João 12:34 - Bíblia

³⁴ Waneya yine wla tshinru: — Hixa jemlu Hoyakalu tokanu yonatkaluru, Cristo tshinkaluru hima hwahohnekanatanu. Hiyáhoni hanhe pukchijyalu wane ptshinyawaka, Jeji Whene tshinkaluru hijhalu teno rutajikowakapa? Hanurnihe Jeji Whene ptshinreru?

João 12:34 ပူးပေါင်းရင်းမြစ်များ

Mateus 16:13

Waneya Cesareia de Filipe poktshistsi rapojinixka Jesus, rasruklene repomha: — Kathe rikahwakluna yine Jeji Whene tshinkaluru?

Mateus 21:10

Waneya Jerusalém poktshi hjihlojinixka Jesus, ptowru yine wane hajene kaheknanuwata, repomsakakna: — Katnihe xye jeji?

Mateus 8:20

Waneya Jesus wla tshinru jeji: — Kaweretshine kapna rawjetna. Kochitshin-koxa tenhohne yapatshine waneyna rawyawakna. Seyni Jeji Whene tshinkaluru tsonu hi jimkawakleru, hi rawya rapnanuwakle.

João 10:34

Jesus hihitna, wla tshinna: — Yonatkaluru homkahjereru pirana, wla htshin-yonhata, “Hita wane ntshinhi, Hixni hoyakalunhi.”

João 12:32

Hita teno nutajikolupa, xye tshijiya, ptowru yineru nkosekanu hita nwaka rapojyawakapna.

João 15:25

Seyni xye hakanhatka hpoyahokajyawakapa tokantshi yonatkaluru wanna yonre hwatshri, wla tshinatshri: “Rahkanona hike mixkatukno.”

João 8:28

Waneya Jesus wla tshinna: — Hixa teno hitajinpatkalu Jeji Whene tshinkaluru, waneya halikaka himatanu waleno, hita. Hiyrun-koxa himatanu hike nkamha hitako nohchinikanu halukanru. Seyni Nuru Hoyakalu hasrujyano pirana tsonu nyanumaxya.

Romanos 3:19

Seyni wimata Moisés yonreru tshinyawaka wan-tshinanwakatna Moisés yonreru pirana homkahitatshine. Wan-rixa klu tshinanu hike yineru himukata powratlexinwa seyni ptowru tshijne hajeneko hikolukanuwnatka Hoyakalu hetanuya.

Romanos 5:18

Adão-ni majnákonu tshinanu ptowru yineru hipuktshiyma hapnokatka hiyáhoni satu kamrurepkani kihleru Cristo potukatatkalu ptowru yineru Hoyakaluya. Walekni hiwekkaklu ptowru neruka.

Hebreus 7:24

Seyni Jesus hiweka hike rixiniko mnikawnakatupa. Hiyáhoni sacerdote rixyawaka hi himat-nikawna satuko kachrihyawakaplu hkamrure.