João 10:30 - Bíblia

³⁰ Hita hiyrunu Nuru Hoyakalu satupkalunwu.

João 10:30 ပူးပေါင်းရင်းမြစ်များ

Mateus 11:27

— Nuru, ptowru potuko renekno. Hike himathetlu Whentshi seyni Hirtshipka himathetlu. Hike himathetlu Hirtshi seyni Whentshipka himathetlu hiyrun-koxa katukta raluk-himatyehkakletlu Hirtshi.

Mateus 28:19

Wale tshinanu hyanu. Hasrukanna ptowru tshijne hajene. H-batiza-tanna Hoyakalu Hirtshi hiwakaya, Hoyakalu Whene hiwakaya, Hoyakalu Hiwejikaluru hiwakaya.

João 10:29

Nuru Hoyakalu pratshine carneiro-ne pixkalune nenekjeru, ptowru potuko tsru potni wale. Hi satuknako yineru himukata Nuru Hoyakalu hinotle yehi kochpaklexyana.

João 10:36

Seyni wanepnawaka hixa wan-tshinanwakatno hita Hoyakalu Nurrerno, Hoyakalu yokanreno xye tshiji napojyawaka seyni wanepnawaka hektuwaka ptshinanwakatlu Hoyakalu, htshinjetno. Seyni wane htshina klu tshinanu wla ntshinnawa Hoyakalu Whenno, ntshina.

João 14:23

Waneya Jesus wla tshinru: — Yineru hita nuchinikjeru, ntokanu koxa romkahitanu. Hiyrun-koxa Nuru Hoyakalu hamotanru wale. Wale yehi wyanu. Wale yehi wwanutka.

João 14:9

Waneya Jesus wla tshinru: — Hix-hohne nimwatkayi seyni wanepnawaka hi pimathetawanhe Filipe? Hita netjeru Nuru Hoyakalu koxa reta. Hiyáhoni xawakni haklu tshinanhe wla ptshina, Puru Hoyakalu pekhitanwu?

João 16:15

Ptowruka Nuru himwaleru hitanni. Wale tshinanu wane ntshinatkahi, Hoyakalu Hiwejikaluru nunkakle psoluka runkakanhi.

João 17:10

Hiyrun-koxa hitanunni, pixanun-koxni wanna. Waneko pixka rixa pixanunni hitanun-koxni wanna. Wanna tshinanu rawa noyaknu.

João 5:17

Seyni Jesus wla tshinna: — Nuru haté xawakni hkamrurewata. Hiyrun-koxa hit-koxa kamrurewjeta.

João 5:23

Wan-rixa ptowru yineru kahwakpiraxyawakno hita, Whentshi tshinkalurno, Nuru hkahwakpiraxyawakna pixka. Yineru hanuruktako, mkahwakpiratkanuklunupno hita Whentshi tshinkalurno, Nuru Hoyakalu nyokanatjeru koxa hi hkahwakpirata.

João 8:58

Waneya Jesus wla tshinna: — Halikakni, halikakni wane ntshinhi, Abraão-ni mmatutkanuklunuwa, nwakotka.

1 Timóteo 3:16

Tsru mimat-hinkakletkotu waleni potuknutshi hchinikanu piranni klu tshinanu: “Jesus hiphujewna yineru mane rixnawa seyni riwejinriya potukalni. Hiwejikalune Hoyakalu towrene tenhohne hajene hetatkalu. Ruphujtatka psol-tshijneya. Xye tshijne halixlerni. Ranikka tenhohne.”

Tito 2:13

Wkahwakjetlu kihler-potuko hohnepa hiyrun-koxa Hoyakalu tsru himukatatshri hiyrunu Wiwekkakjeru Jesus Cristo hoyaknu hiphujexikolu hohnepatka.

1 João 5:20

Hiyrun-koxa wimatlu Hoyakalu Whene hapokatka hiyrunu renekwu himatkaltshi wimathexyawaklu halikakalutni wale. Halikakalutuymalunetkawu. Waleni Hiwhene Jesus Cristo. Xyekni Hoyakalu halikakalutu hiyrunu hiwekluni hikeklu hohne mnikawnakatupa.

1 João 5:7

Klu tshinanu mapna hiphujtatatshine tenhohneya, Wuru Hoyakalu, Hoyakalu tokanu hiyrunu Hoyakalu Hiwejikaluru. Nyi mapamkana seyni satupkalu.