4 Nyiywakapa nwaka himata hiyrun-koxa hyapawakle himata.
Hi he rujhalu Messias tshinkaluru hsalewniywakapa waneya hyoptoxyawakaplu tsru pixkontshi walenuko?
Hitni carneiro jihlokawakleno hiyáhoni katukta hita hiknohanu riwekanu, hjihlokanu, ruchpakanu, rukchikanru hnikleru.
Satu yineru kamrurewyehixinno, romkahitanno. Waneya hanukta nwanu hita wane koxa rawanu nkamrurewyehitjeru. Ptowru yineru hit-yehi kamrurewaxikatshri pejnu Nuru Hoyakalu kihler-pirana htshinanwakatanru.
Jesus himatatkalu ptowru potuko reneklu Ruru Hoyakalu htowuxyawakapa Jesus. Hiyrun-koxa Jesus himatlu Hoyakalu yehi hichpajikatshrini hiyrun-koxa Hoyakalu nwaka yatshripni wale.
Nuru Hoyakalupji hixo hwikowaka hwa. Wane hmixkanumka nunkakanmakhi. Wane nyanu nalpokoxyawakaplu hwiywaka hixa tshinanu.
Hjempiranatatkalu wane ntshinyawakatka mitshi: “Nyanutka seyni nunanutnaka hix-yehi.” Halikaka hitamka halukatka, hpoyikowatanumka klu tshinanu wane ntshina, Hirtshi Hoyakalu nwaka nyanu. Klu tshinanu Nuru Hoyakalu hita yohnika Tsru Hixikatshriwani wale.
Waneya nyinpatka, hixa hwiywakapa nalpokoxyawakapa, nunanutnaka. Hitako hwapanutkahi, hixa hita hwiywaka hwanutka.
Waneya Tomé tshinkaluru wla tshinru: — Tsru Hixikatshriwa, hi wimatlu hanu pyanu hiyáhoni hanhe wumukata himatletlu hatnu hapo?
Nuru Hoyakalu nunya. Xye tshijne hapokatshrino. Waneyapa xye tshijne nuchpajini. Nuru Hoyakalu nwaka nyanu.
Wale tshinanu Whentshi tshinkaluru halixatshri himwalu hiweklu hike rixiniko mnikawnakatu. Seyni Whentshi tshinkaluru malixkatu hi rawyalu riwejinri seyni Hoyakalu hapnokaxyalu hikeklu hohne rasujinri.
Hiyrunu xyekni Nuru Hoyakalu halujyawaka, Whentshi tshinkalurno hetatshine, hita halixatshine pejnu, hiweklu hike rixiniko mnikawnakatu hkayaxyawakapna. Waneya ralipre hohnepatka niwekkakanna hipuktshi yehiya.
