João 14:2 - Bíblia

² Nuru Hoyakalupji hixo hwikowaka hwa. Wane hmixkanumka nunkakanmakhi. Wane nyanu nalpokoxyawakaplu hwiywaka hixa tshinanu.

João 14:2 ပူးပေါင်းရင်းမြစ်များ

Lucas 14:22

— Waneya xekoyaka towrertshi wan-tshinru htowutjeru: “Nutsrukate, ptshinyawaka nixatka seyni rixetawa hwikowaka.”

João 13:33

Nowhenene mtserunhi pchini tsonu nimwanhi. Xekoyaka hijhanumkano seyni judeu-ne ntshinakanaxyawaka pixka koxa ntshinanhi hixa, nyiywakapa nwaka hi himukata yaleta.

João 13:36

Waneya Simão Pedro hepomhalu, wla htshinru: — Tsru Hixikatshriwa hanhe pyanu? Waneya Jesus wla tshinru: — Nyiywakapa nwaka hi pumukata himotsletanno xawakni. Seyni xye pnutpatka pomkahitanno.

João 14:28

Hjempiranatatkalu wane ntshinyawakatka mitshi: “Nyanutka seyni nunanutnaka hix-yehi.” Halikaka hitamka halukatka, hpoyikowatanumka klu tshinanu wane ntshina, Hirtshi Hoyakalu nwaka nyanu. Klu tshinanu Nuru Hoyakalu hita yohnika Tsru Hixikatshriwani wale.

João 16:4

Seyni xyekaka nunkakhi, rakanhinipa xyekaka, hixa hichinikanru xyekaka nunkakakanaxyahi. Hiyrunu Jesus wan-tshina: — Seyni mitshikananu xyekaka hi nunkakatkahi klu tshinanu hix-yehi nwawa.

João 17:24

— Nuru Hoyakalu nanjityi yine penejyano hita nwiywakapa rawyawakapna wanna koxa. Npohirewnale penejyano rexyawakapna. Klu tshinanu xye tshijne hma kamhakonuklunuwa puchinikatkano.

Atos 9:16

Hitako hekhitanru Saulo ptowruka hsalewninripa Hita hiwaka tshinanu.

2 Coríntios 5:1

Klu tshinanu hewi tshiji wwaka pchinika wimankaka himajetshrikaka pixka hixatshrini. Seyni wimatlu xye wimajeru pixkalutu nikatkoklunupa wenekko pantshi Hoyakalu kamhaleru. Hi yinemyo kamhapjitanruni seyni wale hikeklu hohne mnikawnakatupni tenhohne hajerupjini.

1 Tessalonicenses 5:9

Klu tshinanu Hoyakalu hi nuretatkalu rapnokaxyawakapwu seyni winotka wiwekkakko Wutsrukate Jesus Cristo tshinanu halikaka.

Tito 1:2

Hiweklu hikeklu hohne mnikawnakatu kahwajikolu tshinanni. Hoyakalu, mimat-weyawatkatu, hinkakletlu xye hiwejikolu mnikawnakatu pirana xye tshiji muyakotkonuklunuwa papko.

Hebreus 11:10

Klu tshinanu Abraão hichinikanretakananreru poktshi hihlepokotkaluru mimat-nikawnakatu, Hoyakalu kamhaleru poktshi rukchijyawakapa.

Hebreus 13:14

Klu tshinanu hewi xye tshijneya hi wimwalu satu poktshi hwahohnekanatatshripa. Seyni wkahwakanru poktshi hwahohnekanatatshri pnu hichpajikatshri.

Hebreus 6:20

Wane hjihlokatka Jesus wkosekjeru. Hixa tshinanu Tsru Sacerdote rixnawa hike rixiniko mnikawnakatupa, Melquisedeque tshinkaluru hitajikolu pixka.

Hebreus 9:8

Xye hasruklu hkochtsheka Hoyakalu Hiwejikaluru rekhipotuxyawakapwu Hoyakalupji hiputre hruko hwaka pchinika, hi kyapawaklewalu Hoyakalu hwiywak-potuko hjihlojyawakapna yine.

Apocalipse 1:5

Hiyrun-koxa Jesus Cristo tshinanuya xye pirana hiphujetatshripa potukalu. Mitshikananu hiwekatshrini wale ptowruneka hipnatshine tskalaya hiyrunu ptowru pohirtshine Tsru Hixikatshriwatni wale. Wuchinikjerni wale, hixa tshinanu cruz rupniyatka ruknokhektunuxyawakapwu hihraha hiyokle tshinanu.

Apocalipse 21:2

Waneya hita, João-no, hetlu poktshi, Hoyakalu nurreru poktshi, Jerusalém tshinikowaka poktshi herotetkaluru. Hoyakalu yehi, tenhohne hichpajikatshri tshij-hoho hapokatshri. Hihlepokotkaluru hnuruwatatshro pixka hihlepokotkaluro thanurutanrupa tshinanu pixka rixapoktshita.

Apocalipse 3:12

“Hallirewatatshripa, Noyakalutepji stsihi nixkakanru. Hikeklu maleka ruchpakanutka. Wale hoho Noyakalute hiwaka nyonatanu hiyrunu Noyakalute poktshite hiwaka wale hoho nyonatanu. Wale poktshi Jerusalém poktshi herotetkalurupa tenhohne Noyakalut-yehi hichpajikatshripa. Hiyrun-koxa hitako nhiwaka herotu wale hoho nyonatanu.

Apocalipse 3:21

“Hallirewatatshri ntshanixanu rituplatanno npohirewnale tuplawakle, hita hallirewaxinri pixka, Nuru Hoyakalu towuwlu tuplawakle nituplaxyawaklu Nuru Hoyakalu pixka.