João 15:16 - Bíblia

¹⁶ Hixa hi nuretno hita seyni hitako nuretatkahi hixa hiyrunu nenek-kamrurethi hyiywakapa, Hoyakalu halukanru hkamhiywaka, rawhohnekanaxyawakapa hkamrure. Waneyakni kluneruktako hanjixinri Nuru Hoyakalu, hita nhiwaka tshinanu hanjixinri, renekanhi.

João 15:16 ပူးပေါင်းရင်းမြစ်များ

Gênesis 18:18

Klu tshinanu Abraão honukla hixo neru hirupni hiyrunu himukatatshripni hiyrun-koxa ptowru tshijne hajeru kihlewaka htshinkona wale tshinanu.

Mateus 21:22

Halixinri hanjireru hanjihohneruya hyoptoxyawaka, hyoptotanru.

Mateus 7:7

— Hanjitanro henekko; hijhanu hikchikanu; hitpehiphaptotetanu, hkotpukko hiphapto.

Lucas 6:13

Waneya rumrejinixka hohi htomhana rasruklene hixolune. Waneya doze hnuretatka hixolune tskalaya. Nyi doze jejine rutakhiwakatkana ‘nuretkalune’.

João 13:18

Seyni hi hixa ptowruneka nkochtsheka wane ntshinini. Klu tshinanu nimatna nnurrene hanu hixatshinetkani. Hoyakalu tokanu yonatkaluru tshinyawaka hpoyahokajyawakapa tshinanni. Wla htshina yonatkaluru: “Hitayma nijittshi nikatshri pnut-hohne hkamnitanno.”

João 15:19

Xye tshijne hajeneymalune hixkamka waneyamka hamotko hixa wannanu pixka. Seyni xye tshijne hajeneymalune hma mixyawakanu tshinanni, hiyrunu nurethi xye tshijne hajene hmixyawakanu tshinanu, xye tshijne hajene hahnanuthi.

João 15:5

— Uva-tsa pixkalutno hita. Hixni hiplu. Hiplu hita hwatshripa hiyrunu hita nimwaleru-plu pixkalutu, hixo sahiplu. Seyni hita mwakatu hikeko hkochpaka.

João 6:70

Waneya Jesus wla tshinna: — Hi he hitakni nurethi hixa doze-runhi seyni satu hixaymalutu kamtshi pixkalutni?

Atos 1:24

Waneya wanna ptowruneka hanjihohnetatka wane htshinna: — Hoyakalu, pixa tsonu himathethajitna yine. Pekhitanwu hanuru nyi hepi pnuretatka

Atos 1:8

Seyni Hoyakalu Hiwejikaluru hix-hoho rapojinipa hyoptotanru pixkontshi hiyáhoni nuphujtatjenephi Jerusalém poktshiya hiyrunu Judeia tshijne psoluka, Samaria tshijneya, haté hmahaxyawaka tshiji nuphujtatjeneyaphi.

Atos 10:41

Hi ptowru yineru rakanhayehimta Jesus seyni hixa tsonu mnukawa Hoyakalu nurrenwu. Hoyakalu hali hiwekkaklexinixnaklu Jesus waneya wkatanu waleyma wnika wura.

Atos 22:14

Waneya wane htshina: “Wutsrukatenni Hoyakalute nuretatkayi pimaxyawakaplu waleko ralujyawaka hiyrunu pexyawakaplu Jesus Potukalu hiwakatletatshri.

Atos 9:15

Waneya Tsru Hixikatshriwa wan-tshinru: — Seyni wane pyanu klu tshinanu nnuretlu xye jeji hkamrurewaxyawakpatka hita tshinanu. Hita hiwaka hpohixinripa judeu mixkane yehiya, pohirtshin-yehiya, israel-nerune klopichane yehiya.

Romanos 1:13

Hiyáhoni Cristo tshinanu nmoletanune, nalukhi hixa himaxyawaklu hixo katamka nalpokotatkalu hix-yehi napojinripa seyni ptowru katako satu pa hixanu himaletno wane nma yiywakanupa. Klu tshinanu naluk-halixkakletna yine hixa tskala hwatshine nixa halixkaklexyawakpotukna pimrine judeu mixkane pixka nkamrure tshinanu.

Romanos 1:5

Hiyáhoni Jesus Cristo tshinanu Hoyakalu henekno xye hitakkaluru, hnurreru nixyawakatka, Cristo tshinanu, nalixkajyawakapna, kajnako nixkajyawakapna yine psol-tshijne hajeneko.

Romanos 15:4

Psoluka yonatkaluru potukalu pirana yonatka hixa wasrujikolu tshinanu ruchinikanuwkakwu wkahwakachaxyawakaplu Hoyakalu hihlenu hiyrunu repixlewle. Xye wukchika Hoyakalu tokanu yonatkaluru piranaya.

Romanos 9:21

Hi he rumukata kkamhakleru wale jpako kamhalexyalu satu kihleru, satu hektutu?

1 Coríntios 10:11

Xyekaka hakanhayehitnina wutsrukatenni yapkaklu rixyawakapa pimrine tshinanupa. Hiyrun-koxa hixa ruykoxyawakapa tshinanu hyonatka walekaka pirana. Klu tshinanu wiwekle hmahle hohnestsi hwatshritkani.

Gálatas 1:15

Seyni Hoyakalu, retwamonre tshinanu, hnuretno, htshanixno nma matutkanuklunuwa.

Efésios 2:10

Klu tshinanu Hoyakalu hiyakotwu Jesus Cristo-ya kihleru wkamhiywakapa. Kihleru wkamhin-honra mitshikawako ralpokotatkalu hixa tshinanu wkamhiywakaplu kihleru.

Colossenses 1:23

Halikakni hixa halixle hijhalu poyehiru hoho rutajikowaka, hma kowchojikowakanupa hixa halixle. Hi hitneprikkajinwa kahwakachaluya kihle piranalu potuko hiwekkaklewatatshri pirana hyijnakotanrutka xye tshijne psoluka yapiranatatshrini. Hitni Paulo-no xye pirana jinkakletaklerno.

Colossenses 1:6

Xye tokantshi hix-yehi hapokatshritka ptowru tshijne hapokatshritkani. Xye tokantshi ptowru yineru tserutahchinikanutatshrini, hix-koxa htserutahchinikanjeta himatjeminixkalu Hoyakalu hihlenu hixa tshinanu halikak-potu piranaya heyijnaklekananuko haté xawakni.

1 Timóteo 2:7

Wale tshinanukni nutakka nuretkaluru yokanatkaluru nixyawaka hiyrun-koxa judeu mixkane nasrujyawakapa nunkaklexyawakaplu Cristo halixikolu pirana, halikaka pirana. Hi nweyawata, halikaka pirana ntshina.

2 Timóteo 1:11

Hoyakalu nuretno, rutakno jinkaklewakleru nixyawaka, judeu mixkane nasrujyawakapa.

2 Timóteo 2:2

Pirankaka pjemakanatanru, nunkakle hixo hetatshine yehi, xyekaka pirana pasrukanna jejine pmunanhalene. Waneyakni pimrin-koxa rumukata hasrukletanna.

Tito 1:5

Creta poktshi, tshinikowaka nuknokatkayi, puhlepokoxyawakaplu muhletkaka wane hajeru. Hiyrun-koxa Cristo halixatshine hapatjetatshine kosekatshinepa putakanu ptowru poktshikaka, ntowuxyawakatkayi pixka, pixyawakapa.

Hebreus 11:4

Halixlu tshinanu, Abel henekachlu halukkaluru potu, reneklu Hoyakalu, Caim henekachle pnute hihlenurutu. Wale tshinanu Hoyakalu himatjemkaklu potukalu rixyawakatka Abel. Ruphujetlu potukalu rixyawaka Abel renekachlekaka Hoyakalu yoptoxyawaka tshinanu. Hiyáhoni haté xawakni runkakletkawa Abel-ni yáholu mitshikawako rupnanimkatka Abel-ni.

Tiago 3:18

Kamrurtshi Hoyakalu hikchikhihlenreru, kihle hwachalu hwakaklu. Kihle hwachalu homkahitatshine hakanhakaklu.

1 Pedro 3:15

Tsru Hixikatshriwa Hoyakalu pixkalunephi ptowru chinikantshiya. Ptowru mayohnutshi hiyrunu ptowru kahwakpirlu chinikantshiyma halpokotanu hinkaklexyawakaplu hixa himwaleru hmunanhaleru pirana ptowru yine hepomhakjene tshinanu.

1 Pedro 3:2

Ralixkakna jejine rexinipna hhanunrona Hoyakalu kahwakpiraxikolu potuka kamhale rixinipna suxone.

1 João 4:10

Xyekni hamotlewlu. Himka wamotatkalu Hoyakalu seyni wale hamotatkawu hixa. Hiyahokni hyokanatlu Hiwhene Cristo rumukata wukolukanuwnalkaka ramtakahchinikankajyawakapa.

1 João 4:19

Wamotlu Hoyakalu klu tshinanu wale hapka hamotatkawu hixa.