João 14:1 - Bíblia

¹ Waneya Jesus wan-tshina: — Hi hwamonuwatanu; hi hkojwakahchinikanutanu. Hmunanhanru Tsru Hixikatshriwa Hoyakalu, Hit-koxa hmunanhanu.

João 14:1 ပူးပေါင်းရင်းမြစ်များ

João 11:33

Waneya Jesus hetlo Maria ttshiyahata, ret-koxna timotsatjene koxa htshiyahakanatna. Hiyáhoni hwamonuwatatka Jesus, htshiyahpiratatka Jesus.

João 12:27

Xawakni nkojwakahchinikanuta. Klu pirana numukata tshinreta? Numukata wla tshinrethe, Nuru Hoyakalu xye salewaktshi pkochpajinno? Hike, klu tshinanu xye papko potuko tshinanu nuna xye tshijneya.

João 12:44

Waneya Jesus tsru tokantshiyma wla htshina: — Hita nalixjeru, hi hita tsonu ralixa seyni wale nyokanatjeru koxa ralixa.

João 13:19

Hiyáhoni nunkakhapkathi rakanhinipa ntshinyawakhi pirana, halixyawakapno hita nixyawaka.

João 16:24

Haté xawakni hike hanjitawano. Hanjirewatanu, hyoptoxyawakaplu himuwle hike mmahaxyawakanupa.

João 16:3

Xyekaka hkamhinhina hixa klu tshinanu hi rimatluna Nuru Hoyakalu, hi hitako rimatna.

João 16:6

Hiyrun-koxa xyekaka nunkajyahi tshinanu, hixa wamonuwhajita tsru potuko.

João 5:23

Wan-rixa ptowru yineru kahwakpiraxyawakno hita, Whentshi tshinkalurno, Nuru hkahwakpiraxyawakna pixka. Yineru hanuruktako, mkahwakpiratkanuklunupno hita Whentshi tshinkalurno, Nuru Hoyakalu nyokanatjeru koxa hi hkahwakpirata.

João 6:40

Hiyrunu xyekni Nuru Hoyakalu halujyawaka, Whentshi tshinkalurno hetatshine, hita halixatshine pejnu, hiweklu hike rixiniko mnikawnakatu hkayaxyawakapna. Waneya ralipre hohnepatka niwekkakanna hipuktshi yehiya.

2 Coríntios 2:7

Seyni xawakni pnuko hixanutka. Hixa hijhalu hamtakahchinikanyehixyawaklu rumtuknu hiyrun-koxa hyoptoxyawaklu kihler-piranayma. Wane hmixkanuklunru hwamonuwle himukata himtukletanru.

Efésios 1:15

Wale tshinan-koxa hixa Wutsrukate Jesus halixyawaka njempiranyehita hiyrun-koxa hixa pimrine potukalune Cristo halixatshine hichinijyawaka pirana njemini,

2 Tessalonicenses 2:2

Ho satu hiwejikaluru tokanu hix-yehi hapojinipa ho satu hinkaklewlu ho satu yonawahlo hix-yehi hapojinipa, Cristo hapojinri hohne hapokatka tshinatshri hi himyekahchinikanutanu, hi hkojwakahchinikanutanu yáholu hixa yonre htshinko.

1 Pedro 1:21

Wale tshinanu Hoyakalu halixa, Cristo hiwekkakjeru hipuktshiya hiyrunu Cristo hiphujetjeru. Wan-rixa kahwakachalu hiyrunu halixlu Hoyakalu yehi yoptoxikalurupa.