João 10:4 - Bíblia

⁴ Waleko hiprane hkochpajinixka, hkosekna. Carneiro-ne homkahitlu klu tshinanu rimat-tokanutluna.

João 10:4 ပူးပေါင်းရင်းမြစ်များ

Mateus 16:24

Waneya Jesus wla tshinna rasruklene: — Satu yineru haluk-homkahrexinno, rujhanru wale ralujyawaka ruchoxyawaka, rutaykopitanru h-cruz-te waneya romkahitanno hita.

João 10:16

Pimrine pratshine carneiro-ne pixkalune nwiya hi xye carneiro himjiywaka hruko hajenni wanna. Wanna koxa nujha hwapleta. Ntokanu hjemanna. Pa xkehipkapna hiyrun-koxa carneiro-ne suslahakleru satupkaplu.

João 10:27

Noprane carneiro-ne pixkalune jemtokanutno, nimatna hiyrunu romkahitnona.

João 10:3

Hiphapto hinotatshri hiphapto hkotpukyehitanru hiyrun-koxa carneiro-ne himat-tokanutlu. Waleko hiprane htomha satkaka thiwakaya. Hkosekna ruchpajyawakna.

João 10:5

Carneiro-ne hi homkahitanru satuko yineru hmetjejetanutu seyni rasujyaluna wan-hixatshri klu tshinanu hkahimtatokanutluna.

João 10:8

Wanna ptowruneka hita pnute hapokatshine wannani katshowhurune, ktshowhuwaklerune seyni carneiro-ne hi rimatjemtokanutkana wanna.

João 12:26

Satu yineru kamrurewyehixinno, romkahitanno. Waneya hanukta nwanu hita wane koxa rawanu nkamrurewyehitjeru. Ptowru yineru hit-yehi kamrurewaxikatshri pejnu Nuru Hoyakalu kihler-pirana htshinanwakatanru.

João 13:15

Klu tshinanu satu hyimlerupa nekhithi hixa. Hiyáhoni hix-yinhi haluka wan-hixletna pimrine hita hixyawakatkahi pixka.

João 18:37

Waneya Phuru Pilatos wla tshinru: — Hiyáhoni pixlahe phuryi? Waneya Jesus hihitlu, wla htshina: — Pixako wan-tshina. Halikaka wale tshinanu nmatuta hiyrunu xye tshijne napoka nuphujtaxyawakaplu halikakalutu pirana. Ptowruneka halikakalune yijnakotlu ntokanu.

João 3:29

Yapkaklupa. Hnunrowatatshri yehi, waleni khanunrolu. Seyni hnunrowatatshri himatletjeru repixlu rimotsatlu hnunrowatatshri hiyrunu hyijnakotlu. Hiyrun-koxa hnunrowatatshri tokanu hjemini rumuwata. Hnunrowatatshri hepixatshri pixka nix-hita hiyáhoni numuwpotuthonuka hnunrowatatshri tshinanu.

1 Coríntios 11:1

Hita yimjetatshinephi hita pixka Cristo yimjetatshrino.

Efésios 5:1

Hoyakalu whenenhi, ruchinikanunhi. Hiyáhoni Hoyakalu pixka hixahchinikanutanu.

Hebreus 12:2

Jesus yehi potuko yihatatshinepwu klu tshinanu Jesus walixle yinuwakatshrini hiyrunu walixle poyahokakatshrini. Poyikpotuklu Jesus hinamtatshripa tshinanu. Cruz rupniywakapa rakotachata. Hektuwaka htshinanwakaxikolu reyikachata. Xawakni htuplatatka. Hoyakalu hetamayxaklerewatatshri tuplaxyawaka potukle sreta htuplatatka.

Hebreus 6:20

Wane hjihlokatka Jesus wkosekjeru. Hixa tshinanu Tsru Sacerdote rixnawa hike rixiniko mnikawnakatupa, Melquisedeque tshinkaluru hitajikolu pixka.

1 Pedro 2:21

Klu tshinanu xyekni htshanixikolu. Cristo hixyawaka pixka, hsalewna hixa tshinanu. Hiyáhoni xye chinikantshi rekhitwu, womkahixyawakaplu.

1 Pedro 4:1

Cristo salewniywaka himaneya hixa tshinanu. Wale tshinanu halpokoxinwa xye pixkalutu chinikantshiyma. Klu tshinanu hix-mane saletkoklunu hektuntshi ruchokaka.

1 Pedro 5:3

Hi tsru towutatshine pixka hixahoxinwa seyni kihleru kamhajetatshinephi carneiro-ne pixkalune himukata homkahrexyawakaphi.