João 13:5 - Bíblia

⁵ Waneya wane pnute bacia rutakhatlu honha waneya hyinuwaka herokajixletna, rasruklene hiyrunu cheymanepi hiptshiji hostutatshri hcheyijixixyana.

João 13:5 ပူးပေါင်းရင်းမြစ်များ

Gênesis 18:4

Hitshitanno honhatshi nwapakjixanu waneya hixa ptowrunekhi himukata herokalejixitanu waneya xye hahmuna chehi hmana himukata hapnanunrexya.

Gênesis 19:2

Waneya Ló wan-tshina: — Nutsrukatene, hinamtanu nopjitshi wyanu, wane himjini, herojixitanu waneya yetshikawa yetshpotukawa hyanutka. Seyni wanna wan-tshinru: — Hike seyni tsru poktshi hanikajiteko phujewaka wumjini.

Gênesis 43:24

Waneya suslahakleru hanikatkana jejine José-pji hitokote. Honha rutakyehitna rerokajixixyawakna. Hiyrun-koxa hiprane jumento-ne rohlutatka.

Lucas 7:38

Jesus tjimne tapoka hijixistsi. Ttshiyahakananumta. Tyinuwaka hihakjixletlu toktehaya. Tojiwu chehi tcheyixyalu. Tamlujixitlu. Waneya phamluhalo tuyokjixihohotlu.

Lucas 7:44

Waneya ruprotakyehitlo suxo waneya wla htshinru Simão: — Petlo twu suxo. Njihlokapjityi seyni hi penekno honha nojixi herojikolu. Seyni wala hihaklu nojixi toktehaya hiyrunu tojiwu tcheyitlu.

João 13:10

Waneya Jesus wla tshinru: — Hijixi tsonu herojikalurutka. Wan-hixatshri powratka psoluka. Hixa powralunhi seyni satu hixa tsonu hi powra.

João 13:6

Waneya Pedro-stsi rapoka. Pedro wla tshinru: — Tsru Hixikatshriwa peroka jixitenohe?

João 13:8

Waneya Pedro wla tshinru: — Pixa hikeklu perokajixitanno hita. Waneya Jesus hihitlu, wla htshinru: — Nma merokakanuklunupyi hi psojikna hit-yehi pwini.

João 19:34

Seyni satu soldado wane hwakanatatshri yohlokwansatatlu Jesus harpão-ya. Chinpotukawa hrahtshi hichpaka honhayma.

Atos 22:16

Ha xawakni, kluhe pkahwakjeta? Ppalnanu, p-batiza-tkotka, pmunanhanru Tsru Hixikatshriwa Hoyakalu ruknojyawakaplu pektunu.”

1 Coríntios 6:11

Mitshikananu satkakhi hixa wan-hixjekanatatshinhi. Seyni hixa hektuntshi herojikatka, Hoyakalu yoptolenetkahi, hi jihyehitkalunetkahi Hoyakaluya, Wutsrukate Jesus Cristo tshinanu hiyrun-koxa Hoyakalu Hiwejikaluru tshinanu.

Efésios 5:26

Wan-rixa Cristo, hapatjetatshine Cristo halixatshine hatatjewa Cristo hnunropni, kanipretkalurotkani Hoyakaluya. Cristo herokalo honhaya, htokanuya hpowratlo.

1 Timóteo 5:10

Hiyrun-koxa kihle piranyehiropni. Mturune ttseruwaka tuykohihlenutna hiyrunu kyoptohihlenrewakleropni ho Cristo halixatshine Hoyakalu homkahitatshine jixi terokajexini ho salewnatshine tepixini ho ptowru kamrurtshi kihleru hepixlewatatshri tomkahpotuxini, tuslahko Cristo halixatshine hapatjetatshineya.

Hebreus 10:22

Xye tshinanu wkayehikanru Hoyakalu potuka hchinikanurunepwu, halixpotutatshinepwu, wajkaka hitslaptahjexikowakatka ptowru hektutu chinikantshiya hiyrun-koxa herkamanetkalune pixkalunepwu powrahalu katkalunepwu.

1 João 1:7

Katawaka wyaniniklunu wale pixka, hixa hatajnutatshinepwu pa hchinikanurukakatshinepwu hiyrunu Hituru Jesus hraha powratjetwu ptowru hektuntshi tshinanu.

1 João 5:6

Honha, hrahtshiyma hinatshri, waleni Jesus Cristo. Hi honha tshinanu tsonu runatka seyni honha hiyrun-koxa hihraha rimapokatka. Hoyakalu Hiwejikaluru xye pirana hiphujtatatshri, Hiwejikaluru halikakalutni.

Apocalipse 1:5

Hiyrun-koxa Jesus Cristo tshinanuya xye pirana hiphujetatshripa potukalu. Mitshikananu hiwekatshrini wale ptowruneka hipnatshine tskalaya hiyrunu ptowru pohirtshine Tsru Hixikatshriwatni wale. Wuchinikjerni wale, hixa tshinanu cruz rupniyatka ruknokhektunuxyawakapwu hihraha hiyokle tshinanu.

Apocalipse 7:14

Waneya wla ntshinru: — Hi nimata seyni pixa himatlu. Waneya wale wla tshinno: — Nyi yine tsru salewaktshi potuko hichpajikatshinni. Carneiro Whene tshinkaluru hraha heromkatna himkalna hopowalu rerojikatkana klata rixyawakapa himkalna.