João 17:1 - Bíblia

¹ Xyekaka pirana htshinatka Jesus. Tenhohne hyihata waneya wla htshina: — Hoyakalu, Nuru rapokpapkolutatka. Piwhene puphujetanu, ruphujexyawakapyi pix-koxa.

João 17:1 ပူးပေါင်းရင်းမြစ်များ

Marcos 14:41

Waneya map-kata rixinri rapkapinixka wla htshina: — Himkawhe hapnanuthe? Seyokatkani. Rapokpapkolutatka! Jeji Whene tshinkaluru hektuwaka kamhatshinemyo rutakkatka.

Lucas 18:13

— Seyni tiyiro kyoptokleru howuka hyotunoxyatka, hi tenoko hyihatatka. Seyni rutpestaxnawa wane htshina: “Ha, Tsru Hixikatshriwa Hoyakalu, petwamonutanno hitni hektuwaka kamhatshrino!”

Lucas 22:53

Hixayma nwakanata ptowru hohneruka. Hoyakalupji nasrukjekanaxyahi. Seyni hi hkachitno. Seyni xawakni hipapkolutkani Hoyakalu hitshixyawaklu hixa tshinanu. Xawakni pixkontshi mapchahawaka hwatshri papkolni.

João 11:4

Seyni Jesus xye pirana hjemini wane htshina: — Xye yeyixlu hakanhatka hi rupniywakapni Lázaro tshinanni seyni hyeyixle hakanhamta Tsru Hixikatshriwa Hoyakalu pohixikowakapa hiyrunu hpoyahnutko koxa Tsru Hixikatshriwa Hoyakalu whene.

João 11:41

Waneya rerutluna sotlu. Waneya Jesus teno yihatatka wane htshina: — Nuru, poyahnu klu tshinanu pyijnakotatkano.

João 12:23

Waneya Jesus wla tshinna: — Rapokpapkolutatka Jeji Whene tshinkaluru royaknu ruphujexikolupa.

João 13:1

Tsru niklu hohne Páscoa tshinkaluru hohne wkatanu Jesus himatatka rapokatka hipapkolutka xye tshijne ruchpajyawakapa, Ruru Hoyakalu nwaka hyiywakapa. Ruchinikatkana yine walenune xye tshijne hwatshine. Ruchinikhohnekanatna rupninri hohne potuko.

João 16:32

Hetanu rapokpapkolutanu, rali hapoklepapkolutatka hipalaxyawakapa hixa satkakhi waleko hyawakle yanu, hita hichomtanu. Seyni hi hichotkalurno halikaka klu tshinanu Nuru Hoyakalu hitaymalutni wale.

João 7:30

Waneya wannamka haluka kachretlu. Seyni hi satukna yineru yahot-kachretlu klu tshinanu Jesus papkolu hi hapokawa.

João 7:39

Seyni xye htshinyawaka, Hoyakalu Hiwejikaluru pirana hkochtsheka. Ptowru yineru Jesus halixatshri Hoyakalu Hiwejikaluru renejikowaka piranni wale. Seyni Hoyakalu Hiwejikaluru hi reneklewatawa klu tshinanu Jesus hi hipuktshi yehi riwekkajikawa.

João 8:20

Xyekaka tokantshi htshinatka Jesus, tiyiro hapatjexikowaka hruko Hoyakalupji hwatshri hruko, rasruklewakanaxini Jesus. Hiyrunu hi satukna yineru yahot-kachretlu klu tshinanu Jesus papkolu hi hapokawa.

Atos 3:13

Wutsrukatenni Hoyakalute, Abraão-ni, Isaque-ni, Jacó-ni Hoyakalute, walekni tsru hitakkaluru reneklu htowreru Jesus. Seyni hixa nomolenhi hkamnitlu Jesus hiyrunu Jesus Pilatos tshinkaluru hoji sreta rawakanaxini, Pilatos kaspukpiratmaklu Jesus seyni hixa nomolenhi hi hinanchitlu.

1 Pedro 1:21

Wale tshinanu Hoyakalu halixa, Cristo hiwekkakjeru hipuktshiya hiyrunu Cristo hiphujetjeru. Wan-rixa kahwakachalu hiyrunu halixlu Hoyakalu yehi yoptoxikalurupa.