João 10:25 - Bíblia

²⁵ Jesus wla tshinna: — Nunkakamkatkahi seyni hi halixa. Kamrurtshi, nkamhaleru Nuru Hoyakalu towuwle tshinanu, wale hiphujtatno.

João 10:25 ပူးပေါင်းရင်းမြစ်များ

João 10:32

Waneya Jesus wla tshina: — Hixo kamrurtshi kihleru, Nuru Hoyakalu kamhakjixleru, nekhithi. Hiyáhoni hanuru kamrurtshi xyekaka nkamhaleru tshinanu hsotlujetanmakno?

João 10:37

Nuru Hoyakalu kamrure nma kamhaknumka waneya hi halixanno halikaka.

João 10:38

Seyni Hoyakalu kamrure nkamhini halikaka, yáholu hi hita halixini seyni kamrurtshi nkamhaleru halixanu. Himaxyawaklu hiyrunu halixyawaklu Nuru Hoyakalu himwano hita hiyrunu hita himwalu wale.

João 11:47

Waneya tsru hixikatshinwa sacerdote-ne hiyrun-koxa fariseu-ne hapatjeta judeu tsru hitakkaluneyma. Waneya wane htshinna: — Hanhe xawaka wixanu? Xye jeji híxolu hiyakolukaka hkamhajeta!

João 12:37

Hixo himyekaklewatatshri hkamha wanna hetanu seyni wanepnawaka hi ralixluna.

João 14:11

Halixanno Nuru Hoyakalu hwatshrino nixyawaka, hiyrunu halixanru Nuru Hoyakalu hita rawa. Ho halixanno kamrurtshikaka nkamhalerutka tshinanu tsonu.

João 20:30

Hixo pimri hetkalurkaka hkamha Jesus rasruklene hetanuya, twu papel-mta mutak-yonhatkotu.

João 3:2

Waneya hoyetshno Nicodemos yanwakatlu Jesus waneya wane htshinru: — Tsru Hixikatshriwa, wimatyi pixa kasruklewakleryi, Hoyakalu yokanreryi klu tshinanu hike yineru himukata kamhaletlu nyi hiyakolukaka pkamhajereru Hoyakalu mimotsatanune.

João 7:31

Waneya hixolune yine halixlu Jesus, wla htshinna: — Cristo tshinkaluru hapojinipa xyekaka himyekaklewatatshri xye jeji kamhaleru yohnikalutlahe hkamhanu wale?

João 8:12

Jesus pnute hya tshinretatnaka, wla htshinna fariseu-ne: — Hitni katalno xye tshijne hajene ptowruneka tshinanu. Hita homkahitatshri hi mapchahawaka yanatshripni seyni rawanu katalu hiweklu heneklewatatshri.

João 8:24

Hiyáhoni wane ntshinatkahi, hixannu hektunuko hipnanutka. Klu tshinanu halikakni hmalixkanuklunno hixannu hektunuko hipnanutka.

João 8:56

Hirni Abraão-ni rumuwatni ret-hapoklexinno. Retlu hiyrunu rumuwatni.

João 8:58

Waneya Jesus wla tshinna: — Halikakni, halikakni wane ntshinhi, Abraão-ni mmatutkanuklunuwa, nwakotka.

Atos 10:38

Hiyrun-koxa hixa himatlu Jesus Nazaré hajeru pirana. Hoyakalu hipkakhohotlu Jesus Hoyakalu Hiwejikaluru hiyrunu tsru pixkonu reneklu Jesus. Waneya Jesus ptowru sretako hyapakananumta. Kihleru hkamhakananumta Jesus. Rutskalakna ptowruneka tsru kamtshi himwakanatatshine klu tshinanu Jesus-ymalu Hoyakalu.

Atos 2:22

Waneya Pedro pnute hinkakna: — Jejine, israel-nerune, hyijnakotanru xako xye tokantshi: Hixa himatlu xye jeji Jesus Nazaré hajeru, Hoyakalu nurreru rixyawaka. Xye rekhitatkahi Hoyakalu ruyakolekakayma, tsrukaka himyekaklewatatshriyma, Jesus kamhaleru hixa tskalaya.

Hebreus 2:3

Hiyáhoni, ha hixamka, hanhe wixa hasuklexinri wapnokaxikolu, wmajnakowyehixiniplu xye hiweklu heneklewatatshri pirana kihler-potuko? Mitshikananhapka Tsru Hixikatshriwa Jesus potuko hinkakletlu xye hiweklu heneklewatatshri pirana. Waneya wane wkatanu wale pirana jematshine hekhitwu halikaka pirana rixyawakatka.