João 16:2 - Bíblia

² Hanjihohnewakapjikaka hkochpajikolupa hixa hiyrun-koxa rapokpapkolutanu hiylaxikowaka Hoyakalu halukanru hkamhahoxinwa.

João 16:2 ပူးပေါင်းရင်းမြစ်များ

Mateus 10:28

Hi hpikanna mantshi hiylatatshine seyni hiwejinri hi rumukata hiylaletna. Seyni halikaka hpikanru Hoyakalu hix-mane, hiwejinri koxa hakot-hiylaletatshri waneya wane pnute tshitshmero ruknoklewata.

Mateus 24:9

— Seyni xye ptowruka hnapu, hsalewnakakko, hiylatko, ptowru tshijne hajene hahnanutanhi hita tshinanu.

Lucas 6:22

— Poyikowatatshinhi yahmaklu xye papko hahnanutkalunhi, malukkonhi heyikkalunhi hiyrun-koxa ptowru hektutu tshinanwakatkalunhi klu tshinanu homkahitlu Cristo, Jeji Whene tshinikatshriwa.

João 12:42

Wanepnawaka hixolune wanna judeu kosekatshine halixlu. Seyni fariseu-ne hpijyawaka tshinanna hi rumukata hiphujetletluna Jesus, hanjihohnewakapji hma kochpajikowakanupna tshinanu.

João 16:25

— Xyekaka pirana nunkakhi yapkaklu piranayma seyni hinatshripa hohne hi yapkaklu piranayma niynumatanhi. Wale hohnepa Nuru Hoyakalu piran-yehi nekhipotutanhi.

João 16:32

Hetanu rapokpapkolutanu, rali hapoklepapkolutatka hipalaxyawakapa hixa satkakhi waleko hyawakle yanu, hita hichomtanu. Seyni hi hichotkalurno halikaka klu tshinanu Nuru Hoyakalu hitaymalutni wale.

João 4:21

Waneya wla htshinro: — Suxo palixanno. Rapokhohnetanu hike yineru himalwutanru Hoyakalu hewi xye himrijiya, hi Jerusalém poktshiyako.

João 4:23

Seyni rapokhohnetanu, halikaka wale hohne hapokatka, Hoyakalu himalwutatshine potu himalwutanru Hirtshi Hoyakalu riwejinriyna hiyrun-koxa hpotuknu hchinikanuymana. Klu tshinanu Hirtshi Hoyakalu halukna rimalwutjene wane pixka hixatshine rixyawakna.

João 9:22

Xye tokantshi htshinatka ruru, runro klu tshinanu judeu kosekatshine hpikatkana. Klu tshinanu judeu kosekatshine wane htshinna mitshi pa hchinikanurunepni, katukta yineru hiphujtaxinri Jesus, Cristo tshinkaluru rixyawaka, wale tokantshi tshinatshri hanjihohnewakapji hkochpajiko.

João 9:34

Waneya wla htshinruna mayhaletukananu: — Pixa halikaka hektuntshi matuxikatshriyi, seyni paluk-hasrukletwuhe wanepnawaka? Waneya hanjihohnewakapji hkochpajyaluna hipokananu.

Atos 5:33

Waneya hjemahchinikanyehitjene jeminiklunru xye pirana hjihekanuwatna hiyáhoni raluk-hiylaletna nuretkalune.

Atos 7:56

Waneya wane htshina: — Hetanu! Netlu tenhohne hitpukatshri, netlu jeji whene Hoyakalu potukle sreta yopkakatshri.

1 Coríntios 4:13

Pa katkaka hektuwaka wtshinka seyni wuykotna. Malukkotu hiknokkaluru xye tshijne hajeru pixka wixa. Kaptshowaka hajeru malukkotu wkahwakka haté xawakni potuko.

Filipenses 3:6

Mixkotahchinikanrewlu pirana Cristo halixatshine hapatjetatshine nsaletjejekanatatka. Ha Moisés yonreru pirana potukalu hixkaklewatatshri pirana, hikemka nmayxajyatka.

Apocalipse 6:9

Waneya cinco rixinri yonawahlo steno hosture hjimlajinixka, altar hmana nexyana hiwejikalune Hoyakalu tokanu homkahru tshinanu, hiylatkalunni poyehi halixlerune.