Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




João 15:4 - Bíblia

4 Hita hwanu hiyrunu nwanhi hixa. Klu tshinanu uva plu hi himukata sahiwleta waleko hmixkonu tshinanu tsonu seyni rujhalu hiptshe hyokajikowaka. Waneko pixka hixatshinhi hixa. Klu tshinanu hixa hike himukata kochpakleta hita hma yokakkanuklunu.

အခန်းကိုကြည့်ပါ။ ကော်ပီ




João 15:4
29 ပူးပေါင်းရင်းမြစ်များ  

— Kihle sahiru hijhalu hahmuna kihleru. Hahmuna hektutu hi kihle sahiplu. Klu tshinanu ptowru hixatshri hahmuna pejnu rimathetka hisahi tshinanu.


Seyni halikaka kihle tshijiwaka hapoktatajitatshine, wannani potuk-hajirune, kihle hajirune. Hyijnakotluna tokantshi. Romkahitluna hjemlerna. Hmachiretleymana hjiwatanutkana.


Wale hohnepa hixa himathetanru Nuru Hoyakalu hwatshri nixyawaka hita. Himathetanru hixni hita hwatshinhi hiyrun-koxa hita hixa hwatshrino hita.


Hita wannayma hiyrunu pixa hitayma hike mmahaxikane rixyawakapna pa hchinikanurune rixyawakapna. Xye tshijne hajene himaxyawakaplu pixa yokanatno hiyrunu rimaxyawakapna puchinikna puchinikjexyawakno pixka.


Nohitu nikatshri hiyrunu nohraha hiratshri, hita riwejya. Hiyrun-koxa wale niwejya hita.


Waneya Jesus hiynumatna judeu-ne ralixjene, wla htshinna: — Ntokanu hpaklu homkahrexini waneya nasruklenepotpakhi halikaka.


Waneya rapojinixka Barnabé retlu Hoyakalu ramoxyawakna hiyáhoni rumuwata. Waneya Barnabé mixkotahchinikanutna psoluka rajiyna Tsru Hixikatshriwa Hoyakalu romkahixyawakna hiyrunu hi ruchotanruna Tsru Hixikatshriwa Hoyakalu.


Paulo, Barnabé mixkowahchinikankakatkana Cristo halixatshine ralixleyna hiyrunu runkakletluna salewaktshi pirana yine hixo salewaktshikaka retanna haté Hoyakalu pohirewaxyawaka hjihlojyawakapna.


Hetjexinwa, hyahoxinwa ho halikaklahe poyehi halixlehi. Hi he himatlu Jesus Cristo hwamanethi halikaka minjenhi hma mixyawakanupa?


Seyni niweka wanepnawaka. Seyni halikaka hiwekatshri hi hitni seyni Cristo, hita nanwaka hiwejikatshrini. Xawakni xye niwekle Hoyakalu whene halixikolu tshinanu niweka. Walekni namotjeru hiyrunu renejnawana hita tshinanu.


Nanjitkoxlu hixa halixle tshinanu, Cristo himukata hwahajretanhi. Hiyrun-koxa nanjitlu ruchiniklewle hmixkoxyawakaphi hiyrun-koxa hpoyehiwkajyawakaphi,


Waneya hixa hiwejinri katsepopatkalu ptowru chinikantshi kihleru, Jesus Cristo tsonu hakanikleru, ralixkoxikolupa hiyrunu rimalwuxikolupa Hoyakalu.


Halikakni hixa halixle hijhalu poyehiru hoho rutajikowaka, hma kowchojikowakanupa hixa halixle. Hi hitneprikkajinwa kahwakachaluya kihle piranalu potuko hiwekkaklewatatshri pirana hyijnakotanrutka xye tshijne psoluka yapiranatatshrini. Hitni Paulo-no xye pirana jinkakletaklerno.


Klu tshinanu Hoyakalu nurehchinikanuxnawa rimatkajyawakapna rayinetene rimaxyawakapluna royaknu pirana tsru potuko ptowru yine tshinanupa piranni. Cristo hixa hitokote hwatshritka piranni xye. Hiyáhoni hixa himukata kahwakletlu Hoyakalu hoyaknu hyoptoxyawakapa.


Hiyáhoni mitshikananu hixa yoptolexyawaklu Tsru Hixikatshriwa Jesus Cristo pixka hixa homkahretanru.


Hiyáhoni wale tshinanu nmakotahchinikanutkan-tshinanu Timóteo nyokananwakathi hixa halixle pirana nimatyehixyawakapa. Nimaxyawakaplu ho kamtshi kyahtalewakleru yahtaletatkahi xawaka ho wmahijeru kamrurewletatkahe hixa tshinanu.


Halikaka hixa hi satkapatshine pixka wixanu, wamtajyawakaplu hiweklu. Seyni hixa Cristo halixatshinwu hiwejikowaka wwiya.


Katukta wan-tshina “Hoyakaluymalutno”, htshinini, raluka Jesus Cristo hiwekle pixka rixa hiwekletan-koxa wale.


Ptowru yineru majnakowatatshri, Cristo hasrukle momkahitkatu hi Hoyakaluymalutni wale. Seyni Cristo hasrukle homkahitatshri Wuru Hoyakaluymalutni hiyrun-koxa Hiwheneymalutni wale.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ