João 15:1 - Bíblia

¹ — Hitni uva-tsa halikakalutu pixkalutno. Nuru Hoyakalu uva-cha hislahatshrini.

João 15:1 ပူးပေါင်းရင်းမြစ်များ

Mateus 15:13

Waneya Jesus wla tshin-hihretna: — Ptowru hitaklu Nuru tenhohne hajeru mutakanutu hitskihi potuko roplijiko.

Mateus 20:1

— Tenhohne pohirewaxyawaka satu uva-cha himwatshri pixka rixa. Yetshpotukawa ruchpaka rujhana uva-cha kamrurewaxikatshinepa.

Mateus 21:33

— Hyijnakotanru satu yapkaklu pirana: Pa kata satu jitaklewakleru hitaklu uva-cha. H-cerca-tetlu, hiyrun-koxa hjitotlu uva katsrekjexikowaka vinho-ha hkamhiywakapa hiyrunu satu tenopjiru uva-cha hislahikowakapji hkamha. Waneya hsana hislahatshine renekamta. Waneya pa tshijne howuka hya.

Marcos 12:1

Waneya Jesus yinuwaka hinkakletanna satu yapkaklu pirana. Waneya wla htshina: — Satu jeji yinuwaka hitakletlu uva-cha. Rutaklu h-cerca-tetlu. Hjitotlu uva katsrekjexikowaka vinho-ha hkamhiywakapa hiyrunu satu tenopjiru uva-cha hislahikowakapji hkamha. Waneya hitaklucha hislahatshine renekamta. Waneya pa tshijne howuka hya.

Lucas 13:6

Waneya Jesus yapkaklu pirana rutaka: — Satu yineru pa kata figueira muna rutaka rusanate uva-cha yehi. Waneya wane hya hisahi rujhapyawakmaka. Seyni hikta rawa.

João 1:17

Hiykolu pirana yonatkaluru yokanatatshrini Moisés-ni seyni Jesus Cristo-kni Hoyakalu hihlenu ptowru potuka hiyrunu halikakalutu pirana hiyakotatshrini wale.

João 1:9

Katalu halikakalutu waleni katalu xye tshijne hapokatshri ptowru yineru hchinikanu nikotatshri.

João 15:2

Ptowruka hita hwatshri plukaka masahitu Hoyakalu kastakanru. Hiyrun-koxa ptowru plukaka kasahiru wale hihletlu hsahiwpotuxyawakapa.

João 6:32

Waneya hyanumata Jesus: — Halikakni Moisés hi henekna pão tenhohne hichpajikatshri klu tshinanu pão tenhohne hichpajikatshri halikakalutni walekni Nuru heneklewjeta.

João 6:55

Klu tshinanu nohitu halikakni nikkaluru hiyrunu nohraha halikakni hirkaluru.

Romanos 11:17

Hatatjewa oliveira muna hislahluro plukaka kastakka. Waneya hixa judeu mixkanhi hatatjewa oliveira muna kahnete hwatshri pixka hixatshinhi waleplu kastajikolu hislahkaluru muna yokakkalunetkahi. Hiyáhoni hixa yoptotlu judeu-nerune mixkonu hiyrunu riweklena.

1 Coríntios 3:9

Klu tshinanu Hoyakalu rikamrurewatwu. Hixni Hoyakalu hisanate pixkalunhi. Hoyakalu wane hkamrurewjexya. Hiyrun-koxa hixni Hoyakalupjinhi.

1 João 2:8

Seyni herotu yokanrur-pirana nyonanwakatanutnakhi. Waleni halikakalutu Jesus Cristo-ya hixay-koxa, klu tshinanu mapchahalu hiknohpiratatka hiyrunu katalu halikakalutu mixkowamtatka.