João 10:6 - Bíblia

⁶ Jesus-mka hinkakna xye yapkaklu pirana seyni hi rimatjemluna klu pirana raluka tshinreta xye yapkaklu tshinanu.

João 10:6 ပူးပေါင်းရင်းမြစ်များ

Mateus 13:34

Xyekaka Jesus yapkakluyma hinkakna hixolune yine. Yapkaklu minjeyma hi runkakna.

Mateus 13:51

Hiyáhoni Jesus hepomhana rasruklene, wla htshinna: — Xye piranakaklahe himatjematka? Waneya ruhitluna: — Hehe.

Marcos 4:34

Yapkaklu minjeyma hi runkakna Jesus. Seyni rasruklene tsonu runkakpotutatka.

João 16:25

— Xyekaka pirana nunkakhi yapkaklu piranayma seyni hinatshripa hohne hi yapkaklu piranayma niynumatanhi. Wale hohnepa Nuru Hoyakalu piran-yehi nekhipotutanhi.

João 16:29

Waneya rasruklene wla tshinru: — Xawakni halikaka pekhixnawa puchinikanretler-potuko. Hi yapkaklu tsonu ptshina.

João 6:52

Waneya ruhjekakpotuthonukna wannakakluko judeu-ne, wla htshinna: — Xye jeji, hanhe rumukata waleko himane henekletwu wnijyawakaplu?

João 6:60

Waneya hixolune rasruklene xyekaka tokantshi hjeminna wla htshinna: — Kyapreru xyekaka tokantshi. Kathe hakot-yoptoletlu xye?

João 7:36

Klu xawaka raluka tshinreta wane htshinini, “Hixamka hijhinno seyni hi hikchikanno. Hiyrun-koxa nyiywakapa hi himukata yaleta hixa”?

João 8:27

Seyni wanna hi himatjemlu ruru Hoyakalu pirana runkajyatkana.

João 8:43

Haklu tshinanhe hixa hi himatjemlu ntokanu? Hi himatjemlu klu tshinanu hixa hi himukata yijnakoletlu nunkakle.

1 Coríntios 2:14

Hoyakalu Hiwejikaluru mwikatu hi himukata yoptoletlu henekachalkaka Hoyakalu Hiwejikaluru henejyawu. Hi koxa psojikna rimatjemlu wan-hixatshri xye pirana. Halikaka pirana waleho jipukaleru piranni klu tshinanu Hoyakalu Hiwejikaluru tsonu hiphujetlu. Hoyakalu Hiwejikaluru himwatshri tsonu himukata himatjemletlu.

2 Pedro 2:22

Seyni wan-rixkana yapkaklu halikakalutu tshinyawaka pixka. Wla htshina: “Kawe satokanwakatlu waleko raplire.” “Porco koxa katkaluru satokanwakatlu posujpalu rupruruxyawakaplu.”

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.