João 16:16 - Bíblia

¹⁶ — Xekoyakapa hi hetanno seyni hi howukchini hetanutnakno.

João 16:16 ပူးပေါင်းရင်းမြစ်များ

Marcos 16:19

Waneya rali hiynumsaletna Tsru Hixikatshriwa Jesus tenhohne hanikkatka. Hoyakalu potukle sretate htuplata.

João 12:35

Waneya Jesus wla tshinna: — Pchinhohnejiji rawanu katalu hix-yehi hwatshri. Hiyáhoni katawaka hwaka pchinika hyananu, hma kayixyawakanupa. Klu tshinanu mapchahawaka yanikatshri hi himatlu hanu sreta hyamta.

João 13:3

Jesus himatatkalu ptowru potuko reneklu Ruru Hoyakalu htowuxyawakapa Jesus. Hiyrun-koxa Jesus himatlu Hoyakalu yehi hichpajikatshrini hiyrun-koxa Hoyakalu nwaka yatshripni wale.

João 13:33

Nowhenene mtserunhi pchini tsonu nimwanhi. Xekoyaka hijhanumkano seyni judeu-ne ntshinakanaxyawaka pixka koxa ntshinanhi hixa, nyiywakapa nwaka hi himukata yaleta.

João 16:10

Potukatlewlu pirana tshinanu hjihyehitkona klu tshinanu Nuru Hoyakalu yehi nyanutka. Hi hetanutkano.

João 16:22

Hiyáhoni xawakni hwamonuwata seyni netanutnakhi hiyrunuko waneya himuwatanu. Hiyrun-koxa himuwle hike yineru himukata kochtsheklexyahi.

João 16:28

Nuru Hoyakalu nunya. Xye tshijne hapokatshrino. Waneyapa xye tshijne nuchpajini. Nuru Hoyakalu nwaka nyanu.

João 16:5

Seyni xawakni nyokanatjeru nwaka nyanu. Seyni hixa hi satukna hepomhano: “Hanhe pyanu?”

João 17:13

Hiyáhoni pixa nwaka nyanu. Hiyrun-koxa xyekaka tokantshi xye tshijne hajene nunkakatka, numuwle nenejyana hpoyahokajyawakapa wanna yehi.

João 17:5

Hiyáhoni xawakni Nuru Hoyakalu, pix-potuko puphujetanno. Xye tshijne myinuwakkanuklunuwa pixayma nwajekanaxini hoyaknutshi netleru penekanno.

João 7:33

Waneya Jesus wla tshinna: — Pchini tsonu nimwanhi waneya wane pnutepa nyokanatjeru nwaka nyanu.

Atos 1:3

Rali hipnalexinixka Jesus, riwekatnaka waneya quarenta hohne pejnu tsonu rimwatkana hnurrene hiwekatshriko rixyawakatka, hiyrunu rekhipotutna hiwekatshri rixyawakatka. Wane pchinika Jesus hiynumsatna hnurrene Hoyakalu pohirewaxyawaka pirana.

Hebreus 12:2

Jesus yehi potuko yihatatshinepwu klu tshinanu Jesus walixle yinuwakatshrini hiyrunu walixle poyahokakatshrini. Poyikpotuklu Jesus hinamtatshripa tshinanu. Cruz rupniywakapa rakotachata. Hektuwaka htshinanwakaxikolu reyikachata. Xawakni htuplatatka. Hoyakalu hetamayxaklerewatatshri tuplaxyawaka potukle sreta htuplatatka.