João 13:1 - Bíblia

¹ Tsru niklu hohne Páscoa tshinkaluru hohne wkatanu Jesus himatatka rapokatka hipapkolutka xye tshijne ruchpajyawakapa, Ruru Hoyakalu nwaka hyiywakapa. Ruchinikatkana yine walenune xye tshijne hwatshine. Ruchinikhohnekanatna rupninri hohne potuko.

João 13:1 ပူးပေါင်းရင်းမြစ်များ

Mateus 26:45

Waneya Jesus satokanwakatatnakna rasruklene, wla htshinna: — Himkawhe, hapnanutawhe? Hetanu, rapokpapkolutatka. Jeji Whene tshinkaluru hektuwaka kamhatshinemyo rutakkatka.

Mateus 28:20

Hasrukanna kajnako rixyawakapna wale pirana psoluka ntowuthi hinkaklexyawaka. Hiyrun-koxa hixayma nwanu psol-hohneko hikeklu hohne mnikawnakatupa.

Lucas 22:53

Hixayma nwakanata ptowru hohneruka. Hoyakalupji nasrukjekanaxyahi. Seyni hi hkachitno. Seyni xawakni hipapkolutkani Hoyakalu hitshixyawaklu hixa tshinanu. Xawakni pixkontshi mapchahawaka hwatshri papkolni.

Lucas 9:51

Waneya wla rixa. Rapokpapkolupiraxinixka tenhohne hyiywakapa, Jesus hichinikanretlu Jerusalém poktshi hyiywakapa.

João 11:55

Waneya hi hix-hohne mahatatka Páscoa hohne tshinkaluru rexyawakapna judeu-ne. Hiyáhoni hixolune yine wale tshijne ruchpajyatkana Jerusalém poktshi hkanjiywakapna, runkajikowakpatkana powralune rixyawakatkana Páscoa hohne wkatanu.

João 12:23

Waneya Jesus wla tshinna: — Rapokpapkolutatka Jeji Whene tshinkaluru royaknu ruphujexikolupa.

João 13:29

Klu tshinanu satkaka wanna kahwaklu Jesus hanjikjixlu pa hixanu hmahaxinrina tsru niklu tshinanupa ho tiyiro renekakjixlu hike mwikane, klu tshinanu Judas tshinkaluru honukla hinotjekanatlo tiyiro mapa yehi.

João 13:3

Jesus himatatkalu ptowru potuko reneklu Ruru Hoyakalu htowuxyawakapa Jesus. Hiyrun-koxa Jesus himatlu Hoyakalu yehi hichpajikatshrini hiyrun-koxa Hoyakalu nwaka yatshripni wale.

João 13:34

Nowhenene mtserunhi herotu towrexikolu nunkakanhi. Waleni hamotkajyawaka. Namotjekanaxyawakatkahi pixka, waneko pixka hix-koxa hamotkajyawaka.

João 14:28

Hjempiranatatkalu wane ntshinyawakatka mitshi: “Nyanutka seyni nunanutnaka hix-yehi.” Halikaka hitamka halukatka, hpoyikowatanumka klu tshinanu wane ntshina, Hirtshi Hoyakalu nwaka nyanu. Klu tshinanu Nuru Hoyakalu hita yohnika Tsru Hixikatshriwani wale.

João 14:31

Seyni xye nkamha xye tshijne hajene himaxyawakaplu Nuru Hoyakalu nuchinijyawaka pirana hiyrunu xye nkamha htowuxyawakno pixka. Hajewa hpalnanu, hewi wuchpajinitka.

João 16:28

Nuru Hoyakalu nunya. Xye tshijne hapokatshrino. Waneyapa xye tshijne nuchpajini. Nuru Hoyakalu nwaka nyanu.

João 17:1

Xyekaka pirana htshinatka Jesus. Tenhohne hyihata waneya wla htshina: — Hoyakalu, Nuru rapokpapkolutatka. Piwhene puphujetanu, ruphujexyawakapyi pix-koxa.

João 17:16

Wanna hi xye tshijne hajenetkani, hita xye tshijne hajeru nmixyawakanutka pixka.

João 17:26

Pixa nimatkakatkana wanna hiyrunu pix-pirana nunkakjetawana. Hichiniklewlu puchinijyawakno pso, wannayma rawyawakapa hiyrunu hita wannayma nwiywakapa.

João 17:5

Hiyáhoni xawakni Nuru Hoyakalu, pix-potuko puphujetanno. Xye tshijne myinuwakkanuklunuwa pixayma nwajekanaxini hoyaknutshi netleru penekanno.

João 18:4

Ptowruka riknohjerupa rimatahnapuxyawaka tshinanu, Jesus yanwakhapkatna waneya repomhatkana: — Kathe hijha?

João 19:28

Wane pnute, rimaxinixka Jesus ptowruka rali kamhalexinixka hiyrun-koxa hpoyahokajyawakaplu Hoyakalu tokanu mitshikawluru yonatkaluru, Jesus wla tshina: — Honunnahno.

João 2:13

Páscoa hohne judeu kahwakpirreru hohne wkatanuko, Jesus Jerusalém poktshi nwaka hya.

João 6:4

Páscoa hohne (waleni ruchinikanretluna Egito tshijne ruchpajinrina papko), tsru himretkaluru hohne, judeu-ne hasruha himretletanru hohne hi howukatka.

João 7:30

Waneya wannamka haluka kachretlu. Seyni hi satukna yineru yahot-kachretlu klu tshinanu Jesus papkolu hi hapokawa.

João 7:6

Waneya Jesus hihitna, wla htshina: — Nopapkolu hi hapokawa. Seyni hixa ptowru papkoko himukatatka.

João 8:20

Xyekaka tokantshi htshinatka Jesus, tiyiro hapatjexikowaka hruko Hoyakalupji hwatshri hruko, rasruklewakanaxini Jesus. Hiyrunu hi satukna yineru yahot-kachretlu klu tshinanu Jesus papkolu hi hapokawa.

Romanos 8:37

Seyni xyekaka yohnik-hiknohatshinwu wamotjeru tshinanu.

1 Coríntios 1:8

Hoyakalu poyehitahchinikanutanhi haté hihohne nikawninri papko, hi psojikna hjihyehitko Hoyakaluya Wutsrukate Jesus Cristo hohne hapojinipa.

Hebreus 3:14

Klu tshinanu hix-koxa Cristo-ymalunwu wpaklu homkahrepotuxinri walixle, wehalixle pixka.

Hebreus 3:6

Seyni Cristo-ni ptowutkolu whentshi pixka rixa hislahlexyaplu ptowruka Hoyakalupji hajeru. Hiyrunu hixa yinwu walepji pixka hixatshinwu, wma muhroka halixlexyawakanupa seyni wpaklu halixlexiniplu tsru poyikowlu mnikawnakatupa.

Hebreus 6:11

Hiyrunu walukpotutlu hixa ptowrunekhi wane pixkalutu potuko hi hituk-kamhaljetanu seyni ptowru Hoyakalu kahwajikolu yoptotatshinephi hmahle potuko.

1 Pedro 1:13

Hiyáhoni xawakni hihchinikanu halpokotanu. Hiyokahchinikanutatshinephi. Hoyakalu hihlenu kahwakatshinephi haté nikawnahohnexinipa. Xye henekko Jesus hiphujewnini hohnepa.

1 João 4:19

Wamotlu Hoyakalu klu tshinanu wale hapka hamotatkawu hixa.

Apocalipse 1:5

Hiyrun-koxa Jesus Cristo tshinanuya xye pirana hiphujetatshripa potukalu. Mitshikananu hiwekatshrini wale ptowruneka hipnatshine tskalaya hiyrunu ptowru pohirtshine Tsru Hixikatshriwatni wale. Wuchinikjerni wale, hixa tshinanu cruz rupniyatka ruknokhektunuxyawakapwu hihraha hiyokle tshinanu.