João 11:32 - Bíblia

³² Waneya tapojinixka Maria Jesus yehi, tuknojnawa Jesus jixistsi, wane ttshina: — Tsru Hixikatshriwa, hewiko pwakmaka himka rupnanni nomolni!

João 11:32 ပူးပေါင်းရင်းမြစ်များ

Lucas 17:16

Waneya Jesus jixistsi hyoptsojitamta waneya hpoyahnutlu.

Lucas 5:8

Waneya xye rexinixka Simão Pedro, hyoptsojityehitlu Jesus. Waneya wane htshinru: — Tsru Hixikatshriwa hit-yehi pasujini klu tshinanu hitni jejno hektuntshi hwalerno.

Lucas 8:41

Waneya runa satu tsru hitakkaluru hanjihohnewakapji hajeru, Jairo hiwakatletatshri. Hyoptsojityehitlu Jesus jixistsi. Ranjitlu Jesus hipji hyiywakapa,

João 11:2

(Twu Maria, yeyixatshri Lázaro mole, honra suxo phamluhalo tuyokjixitlu Jesus Tsru Hixikatshriwa jixi hiyrunu Jesus tojiwu chehi tcheyijixixya.)

João 11:21

Waneya Marta wan-tshinru Jesus: — Tsru Hixikatshriwa, hewiko pwakmaka himka rupnanni nomolni.

João 11:37

Seyni satkaka wanna judeu-ne wan-tshina: — Xye jeji hitskalaklu mayhaletu. Hi he xawaka rumukatatka kamhaletlu pa hixanu hma mupniywakanu Lázaro?

João 4:49

Waneya phuru wla tshinru: — Punhapkatanutshi noturu mupnakanuko pchinika.

Apocalipse 22:8

Hita, João-no xye ptowruka njema hiyrunu netlu. Waneya nali jemletlu, nali hetletlu xye ptowruka waneya nihmamta tshiji nyoptsojityehitmaklu hiwejikaluru Hoyakalu towreru tenhohne hajeru, xye ptowruka nekhitjeru jixistsi, nimalwuxyawakaplu.

Apocalipse 5:14

Quatro hiwejikalune, Amém htshinna. Waneya tsrukakalune yoptsojityehitlu Hoyakalu hiyrunu Carneiro whene tshinkaluru yehi, waneya rimalwutna.

Apocalipse 5:8

Waneya wan-rixinixka quatro hiwejikalune hiyrunu tsrukakalune vinte e quatro pejnu yoptsojityehitlu Carneiro Whene tshinkalurustsi. Satkaka wanna himwakanatlu tokapikaka hiyrunu kastonolkaka ouro kamhikaluru katseplu phamlu pahiru. Phamlu pahiru yapkakletlu Hoyakalu nurrene ralixjene hanjihohnere pirana.