka nuknokanru.

João 6:39

Xyekni Nuru Hoyakalu, nyokanatjeru halujyawaka. Hi satukna hma mamhiywakanupa renejyano pejnu, ralipre hohnepatka riwekkakkona hipuktshi yehiya.

Romanos 6:23

Klu tshinanu hektuntshi wenru walekni hipuktshi. Seyni Hoyakalu henekachale hiwekluni hikeklu hohne mnikawnakatupa Wutsrukate, Jesus Cristo-ya.

1 Coríntios 15:25

Klu tshinanu Cristo hijhalu htowutlewaxyawaka haté ptowruneka hkamnitjene hkatsretanu Hoyakalu.

Efésios 1:20

Hoyakalu hekhitlu hpixkonu Cristo hipuktshi riwekkajinixkalu waneya Hoyakalu hituplatlu Jesus hpotukle sreta tenhohne hpixkonuyma.

Filipenses 2:10

Hiyáhoni Jesus hiwaka tshinanu ptowruneko himathet-hitsrukateta waneya hyoptsojityehitluna, tenhohne hajenkaka, xye tshiji hajenkaka, tshij-hitok-hajenkaka koxa.

1 Timóteo 1:16

Hiyáhoni wale tshinanu netwamonutka. Netwamonutka klu tshinanu Cristo Jesus halukhekhiretlu ptowruka hmachiretannu hitayma. Waleni hiphujetatshri hinamtatshinepa Cristo Jesus halixatshinepa hiweklu hike rixiniko mnikawnakatupa yoptotatshinepa tshinanu.

Hebreus 1:2

Seyni xawakni xye hohnekakatka riynumsatwu Hiwhene tshinanuya. Hiyrun-koxa Hiwhene himukatle tshinanu tshiji hiyrunu tenhohne hajerkaka hkamha Hoyakalu. Hiwhene honukla rutaka ptowru potuka ruru himwaleru yoptotatshripa rixyawaka.

1 Pedro 3:22

Jesus Cristo tenhohne yatshritka. Hoyakalu potukle sreta htuplata. Wane rutakka hiwejikalune Hoyakalu towrene tenhohne hajene htowuxyawaka, tsru towutatshine tenhohne hajene hiyrunu tenhohne himukatle koxa htowutatka.

1 João 1:2

Xye hiweklu hiphujewnatshrini hiyrunu wetlu. Hiyáhoni xawakni wuphujtatlu. Wunkaklewyehithi hiweklu hikeklu mnikawnakatupa pirana, Wuru Hoyakalu yehi hichpajikatshri hiyrunu hix-yehi potuko hiphujewnikatshritka.

1 João 2:25

Reneklewatanu runkaklexyatkawu xyeni, hiweklu hikeklu hohne mnikawnakatupa.

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.

Judas 1:21

Hoyakalu hamotlewleko hwahohnekanatanu. Wutsrukate Jesus Cristo hetwamonuxyawakwu kahwakatshinephi, hiweklu hike rixiniko mnikawnakatu hyoptotanu.