Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




João 14:6 - Bíblia

6 Waneya Jesus hihitna: — Hitni hatnu hapno, Hitni halikakalutno, Hitni hiwekluno. Yine Hita tshinanu tsonu rumukata hapokanwakletluna Nuru Hoyakalu.

အခန်းကိုကြည့်ပါ။ ကော်ပီ




João 14:6
57 ပူးပေါင်းရင်းမြစ်များ  

— Nuru, ptowru potuko renekno. Hike himathetlu Whentshi seyni Hirtshipka himathetlu. Hike himathetlu Hirtshi seyni Whentshipka himathetlu hiyrun-koxa katukta raluk-himatyehkakletlu Hirtshi.


Tokantshi manewata. Hiyrun-koxa hixa tskala rawakanatatka. Wetlu royaknu. Hoyakalu hoyaknu pixka rixatka Hoyakalu whene satupkalutu. Hpoyahokakatkalu ptowru potuka Hoyakalu hihlenu hiyrunu halikakalutu pirana hpoyahokakatka.


Hiykolu pirana yonatkaluru yokanatatshrini Moisés-ni seyni Jesus Cristo-kni Hoyakalu hihlenu ptowru potuka hiyrunu halikakalutu pirana hiyakotatshrini wale.


Tokantshi hiwekluni. Xye hiweklu katalni yine nikotyehitatshri.


Nenekanna hiweklu hike rixiniko mnikawnakatu. Hikeklu rupnanna hiyrun-koxa hi satuknako yineru himukata ninotle yehi kochpaklexyana.


Waneya wane pnute htshina hinkakleta Jesus: — Halikakni ntshinhi, Hitni hiphaptono carneiro jihlokawakleno.


Hitni carneiro jihlokawakleno hiyáhoni katukta hita hiknohanu riwekanu, hjihlokanu, ruchpakanu, rukchikanru hnikleru.


Pchini tsonu yine xye tshijne hajene hi hetanutnakno. Seyni hixa hetanutnakno. Klu tshinanu niwekanutnaka hita hiyáhoni hix-koxa hiwekanu.


— Hitni uva-tsa halikakalutu pixkalutno. Nuru Hoyakalu uva-cha hislahatshrini.


Waneya Phuru Pilatos wla tshinru: — Hiyáhoni pixlahe phuryi? Waneya Jesus hihitlu, wla htshina: — Pixako wan-tshina. Halikaka wale tshinanu nmatuta hiyrunu xye tshijne napoka nuphujtaxyawakaplu halikakalutu pirana. Ptowruneka halikakalune yijnakotlu ntokanu.


Nuru hiwekkakjetna hipnatshine, hiweklu renekjetna. Hiyáhoni waneko pixka nix-hita Whentshi tshinkalurno. Hanuruktako yineru naluk-hiwekkakleta, niwekkaklu.


Klu tshinanu pão Nuru heneklewaxya walekni yineru tenhohne serpijikatshri xye tshijne Hiwekkaklewaxikatshrini.


Pão hiwekkaklewatatshri, tenhohne hichpajikatshri, hitni. Hiyrun-koxa yineru wale nikatshri pejnu hiwekanu hike rixiniko mnikawnakatupni. Xye pão xye tshijne hiwekle neneklerupa, waleni nohitu.


Nuru Hoyakalu hiwekatshri yokanaxyawakno pixka hiyrunu Nuru Hoyakalu himukatle tshinanu niwejyawaka pixka, waneko pixka rixa ptowru yineru hita nikatshri pejnu. Hita tshinanuko riwekanu.


Waneya Simão Pedro tshinkaluru wla tshinru: — Tsru Hixikatshriwa, wane wixini hanhe wyanu? Klu tshinanu pix-honra himwalu tokantshi hiweklu hike rixiniko mnikawnakatu heneklewatatshri.


Hiyrun-koxa halikakalutu pirana himatanu hiyrunu hichotkalunpatkahi halikakalutu pirana tshinanu.


Halikakni, halikakni ntshinhi, hita ntokanu homkahpotutatshri, hikeklu hipuktshi kachitanru wale.


Hixa nomolenhi hiylatatkalu hiweklu heneklewatatshri seyni Hoyakalu hiwekkakatnaklu hiyrunu hixa hetpotutlu xye ptowruka.


Hiyáhoni Jesus tsonu hiwekkaklewata klu tshinanu tshiji psoluko hikeni satu hiwaktshi yine tskalaya yine hiwekkakatshri.


Ranjitlu yonawahlo Damasco poktshi hanjihohnewakapji hajene tshinanu, yonawahlo hinhatshri tshinanu Saulo himukata kachretatkana wane hajene Jesus halixatshine rukchijinipna jejineko ho suxoneko, wan-hixatshine rumukata hanikleta Jerusalém poktshi nwaka hostutkalunetka.


Cristo Jesus towrerno judeu mixkane nepixyawaka. Sacerdote kamrure pixka nixa hiyáhoni nkamrurni Hoyakalu pirana, kihle piranalu potuko hiwekkaklewatatshri pirana nunkaklexyawaka nkamhajeta. Wane nixa judeu mixkane henekachalune rumukata hixlexyawakapna Hoyakalu hikchikhihlenreru potukatlewatatshri Hoyakalu Hiwejikaluruya.


Walixle tshinanu Cristo wan-hixwu Hoyakalu hihlehchinikanrewle henekachalu wyoptoxyawaka. Wane wixa haté xawakni. Wale tshinanu wpoyikowata klu tshinanu Hoyakalu hoyaknu wkahwakanu.


Hektuntshi mitshikananu hipuktshiyma towutatkawu. Seyni Hoyakalu mixkowata hektuntshi ruknojyawaka yine tshinanu. Hiyáhoni Hoyakalu hiknojyawaklu hektuntshi himukata hihleretna yine Hoyakaluya. Xye hiwekkaklewata hiweklu hikeklu hohne mnikawnakatupa Jesus Cristo Wutsrukateya.


Wane htshina Hoyakalu tokanu yonatkaluru: “Hoyakalu hiyakotlu Adão waleni mitshikananu yineru mantshi hiwekatshri rixyawakapa.” Seyni hapkatatatshri Adão waleni hiwejikaluru hiwekkaklewatatshrini.


Cristo tshinanu, hixa ptowrunekwu, judeu-neru hiyrun-koxa judeu mixkanhi, wumukata yanwakletlu Hoyakalu, Hirtshi wtshinreru nwaka, Hoyakalu Hiwejikaluruya satupkalutu.


Xye hiykolu pirana hinatshripa pirana mayawlechani. Seyni hakanhatshri potukni halikaka Cristo.


Klu tshinanu ptowruka Hoyakalu hixannu pso potuko Cristo mane hitokote rawa.


Hixa wiwejinri halikakalutu Cristo-ni. Waneya ruphujewninipa Cristo hix-koxa hiphujewnanu waleyma royaknu yehi.


Hiyáhoni rumukata hiwekkaklepotutna yine, wale yapatshine pejnu Hoyakalu nwaka yatshinepa. Klu tshinanu riwekhohnekanata ranjijexyawakaplu Hoyakalu wanna tshinanupa.


Xye hasruklu hkochtsheka Hoyakalu Hiwejikaluru rekhipotuxyawakapwu Hoyakalupji hiputre hruko hwaka pchinika, hi kyapawaklewalu Hoyakalu hwiywak-potuko hjihlojyawakapna yine.


Wale tshinanu Hoyakalu halixa, Cristo hiwekkakjeru hipuktshiya hiyrunu Cristo hiphujetjeru. Wan-rixa kahwakachalu hiyrunu halixlu Hoyakalu yehi yoptoxikalurupa.


Hiyáhoni wyanwakatanru hatatjewa sotlu hiwejikaluru wapokanwakatanu. Halikaka malukkotumkani yineya seyni Hoyakalu nurrerni wale hiyrunu hijhakalur-potni wale.


Klu tshinanu pa katapka Cristo koxa salewnatka hektuntshi tshinanu. Hiyáhoni kihleru kamhatshri salewnatka hektutu kamhatshri tshinanupa. Wan-rixa Cristo ranijyawakapwu Hoyakalu nwaka. Waneyakni Cristo ruylaxikolu himane tsonu seyni riwejinri hiwekkakhonuklu.


Hektuntshi mwikanwu wtshininiklunwa, wyokwijechaxnawa hiyrunu hi wimwalu halikakalutu.


Katukta hi halixlu Whentshi tshinkaluru hi rawya Wuru Hoyakalu, seyni katukta halixlu Whentshi tshinkaluru, Wuru Hoyakalu koxa rawya.


Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.


Honha, hrahtshiyma hinatshri, waleni Jesus Cristo. Hi honha tshinanu tsonu runatka seyni honha hiyrun-koxa hihraha rimapokatka. Hoyakalu Hiwejikaluru xye pirana hiphujtatatshri, Hiwejikaluru halikakalutni.


Ptowru yineru majnakowatatshri, Cristo hasrukle momkahitkatu hi Hoyakaluymalutni wale. Seyni Cristo hasrukle homkahitatshri Wuru Hoyakaluymalutni hiyrun-koxa Hiwheneymalutni wale.


Hiyrun-koxa Jesus Cristo tshinanuya xye pirana hiphujetatshripa potukalu. Mitshikananu hiwekatshrini wale ptowruneka hipnatshine tskalaya hiyrunu ptowru pohirtshine Tsru Hixikatshriwatni wale. Wuchinikjerni wale, hixa tshinanu cruz rupniyatka ruknokhektunuxyawakapwu hihraha hiyokle tshinanu.


Waneya netlu tenhohne kotpukkaluru. Hetanu! Satu cavalo klatalu hakanhatka. Cavalo tji yapatshri hiwakni Ptowutkolu Halikakalutu. Potuka hchinikanurni, retamayxaklerewatawa yahotkaklu hkamhiywakapa.


Ptowru yineru hiwaka pejnu yonawahlo steno hiweklu hinkakletatshri myonhiwakatkotu, tshitshmero powha hiknokkotka.


Hiyrun-koxa Hoyakalu towreru tenhohne hajeru hekhitno wenu Honha Hiweklu Heneklewatatshri hiwakatletatshri. Xye wenha katajha potuko, garrafa pixka. Hoyakalu hiyrunu Carneiro Whene Tshinkaluru tuplaxyawaka ruchpajyatka wale wenu.


Hoyakalu Hiwejikaluru hiyrunu hnuruwatatshropa wla htshinna: — Puna! Hiyrun-koxa xye pirana jematshri wla tshina: — Puna! Honunnahatewatatshri hinanu. Hiyrunu katuktako haluka yoptoletanru honha hiweklu heneklewatatshri henekachal-ha.


— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Laodiceia poktshi hajene kosekatshri: “Xye pirana runkakhi Amém tshinkaluru, Hoyakalu pirana hiphujetatshri halikak-potu, mweyawakletu, Hoyakalu hiyakotanrukaka yinuwakatshri.


— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Filadélfia poktshi hajene kosekatshri: “Xye pirana runkakhi Hoyakalu, potukal-potuko, halikak-potu, phuru Davi tshinkalurni chave-te himwatshri. Hkotpukka, hike hichyatlu. Ruchyaxini, hike kotpuklu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ