João 13:3 - Bíblia

³ Jesus himatatkalu ptowru potuko reneklu Ruru Hoyakalu htowuxyawakapa Jesus. Hiyrun-koxa Jesus himatlu Hoyakalu yehi hichpajikatshrini hiyrun-koxa Hoyakalu nwaka yatshripni wale.

João 13:3 ပူးပေါင်းရင်းမြစ်များ

Mateus 11:27

— Nuru, ptowru potuko renekno. Hike himathetlu Whentshi seyni Hirtshipka himathetlu. Hike himathetlu Hirtshi seyni Whentshipka himathetlu hiyrun-koxa katukta raluk-himatyehkakletlu Hirtshi.

Mateus 28:18

Waneya Jesus hapyehitna rasruklene waneya wane htshinna: — Hita henekka psol-potuko tsru hitakkaluru tenhohneya tshij-koxa.

Lucas 10:22

— Nuru, ptowru potuko renekno. Hike himathetlu Whentshi seyni Hirtshipka himathetlu. Hike himathetlu Hirtshi seyni Whentshipka himathetlu hiyrun-koxa katukta raluk-himatyehkakletlu Hirtshi.

João 1:18

Hi satukna yineru hikeklu hetjejetlu Hoyakalu. Halikaka Hoyakalu whene satupkalutu, ruru Hoyakalusko potuko hwatshriko, walekni hiphujtatlu Hoyakalu.

João 13:1

Tsru niklu hohne Páscoa tshinkaluru hohne wkatanu Jesus himatatka rapokatka hipapkolutka xye tshijne ruchpajyawakapa, Ruru Hoyakalu nwaka hyiywakapa. Ruchinikatkana yine walenune xye tshijne hwatshine. Ruchinikhohnekanatna rupninri hohne potuko.

João 17:2

Peneklu towuwlu ptowru yineru htowuxyawaka, hiweklu hike rixiniko mnikawnakatuko renejyawakapna yine ptowruneka penejyatkalu.

João 3:13

Hi satukna yineru tenhohne hatskoxya, seyni Jeji Whene tshinkaluru tenhohne serpijikatshri tsonupka wane ratskoxya.

João 3:35

Hoyakalu Hirtshi hamotlu Whentshi tshinkaluru. Hiyrun-koxa wale towre rutajyalu ptowru potukananuka.

João 7:29

Seyni hita himathetlu, klu tshinanu wale yehi nuchpajya hiyrunu waleko yokanatno.

João 7:33

Waneya Jesus wla tshinna: — Pchini tsonu nimwanhi waneya wane pnutepa nyokanatjeru nwaka nyanu.

João 8:14

Waneya Jesus hihitatkana, wla htshina: —Yáholu hita nanwaka hiphujtaxnawa wanepnawaka halikaka piranni ntshinyawaka. Klu tshinanu nimatlu nuchpajyawaka sreta hiyrun-koxa nimatlu nyiywakapa sreta hanu nyanu. Seyni hixa hi himatlu nuchpajyawaka sreta hiyrun-koxa nyiywakapa sreta hi himata.

João 8:42

Jesus wla tshinna: — Hoyakalu hirutkamka, hixamka halukanno hita. Klu tshinanu Hoyakalusko hichpajikatshrino hita hiyrunu hewitkano. Hiyrun-koxa hi nyokanaxnawa seyni Nuru yokanatno.

Atos 2:36

Wale tshinanu rimatankoxluna ptowruneka israel-nerune waleko Jesus cruz rutaklerna, Hoyakalu halikaka hitakatkalu, Tsru Hixikatshriwa hiyrun-koxa Messias rixyawaka.

1 Coríntios 15:27

Klu tshinanu Hoyakalu tokanu yonatkaluru wan-tshina: “Hoyakalu ptowru potuko hijixi hpuko rutakanru.” Seyni wimatjemyawaklu wla htshinini ptowru potuko htshinini, hi Hoyakalu kojeru hkochtsheka. Ptowru potuko Cristo reneka Hoyakalu htowuxyawakaplu.

Hebreus 1:2

Seyni xawakni xye hohnekakatka riynumsatwu Hiwhene tshinanuya. Hiyrun-koxa Hiwhene himukatle tshinanu tshiji hiyrunu tenhohne hajerkaka hkamha Hoyakalu. Hiwhene honukla rutaka ptowru potuka ruru himwaleru yoptotatshripa rixyawaka.