João 11:4 - Bíblia

⁴ Seyni Jesus xye pirana hjemini wane htshina: — Xye yeyixlu hakanhatka hi rupniywakapni Lázaro tshinanni seyni hyeyixle hakanhamta Tsru Hixikatshriwa Hoyakalu pohixikowakapa hiyrunu hpoyahnutko koxa Tsru Hixikatshriwa Hoyakalu whene.

João 11:4 ပူးပေါင်းရင်းမြစ်များ

João 10:38

Seyni Hoyakalu kamrure nkamhini halikaka, yáholu hi hita halixini seyni kamrurtshi nkamhaleru halixanu. Himaxyawaklu hiyrunu halixyawaklu Nuru Hoyakalu himwano hita hiyrunu hita himwalu wale.

João 11:40

Ruhita Jesus: — Hi he wane ntshinyi palixinri petanru Tsru Hixikatshriwa Hoyakalu pixkonu?

João 12:28

Nuru Hoyakalu, Pixa phiwaka puphujexini. Waneya waneylu tokantshi tenhohneyalutu wan-tshinatshri: — Nuphujetatkalu hiyrunu nuphujetanru hiyrunupakotnaka.

João 17:1

Xyekaka pirana htshinatka Jesus. Tenhohne hyihata waneya wla htshina: — Hoyakalu, Nuru rapokpapkolutatka. Piwhene puphujetanu, ruphujexyawakapyi pix-koxa.

João 17:10

Hiyrun-koxa hitanunni, pixanun-koxni wanna. Waneko pixka rixa pixanunni hitanun-koxni wanna. Wanna tshinanu rawa noyaknu.

João 17:5

Hiyáhoni xawakni Nuru Hoyakalu, pix-potuko puphujetanno. Xye tshijne myinuwakkanuklunuwa pixayma nwajekanaxini hoyaknutshi netleru penekanno.

João 2:11

Wan-rixa yinuwakletlu Caná poktshiya, Galileia tshijne hajeruya Jesus kamhalu mitshikananu hetkaluru hkamhaleru. Ruphujetlu royaknu hiyrunu rasruklene halixatkalu.

João 5:23

Wan-rixa ptowru yineru kahwakpiraxyawakno hita, Whentshi tshinkalurno, Nuru hkahwakpiraxyawakna pixka. Yineru hanuruktako, mkahwakpiratkanuklunupno hita Whentshi tshinkalurno, Nuru Hoyakalu nyokanatjeru koxa hi hkahwakpirata.

João 8:54

Jesus wla tshina: — Hita nanwaka npohixiniklunwa, npohixnawakwa hike kochpaka. Npohitjeru waleni Nuru Hoyakalu. Hixa Hoyakalute htshinreru.

João 9:24

Waneya mayhaletukananu htomhatnakna waneya wla htshinruna: — Hoyakalu tsonu himalwutanu klu tshinanu wimathetlu putskalakjeru ptshinreru hektuwaka kamhatshrikni wale.

João 9:3

Jesus wla tshinna: — Hi rektunu tshinanu hiyrunu hi rurune hektunu tshinanu wan-rixa xye jeji mayhaletu. Seyni wan-rixa Hoyakalu kamrure himathexikolupa xye jeji tshinanu.

Romanos 11:11

Waneya wane ntshin-hepomhalethi: Ha judeu-nerune, hpupjerna tshinanrahe ruknokkana? Hike, hikeklu. Seyni hpupjerna tshinanu hiwekkaklewatatshri pirana hakanhayehitatkana judeu-nerune minje. Hiyáhoni judeu-nerune het-sotanutna judeu mixkane.

Filipenses 1:11

Waneya hixa hiwejinri katsepopatkalu ptowru chinikantshi kihleru, Jesus Cristo tsonu hakanikleru, ralixkoxikolupa hiyrunu rimalwuxikolupa Hoyakalu.

Filipenses 1:20

Nalukpotutlu hiyrun-koxa nkahwakpotutlu hikekni nipatewatanu seyni ptowru hohneruka xawakni potuk-koxa halikakalutu pirana hi nmayxakanu. Cristo pohixikolupa hita nomane tshinanuya ho niwejinri ho nupninriyapa.

1 Pedro 1:21

Wale tshinanu Hoyakalu halixa, Cristo hiwekkakjeru hipuktshiya hiyrunu Cristo hiphujetjeru. Wan-rixa kahwakachalu hiyrunu halixlu Hoyakalu yehi yoptoxikalurupa.

1 Pedro 4:11

Satu yineru hinkaklewaxinipa, Hoyakalu tshinyawaka pixka htshinanu. Pimrine repixjexini satu, himatkaltshi Hoyakalu henejyaluyma repixanna. Hoyakalu himalwuxikolupa ptowru potuko tshinanu, Jesus Cristo tshinanuya. Hoyakalu hiphujexikolni, towutatshrini hike rixiniko mnikawnakatupa. Amém.

1 Pedro 4:14

Cristo hiwaka tshinanu heyikkoklunu, himuwatatshinephi. Klu tshinanu Hoyakalu Hiwejikaluru hiyrunu royaknu hix-yehi rawatka.