João 13:18 - Bíblia

¹⁸ Seyni hi hixa ptowruneka nkochtsheka wane ntshinini. Klu tshinanu nimatna nnurrene hanu hixatshinetkani. Hoyakalu tokanu yonatkaluru tshinyawaka hpoyahokajyawakapa tshinanni. Wla htshina yonatkaluru: “Hitayma nijittshi nikatshri pnut-hohne hkamnitanno.”

João 13:18 ပူးပေါင်းရင်းမြစ်များ

Mateus 10:36

Hiyáhoni jeji kamnipotutjenepa walepji hajeneko.

Mateus 26:21

Hnikka pchinikna Jesus wla tshina: — Halikaka ntshinhi, satu hewi hwatshri nkamnitjerupa.

Mateus 26:23

Jesus hihitna: — Nkamnitjerukni hitayma pão yotshmota prato-ya.

Marcos 14:17

Waneya rutshpojinixka Jesus rasrukleneyma hapokatka.

Marcos 14:18

Hnikka pchinikna mesa yehi, Jesus wla tshina: — Halikaka ntshinhi, satu hewi hwatshri niminkaleru nkamnitjerupa.

Marcos 14:20

Waneya Jesus hihitatka, wla htshina: — Nkamnitjerukni satu hixa doze-hi hitayma pão yotshmota prato-ya.

Lucas 22:21

Seyni hetanu! Hewitkalu nkamnitjerupa! Hitayma hewi nikjexikowaka rawa.

João 13:21

Waneya Jesus hali wan-tshinretatka hkojwakahchinikanuxnawa waneya ruphujetpotutlu wla htshina: — Halikakni, halikakni wane ntshinhi, satu hixa nkamnitjene hekhitanno.

João 13:22

Waneya rasruklene yopukhakaka, hi rimatahchinikanutna katu pirana hkochtsheka.

João 13:26

Waneya Jesus wla tshinru: — Walepakni hijpa pão yotshmoluru psoji nenekanu. Waneya pão psoji hyotshmota. Waneya Simão whene, Judas Iscariotes tshinkaluru reneklu.

João 15:16

Hixa hi nuretno hita seyni hitako nuretatkahi hixa hiyrunu nenek-kamrurethi hyiywakapa, Hoyakalu halukanru hkamhiywaka, rawhohnekanaxyawakapa hkamrure. Waneyakni kluneruktako hanjixinri Nuru Hoyakalu, hita nhiwaka tshinanu hanjixinri, renekanhi.

João 15:19

Xye tshijne hajeneymalune hixkamka waneyamka hamotko hixa wannanu pixka. Seyni xye tshijne hajeneymalune hma mixyawakanu tshinanni, hiyrunu nurethi xye tshijne hajene hmixyawakanu tshinanu, xye tshijne hajene hahnanuthi.

João 15:25

Seyni xye hakanhatka hpoyahokajyawakapa tokantshi yonatkaluru wanna yonre hwatshri, wla tshinatshri: “Rahkanona hike mixkatukno.”

João 17:12

Wannayma nwakanaxini xye tshijneya pixa hiwaka himukatleyma nihnanutatkana. Yine penejyano nihnanutatka hi satukna hamha seyni hamhatshri tsonupni tshitshmero yatshripa tsonu. Wan-rixatka hpoyahokajyawakaplu Hoyakalu tokanu yonatkaluru tshinyawaka.

João 18:32

Wan-rixluna Jesus hpoyahokajyawakapa htshinyawaka rixa hipnalexyawakapa salewaktshiyma.

João 19:24

Waneya wannakakluko wla tshina: — Hi wsuskakanru seyni hiknokkaluru wuknokanu wimaxyawakapa katu kayatanru Jesus-ni mkalu. Wan-rixa hpoyahokajyawakaplu Hoyakalu tokanu mitshikawluru yonatkaluru tshinyawaka, wla tshinatshri: “Nomkalu hkanipretna wannakakluko, hiknoklu rikamhaluna rimaxyawakapna katu kayatanru nomkalu.” Hiyáhoni wan-rixatkana soldado-ne.

João 19:36

Xyekaka wan-hixatka Hoyakalu tokanu yonatkaluru tshinyawaka himukata poyahokaklexyawakapa. Wane htshina: “Hi satukna hihapu hiknahko.”

João 21:17

Waneya map-kata rixinri wla htshinru: — Simão, Jonas whene, puchiniknohe hita? Seyni Pedro wamonuwata klu tshinanu map-kata wla htshinru: “Puchiniknohe?” Hiyáhoni wla htshinru: — Nutsrukate ptowru potuko pimata, pimatlu nuchinikyi. Waneya Jesus wla tshinru: — Pohlutanna noprane carneiro-ne pixkalune.

João 6:70

Waneya Jesus wla tshinna: — Hi he hitakni nurethi hixa doze-runhi seyni satu hixaymalutu kamtshi pixkalutni?

Atos 1:16

— Jejine nomolene, hpoyahokakatkalu Hoyakalu tokanu yonatkaluru Hoyakalu Hiwejikaluru Davi-ni nama hinkakletakanatatkalu Judas tshinkaluru pirana walekni hanikna Jesus kachitjenepa.

Atos 1:2

haté tenhohne ranikkoklunutka papko pirana potuko. Waneya Jesus tenhohne hma yaknuklunuwa ruykotna jejine, hnurrene, Hoyakalu Hiwejikaluru mixkonuyma waneya tenhohne ranikkatka Jesus.

2 Coríntios 4:5

Klu tshinanu wunkakle pirana hi hixako wipiranni; wunkakle Jesus Cristo Tsru Hixikatshriwa piranni hiyrunu hixa towrertshinwu Jesus tshinanu wunkaklewjeta.

Hebreus 4:13

Hiketkani pa hixanu yohimatkaluru Hoyakalu hetanu. Ptowru potuko hiyakotkaluru hiphujetkaluru, muchyatkotni Hoyakalu yhaleya. Hoyakalu yehi wuphujexinwa hix-yinwu ptowruneka.

Apocalipse 2:23

Wala whenene nuylatanu. Hiyáhoni ptowruka Cristo halixatshine hapatjexikowakkaka hajene himatanu hitakni yineru hchinikanu hiyrunu yineru haji hetjetatshrino. Hiyrunu hixa satkaka wenutko hkamrure wenru pso.