João 15:2 - Bíblia

² Ptowruka hita hwatshri plukaka masahitu Hoyakalu kastakanru. Hiyrun-koxa ptowru plukaka kasahiru wale hihletlu hsahiwpotuxyawakapa.

João 15:2 ပူးပေါင်းရင်းမြစ်များ

Mateus 13:12

Klu tshinanu katukta himatjemlu, Hoyakalu pnute rimatjemkakanru wale haté rimatjempotuxyawakaplu. Seyni mimatjemkatu haté rimatjemlejiji hkonanu Hoyakalu.

Mateus 13:33

Satu yapkaklu hkamhatnaka Jesus, wla htshina: — Tenhohne pohirewaxyawaka tserutatshri pixka rixa. Sato suxo hwalu. Mapa chiwatupso trigo pahi tyapjetlu haté psolujpako chitshponatka.

Mateus 15:13

Waneya Jesus wla tshin-hihretna: — Ptowru hitaklu Nuru tenhohne hajeru mutakanutu hitskihi potuko roplijiko.

Mateus 21:19

Waneya satu figueira-muna reta hatnu hapostsi hwatshro seyni hi kasahlu, hisurkaka tsonu reta. Waneya wla htshinru: — Hikeklu hohne psahiwatanutnaka! Waneya waneklukawa potuko riprihanatka.

Mateus 25:29

Klu tshinanu tsru himwatshriko pnute renekko wane yohnika. Hiyrun-koxa hike mwikatu seyo rimwalerujiji hkonko.

Mateus 3:10

Heptshi honra halpokotka hahmunkaka hkastajikowakapa haté hitskihi. Klu tshinanu ptowru hahmuna hektu sahiwleru, kaykako, tshitshmero ruknokko.

Mateus 3:12

Ruplokapre ralpokota ruplojyawaklu hitataji hkotspalaxyawakapa hipata. Hitataji himrexikowaka hruko rimretakjixinri seyni hipatapni yoxikkona tshitshmeroya hikeklu hohne mnikawnakatupa.

Mateus 7:19

Ptowru hixatshri hahmuna hektu sahiwleru hkayika, tshitshmero ruknokka.

Marcos 4:20

Seyni kihle tshijiwaka hapoktatajitatshine wannani Hoyakalu tokanu jematshine, rimatjemluna hiyrun-koxa hjiwatanutkana: satu trinta, satu sessenta, satu cem kata pnute hjiwatna.

Lucas 8:13

Sotlu hanikajite hiknokkalune wannani tokantshi jematshine. Tokantshi hjeminixkana hyoptotmakluna tsru rumuwleymana. Seyni hi waneyna hitskina wanna. Hiyáhoni pchini tsonu halixatshinepni. Runinipa yahtaletlewlu ramtakanruna tokantshi hjemlerna.

João 15:1

— Hitni uva-tsa halikakalutu pixkalutno. Nuru Hoyakalu uva-cha hislahatshrini.

João 15:16

Hixa hi nuretno hita seyni hitako nuretatkahi hixa hiyrunu nenek-kamrurethi hyiywakapa, Hoyakalu halukanru hkamhiywaka, rawhohnekanaxyawakapa hkamrure. Waneyakni kluneruktako hanjixinri Nuru Hoyakalu, hita nhiwaka tshinanu hanjixinri, renekanhi.

João 15:3

Hixni hihletkatka ntokanu nunkajyatkahi tshinanu.

João 15:6

Katukta hi himwano, hiplu hiknokkaluru pixkalutupni. Riprihanu hiplu hiyáhoni rapatjetka yineya waneya tshitshmero ruknokkana. Hyoxikka hiplu.

João 15:8

Nuru Hoyakalu himalwutko hix-potu sahi pixkalutu hsahiwaxini. Wan-hixatshinephi nasruklene.

João 17:12

Wannayma nwakanaxini xye tshijneya pixa hiwaka himukatleyma nihnanutatkana. Yine penejyano nihnanutatka hi satukna hamha seyni hamhatshri tsonupni tshitshmero yatshripa tsonu. Wan-rixatka hpoyahokajyawakaplu Hoyakalu tokanu yonatkaluru tshinyawaka.

Romanos 11:17

Hatatjewa oliveira muna hislahluro plukaka kastakka. Waneya hixa judeu mixkanhi hatatjewa oliveira muna kahnete hwatshri pixka hixatshinhi waleplu kastajikolu hislahkaluru muna yokakkalunetkahi. Hiyáhoni hixa yoptotlu judeu-nerune mixkonu hiyrunu riweklena.

Romanos 11:22

Hislahanu hanu potu rixa Hoyakalu. Kchinikanru seyni kapnokatle koxlu. Wale hapnokatanunna hektuwaka kamhatshinepni seyni hixa tshinanu kchinikanurni, Hoyakalu hchinikanu homkahixini. Wane hmixkanuklununapa hix-koxapni kastakkona.

Romanos 8:28

Wimatlu ptowru potuyako Hoyakalu kamrurewata hixa hihlenu tshinanu, ptowrunek-yine Hoyakalu hamotatshine, Hoyakalu nurrenni. Hoyakalu nuretatkana waleko hkamrure hkamhiywaka tshinanupna.

1 Coríntios 13:1

Numukatkamka yine nrukaka ho hiwejikalune Hoyakalu towrerune tenhohne hajene nrukaka nyanumaxinimka seyni nma muchinikkanuklunru nimwastsireru hatatjewa hita ferro chpata ho lata-mta hitpetkaluro pixka nixa tsne, tsne, tsne hixatshro pixka nixachata.

Tito 2:14

Renejnawa hixa repixyawakapa. Wan-rixa hkochpajyawakapwu ptowru jikolukanuruya ruhlexyawakapwu waleko rayinetene wixyawakapa, jmererunepwu kihleru kamhalu tshinanupa.

Hebreus 12:15

Xako, hi satukna hicho homkahretanru Hoyakalu hihlenu wuhletjeru. Klu tshinanu wma momkahitkanuklunru rumukata hakanhaletanu hixa hitokoteya katshwu hchinikan-menu hixa kojwakatshripa, hixolunepnimka yinepni himtukahchinikanutatshripa.

1 João 2:19

Hix-yehi ruchpakamxyana seyni hi wepirene rixjekanatna klu tshinanu wepirene rixkamkana hi ruchotatkawuna. Seyni ruchotatkawuna rimathetkanna halikaka wepirene hmixyawakanna.

Apocalipse 3:19

Nuchinikanune pejnu ntshihetjeta, nsaletjeta. Hiyáhoni jmererunephi hehchinikanuxyawakapa.