João 11:52 - Bíblia

⁵² Hiyrunu hi wale tshijne tsonu tshinanu rupnapini seyni rapatjexyawakapna Hoyakalu whenene ptowru tshijne hipalaxikatshine pa nerunepka rixyawakapna.

João 11:52 ပူးပေါင်းရင်းမြစ်များ

Gênesis 49:10

Phuru hi hmahatanu Judá klopichaya hiyrun-koxa hi hmahatanu towutatshri hiklopichaneya hma mapokkanu pchinika Towutatshri Potuko. Waneklu ptowru yineru kajnakolunepa wale yehiya.

Lucas 15:8

— Suxo dez proji prata kamhikolu himwatshro, pa projipka tamhini, hi he tujhanru? Tumukata hikchiklexyawakaplo lamparina tnikotanu, pantshi t-satolotanu, tujhapotutanro haté tukchikanro.

Lucas 2:32

Katalu pixa patnu hapote hnikotyehixyawakapna judeu mixkane ptowruneka tshinanu, hiyrun-koxa payinetene israel-nerune tshinan-koxa hpohijetkona wanna.

João 1:12

Seyni ptowruneko, ralixjene pejnu rutakna Hoyakalu whenene rixyawakapna, ralix-hiwakatjene pejnu tshinanu wan-rixa.

João 1:29

Waneya wale prika João hetlu Jesus. Runamta Jesus João nwaka. Waneya João wan-tshina: — Hetanu hixa, xyekni Hoyakalu carneiro-te. Xyekni xye tshijne hektunu konatshripa.

João 10:16

Pimrine pratshine carneiro-ne pixkalune nwiya hi xye carneiro himjiywaka hruko hajenni wanna. Wanna koxa nujha hwapleta. Ntokanu hjemanna. Pa xkehipkapna hiyrun-koxa carneiro-ne suslahakleru satupkaplu.

João 12:32

Hita teno nutajikolupa, xye tshijiya, ptowru yineru nkosekanu hita nwaka rapojyawakapna.

Atos 18:10

Pixaymano. Hike yotnekanyi klu tshinanu hixo nonerune xye poktshi hwa.

Romanos 3:29

Hkahwakhe judeu Hoyakalute tsonni, hi he judeu mixkane Hoyakalut-koxni wale? Hehe, halikakni, judeu mixkane Hoyakalut-koxni wale.

Romanos 4:17

Wane htshina yonatkaluru: “Wane nixkakatkayi Abraão-ni rurutyina hixo nerkaka hirutanru.” Hoyakalu hinkaklexyalu hakanhanu klu tshinanu Hoyakalu honra hinkakletlu. Xyekni Hoyakalu Abraão-ni munanhaleru. Hoyakalu walekni hipnatshri hiwekkakatshri hiyrunu htokanu tsonu tshinanu ptowruka mwakatuwa hakanhakakatshri.

Efésios 1:5

Xye tshiji hiyakotkoklunu pnutekananuko Hoyakalu nurehchinikanuxnawa wale hiturune rixkajyawakapwu Jesus Cristo-ya, walenuko wixyawakapa. Wan-rixa klu tshinanu Hoyakalu haluklu wan-rixahchinikanuxyawaka.

Efésios 3:11

Ruchinikanrexyawak-potuko rixa kamhaletlu Hoyakalu honra mitshikawako raluka kamhalexyawaka hnikata kamhaletlu rixa hichinikanretlexyawaka rixa yokanretlu Wutsrukate Jesus Cristo-ya.

Tiago 1:1

Hita Tiago-no, Hoyakalu hiyrunu Tsru Hixikatshriwa Jesus Cristo towrerno. Nalikna Hoyakalunerune doze xkehkaka ptowru tshijne sreta hipalatatshine.

1 Pedro 1:1

Hita Pedro-no Jesus Cristo nurrerno. Twu yonawahlo judeu-ne mwachatkane tshinanupa. Ponto tshijne yatshine tshinanu, Galácia tshijne yatshine tshinanu, Capadócia tshijne yatshine tshinanu, Ásia tshinikowaka yatshine tshinanu, Bitínia tshinikowaka yatshine tshinanu.

1 João 2:2

Jesus Cristo tshinanukni wektunu hiknokka, hi hixa wektunu tsonu tshinanu seyni psol-tshijne hajenenni hektunu tshinan-koxa.

1 João 3:1

Hetanu, hi pso hamotlukananu rixwu Wuru Hoyakalu, Hoyakalu whenene wtshinikowaka. Halikaka Hoyakalu whenetkawu. Hiyahokni xye tshijne hajene hi himathetwu klu tshinanu hi rimathetatkaluna Wuru Hoyakalu.

1 João 3:10

Wane wixa himathetletanna Hoyakalu whenene, kamtshi whenen-koxa: Ptowru yineru potuknutshi mkamhakatu, ho Cristo tshinanu hmoletanru hma muchinikkanuklunru katuktako, wale hi Hoyakalu matkaklerni wale.

1 João 3:2

Nuchinikanune, xawakni halikakni Hoyakalu whenenetkawu. Wanepnawaka hi wimatjemkakatka hanu potu hixatshinektapwu. Seyni wimata, ruphujewniniklunupa Cristo wale pixka potuko wixanu, klu tshinanu wetpotutanru rixyawak-potuko.

Apocalipse 5:9

Waneya herotu chikale hchikaletna. Wla htshina chikaletna: — Pixa tsonu himukatatshriyi pixa yonawahlo steno pyoptoxyawaka hiyrunu sete hosture pjimlajyawakapa, pkotpujyawakaplo. Klu tshinanu hiylatkaluryi, pihraha hiyokkaluruyma panjitna yine Hoyakalu tshinanupa, ptowru neruko tshinanu, ptowru nru tshinanuko, ptowru yineru kakojeru tshinanu, ptowru tshijne hajene tshinan-koxa.