32 Hiyáhoni Hoyakalu hoyaknu hiphujexika wale tshinanu. Xawakni Hoyakalu tshinan-koxa ruphujexika wale hoyaknu. Chinpotukawa ruphujexikolupa royaknu.
Waneya Jesus wla tshinna: — Rapokpapkolutatka Jeji Whene tshinkaluru royaknu ruphujexikolupa.
Xyekaka pirana htshinatka Jesus. Tenhohne hyihata waneya wla htshina: — Hoyakalu, Nuru rapokpapkolutatka. Piwhene puphujetanu, ruphujexyawakapyi pix-koxa.
Jesus Cristo tenhohne yatshritka. Hoyakalu potukle sreta htuplata. Wane rutakka hiwejikalune Hoyakalu towrene tenhohne hajene htowuxyawaka, tsru towutatshine tenhohne hajene hiyrunu tenhohne himukatle koxa htowutatka.
Hiyrun-koxa Hoyakalu towreru tenhohne hajeru hekhitno wenu Honha Hiweklu Heneklewatatshri hiwakatletatshri. Xye wenha katajha potuko, garrafa pixka. Hoyakalu hiyrunu Carneiro Whene Tshinkaluru tuplaxyawaka ruchpajyatka wale wenu.
Hitni mitshikananu hwatshrino hiyrunu hmahle potuko hwatshrino. Yinuwakatshrino hiyrunu hmahaxyawak-potuko hwatshrino, mitshikananu hwatshrino hiyrunu hmahle hwatshrino.
Wale poktshi hi rawanu Hoyakalu himtukleru. Wale poktshi rawanu Hoyakalu hiyrunu Carneiro Whene pohirewle tuplawakle. Hiyrun-koxa Hoyakalu towrene himalwutanru.
“Hallirewatatshri ntshanixanu rituplatanno npohirewnale tuplawakle, hita hallirewaxinri pixka, Nuru Hoyakalu towuwlu tuplawakle nituplaxyawaklu Nuru Hoyakalu pixka.