João 13:34 - Bíblia

³⁴ Nowhenene mtserunhi herotu towrexikolu nunkakanhi. Waleni hamotkajyawaka. Namotjekanaxyawakatkahi pixka, waneko pixka hix-koxa hamotkajyawaka.

João 13:34 ပူးပေါင်းရင်းမြစ်များ

Mateus 5:44

Seyni hita wan-tshinyi: Hichinikanna hkamnitjene. Hanjihohneyehitanna hsaletjene.

João 15:17

Xyekaka pirana ntowuthi, Hichinikkakanu.

João 17:21

Nanjityi pa hchinikanurune rixyawakapna, hixa pixka Nuru Hoyakalu pa hchinikanurunwu pixa hitayma hiyrunu pa hchinikanurunwu hita pixayma. Nanjityi pa hchinikanurune pixkakanna hixayma, xye tshijne hajene halixyawakaplu pyokanatanruno nixyawaka.

Romanos 12:10

Hamotkakanu hixkakluko, moletkakatshine pixka. Hkahwakpiratanru hixa satkakhi.

Romanos 13:10

Klu tshinanu katukta hamotanru rimwastsitanru hi psojikna himtukanru. Hiyáhoni pimwastsitanru pamoxyawaka poyahokaklu Moisés yonreru pirana psoluka.

Romanos 13:8

Hike yineru h-deve-tanu tiyiroya seyni deve-tatshinephi hamotkakleya. Katukta hamotlu rimwastsireru romkahitlu Moisés yonreru pirana psoluka.

Gálatas 5:22

Seyni Hoyakalu Hiwejikaluru kamrurni hixkakluko hamotkajyawaka, wumuwaxyawaka, hwachalu, ptowru potuko wakoxyawaka, kchinikanurune wixyawaka, pimrine wuchinikanrexyawaka, walixyawaklu,

Gálatas 5:6

Klu tshinanu Jesus Cristo hetanu hi jiprojhikatshrikwa himukatlu, hi mjiprojhikatukwa yineru himukatlu. Seyni halixlu hichiniklewluyma halikaka himukatatshri potukni.

Gálatas 6:10

Hiyáhoni ptowru katako kihleru wixinwa ptowru neruko tshinanupa. Halikak-potu wane wixanna halixlu tshinanu wmoletanune.

Gálatas 6:2

Hepixkakanu salewnaluya. Wan-hixinipa Cristo yokanre psoluka kamhatshinetkahi.

Efésios 5:2

Xye chinikantshi ptowru wiwejinri htowuta. Hichinikanuwyehkakanu. Hixa hichinikanuwkakleyehixyawaka pixka rixa Cristo, renejyanawa rupniywaka hixa tshinanu renekachaxnatkawa henekachaluru rixnatkawa hatewa phamluhalo phamluro pixka potuko hixatshritkani Hoyakalu hetanuya hiyrun-koxa henekachaluru hiylatkaluru Hoyakalu hikchikhihlenutanru potuko.

Colossenses 1:4

Klu tshinanu wjempiranyehitlu hixa halixle pirana Jesus Cristo-ya. Hiyrun-koxa wjempiranyehitlu ptowruneka Hoyakalu hayinetene hichinikjexyawaka pirana.

1 Tessalonicenses 3:12

Wanjitkoxlu Tsru Hixikatshriwa Hoyakalu htseruwnakajyawakhi hichiniklewlu piranaya. Hixkakluko hichinikkajinripa hiyrun-koxa pimrine ptowruneka hichinikpotuxinripa. Hixa wuchinijyawakhi pixka hixanna pimrine.

2 Tessalonicenses 1:3

Cristo tshinanu wmoletanune, ptowru hohnekananuko waluka poyahnutletlu Hoyakalu hixa tshinanu! Kihleru wane wixyawaka hixa halixle tshinanu, hiyrunu htseruwna halixlekananumxyawaka tshinanu hiyrun-koxa hixa ptowruneka hichinikakjexyawaka pnute hya tseruwlekananumxyawaka tshinanu.

Hebreus 13:1

Hi hituk-hichiniklekakanu seyni Cristo moletanune pixka hixa hichiniklekakanu.

Tiago 2:8

Hkamhiniplu towutlu Hoyakalu pohirewaxyawaka towre waneya kihleru Hoyakalu halujyawaka homkahjeta. Klu tshinanu Hoyakalu tokanu yonatkaluru wla htshina: “Puchinikanru pimwastsireru pix-nanuko pixka.”

1 Pedro 1:22

Hiyáhoni xawakni halikaka tokanu homkahlu tshinanu Hoyakalu Hiwejikaluru hepixle tshinanu hpowratahchinikanuxnawa hpoyaho hichinikanretletna hmoletanune Cristo tshinanu ptowru hamotluya. Hiyáhoni hichinikkakanu. Hi hixachatatshinephi seyni hihchinikanu psolukayma hichinikkakanu.

2 Pedro 1:7

Hoyakalu potuko homkahle haptowrutanru Cristo tshinanu moletkakatshine hichinijikolu. Cristo tshinanu moletkakatshine hichinijikolu haptowrutanru hamotlewlu.

1 João 3:11

Klu tshinanu xyekni mitshikawluru tokantshi hyijnakotanru, wamotkajyawaka.

1 João 3:23

Hiyrunu xyekatkani tokantshi hyokanrer-pirana; hiwhene, Jesus Cristo hiwaka walixyawaka hiyrunu wmoletanune Cristo tshinanu wamotkajyawaka, htshin-towutlexyawakwu pixka wixanu.

1 João 4:21

Hixa rawyawu xye Hoyakalu towuxyawu: Hoyakalu hamotatshri tshinikatshriwa, Cristo tshinanu hmoletanru ramotanu.

2 João 1:5

Hiyáhoni xawakni Tsro pixkaluto, nanjityi. Himka herotu yokanruru nyonanwakatyi seyni mitshikawluru hyinuwaklekananuko yokanruru, wjemleru tokanuko nyonanwakatyi. Waleni wuchinikkajyawaka.