João 15:5 - Bíblia

⁵ — Uva-tsa pixkalutno hita. Hixni hiplu. Hiplu hita hwatshripa hiyrunu hita nimwaleru-plu pixkalutu, hixo sahiplu. Seyni hita mwakatu hikeko hkochpaka.

João 15:5 ပူးပေါင်းရင်းမြစ်များ

Mateus 13:21

seyni pchini tsonu hwatshinepni klu tshinanu matskitni wale. Runini yahtaletlewlu ho salewaktshi Hoyakalu pirana tshinanu, ramtakanruna tokantshi hjemlerna.

João 12:24

Halikakni, halikakni wane ntshinhi, Chijiji tshiji hmapokkanuklunu, hmupnaknuklunupa, wane rawachatanu. Seyni rupninipa, hixo jiplu.

João 15:16

Hixa hi nuretno hita seyni hitako nuretatkahi hixa hiyrunu nenek-kamrurethi hyiywakapa, Hoyakalu halukanru hkamhiywaka, rawhohnekanaxyawakapa hkamrure. Waneyakni kluneruktako hanjixinri Nuru Hoyakalu, hita nhiwaka tshinanu hanjixinri, renekanhi.

João 5:19

Waneya Jesus wla tshinna: — Halikakni, halikakni wla ntshinhi: Whentshi tshinkalurno hike numukata kamhaleta Nuru mepixkanuklunno. Klu tshinanu kamrurtshi kluneruktako net-kamhaletlu Nuru waleko nkamha hita Whentshi tshinkalurno. Kluneru kamrurtshiktako hkamha Nuru wale potuko nkamhajeta hita Whentshi tshinkalurno.

João 9:33

Klu tshinanu xye jeji Hoyakalu yokanreru hma mixkanumka hikemka rumukata kamhaletanu.

Atos 4:12

Hiyáhoni Jesus tsonu hiwekkaklewata klu tshinanu tshiji psoluko hikeni satu hiwaktshi yine tskalaya yine hiwekkakatshri.

Romanos 12:5

Hiyáhoni hix-koxa, yáholu hixomnuwu seyni pa manepkawu Cristo-ya. Hiyrunu ptowrunekwu pa manepka psojitwu pimrineymakananuko.

Romanos 6:22

Seyni xawakni Hoyakalu kochpakatkahi hektuntshi mtowuxyawakanutkahi. Hiyáhoni hixa kayatatkalu hiwejikaluru hikeklu hohne mnikawnakatupa.

Romanos 7:4

Cristo tshinanu nmoletanune, waneko pixka hixahotka, hipnahoxiniklunwa hix-nanuko hiyáhoni hixa hichpajyatkalu Moisés yonreru towuxyawakhi Cristo mane tshinanu. Wan-hixatka satunuko hixinripatka, waleni hipuktshi tskala hichpajikatshritka hiyáhoni wumukata Hoyakalu halujyawaka kamhalexyawakpatka.

1 Coríntios 10:16

Copa stono hwatshri wurrerha pirana wuchinijyalu Jesus hipnale hixa tshinanu, wuhlewahchinikanutjeru wpoyahnuthaleru pirana. Xye copa stonha wurini, hi he xawaka Cristo hraha wapikka? Hiyrun-koxa pão wjiknajroxinri wnijinri, hi he Cristo mane wapijikolukatkani wale?

1 Coríntios 12:12

Klu tshinanu Cristo mane satupkalutu híxolu wale psojitenkaka. Hiyrun-koxa nyi Cristo mane psojite pixkalune, hixolune pa manepkana.

1 Coríntios 12:27

Hiyáhoni hixa ptowrunekhi Cristo manenhi. Hiyrun-koxa hix-satkakhi wale mane psojithi.

2 Coríntios 13:8

Klu tshinanu hike wumukata kamhaleta halikakalutu tokantshi wkamnixyawaka seyni halikaka halikakalutu tokantshi wimatshwaha.

2 Coríntios 9:10

Hiyrun-koxa Hoyakalukni hitataji heneklewatatshri rutajikowakapa. Hiyrun-koxa pão nikkalurupa heneklewatatshrini. Waneko pixka rixanhi hix-koxa ptowru hitataji halukkaluru pixkalutu renekanhi. Htseruwnakakanru tsrupotpákolu honantshi, hixa henekachale tseruwnaleko pixka.

Gálatas 5:22

Seyni Hoyakalu Hiwejikaluru kamrurni hixkakluko hamotkajyawaka, wumuwaxyawaka, hwachalu, ptowru potuko wakoxyawaka, kchinikanurune wixyawaka, pimrine wuchinikanrexyawaka, walixyawaklu,

Efésios 5:9

Klu tshinanu katal-hixlu ptowru hixatshri hihlentshi poyahokakleni, halikak-potu.

Filipenses 1:11

Waneya hixa hiwejinri katsepopatkalu ptowru chinikantshi kihleru, Jesus Cristo tsonu hakanikleru, ralixkoxikolupa hiyrunu rimalwuxikolupa Hoyakalu.

Filipenses 4:13

Nmixkotjeru tshinanu ptowru potuko numukata.

Filipenses 4:17

Himka nujhalu nenejikolu. Seyni naluklu hixa tsru potuko kihleru hapatjehnapuxikowaka, hixa kamrurkaka kihleru tshinanu.

Colossenses 1:10

Waneyakni hixa himukata kamhaletanru Hoyakalu halujyawaka hiyrun-koxa Hitsrukate Hoyakalu hiwaka himalwutko hixa hixjexyawaka tshinanu. Tseruwnatshinephi ptowru potuko kamrurtshi kihleruya hiyrunu tseruwnatshinephi Hoyakalu himatyehipotuxyawaka.

Colossenses 1:6

Xye tokantshi hix-yehi hapokatshritka ptowru tshijne hapokatshritkani. Xye tokantshi ptowru yineru tserutahchinikanutatshrini, hix-koxa htserutahchinikanjeta himatjeminixkalu Hoyakalu hihlenu hixa tshinanu halikak-potu piranaya heyijnaklekananuko haté xawakni.

Tiago 1:17

Ptowru hixatshri kihleru wyoptoleru hiyrunu ptowru hixatshri hike mmahaxikatu tenhohne ruchpajya. Xye ptowruka Hoyakalu hiyakaxya. Hoyakalu honukla katalune tenhohne hajene hiyakotatshrini. Hi kakojerni Hoyakalu. Rixannuni. Hi psojikna hyokmanya Hoyakalu.

1 Pedro 2:4

Hiyáhoni wyanwakatanru hatatjewa sotlu hiwejikaluru wapokanwakatanu. Halikaka malukkotumkani yineya seyni Hoyakalu nurrerni wale hiyrunu hijhakalur-potni wale.

2 Pedro 3:18

Seyni halikaka Wutsrukate Jesus Cristo, Wiwekkakjeru hepixle hiyrunu Cristo himathetle tseruwnikatshinephi. Wale pohitko xawakni hohne hiyrun-koxa hike rixiniko mnikawnakatupa hohne koxa hpohitko.