João 15:7 - Bíblia

⁷ Hita himwini hiyrunu ntokanu hixa hitokote hwanu, halukanru kluneruktako hanjixini, wale hyoptotanu.

João 15:7 ပူးပေါင်းရင်းမြစ်များ

Mateus 7:7

— Hanjitanro henekko; hijhanu hikchikanu; hitpehiphaptotetanu, hkotpukko hiphapto.

João 14:13

Hiyáhoni kluneruktako hanjixini hita hiwaka tshinanu, wale nkamhanu halikaka, Nuru Hoyakalu himalwuxiko Whentshi tshinkalurno tshinanu.

João 15:16

Hixa hi nuretno hita seyni hitako nuretatkahi hixa hiyrunu nenek-kamrurethi hyiywakapa, Hoyakalu halukanru hkamhiywaka, rawhohnekanaxyawakapa hkamrure. Waneyakni kluneruktako hanjixinri Nuru Hoyakalu, hita nhiwaka tshinanu hanjixinri, renekanhi.

João 16:23

— Hinatshri hohnepa hike pirana hijhayehitanutkano. Halikaka, halikaka wla ntshinhi, Kluneruktako hanjixinri Nuru Hoyakalu hita hiwaka tshinanu, renekanhi.

João 8:31

Waneya Jesus hiynumatna judeu-ne ralixjene, wla htshinna: — Ntokanu hpaklu homkahrexini waneya nasruklenepotpakhi halikaka.

João 8:37

Nimata hixni Abraão-ni klopichanhi. Seyni haluk-hiylaletno klu tshinanu ntokanu hi kwawakleru hix-yehiya.

Gálatas 4:2

Mturu rixka pchinika, jinotaklerune hiyrun-koxa suslahaklerune towre rutakka haté rapokhohnexinipa ruru marca-hohnexyalu hyoptotanru hkaylerupa.

Gálatas 5:16

Naluka wan-tshinreta: Hitshitanru Hoyakalu Hiwejikaluru hixa hiwejinri hkosejyawakapa. Hikeklu hixako hihchinikanu halujyawaka homkahitanu.

Colossenses 3:16

Hitshitanru Cristo tokanu himwiywakhi psoluka ptowru himatkaltshiya. Hasrukkakanu, hiykokakanu Hoyakalu tokanu chikaltshiyma hiyrunu himalwuru chikaleyma hiyrun-koxa pimrikaka chikaltshiyma. Hoyakalu Hiwejikaluruya hchikalewatanu. Hchikalewaxini Hoyakalu tshinanuya hpoyahnutanru hajiya.

1 João 2:14

Nyonanwakathi hixa mturune pixkalune klu tshinanu hixa himathetlu Wuru Hoyakalu. Nyonanwakathi tsrune pixkalune klu tshinanu hixa himathetlu hyinuwajikolu hwahohnekanatatshri. Maklujine pixkalune, nyonanwakathi hixa klu tshinanu hixkohchinikanurunhi hiyrunu himretlu Hoyakalu tokanu hiyrunu hixa hallitatkalu kamtshi.

1 João 2:27

Seyni pixkontshi henejikolu himwakowa hiyáhoni hixa hi haluklu satuko hasrujyawakhi klu tshinanu pixkontshi henejikolu hasrukjethi. Hiyrunu rasruklewle halikakalutni hi weyawluni. Hiyáhoni htshina hasruklexyawakhi pixka hixa himwaletanru Cristo.

1 João 3:22

Hiyahokni kluneruktako wanjixinri, walemyo wyoptoxinri klu tshinanu htokanu womkahjeta hiyrunu rukchikhihlenutanru wkamhajeta.

1 João 5:14

Hiyrunu xyeni wmunanhaleru wukchikleru Hoyakaluya. Kluneruktako wanjitanu Hoyakalu hikchikhihlenreru, wale yijnakotwu.