João 10:16 - Bíblia

¹⁶ Pimrine pratshine carneiro-ne pixkalune nwiya hi xye carneiro himjiywaka hruko hajenni wanna. Wanna koxa nujha hwapleta. Ntokanu hjemanna. Pa xkehipkapna hiyrun-koxa carneiro-ne suslahakleru satupkaplu.

João 10:16 ပူးပေါင်းရင်းမြစ်များ

Gênesis 49:10

Phuru hi hmahatanu Judá klopichaya hiyrun-koxa hi hmahatanu towutatshri hiklopichaneya hma mapokkanu pchinika Towutatshri Potuko. Waneklu ptowru yineru kajnakolunepa wale yehiya.

Mateus 17:5

Wane htshinakanaxiniwa hohimkohi hichyatna. Waneya hohimkohi hitokote ruchpajyatka tokantshi wla tshinatshri: — Xyekni nowhene nalukleru. Hyijnakotanru hanukta htshinanhi!

Lucas 15:8

— Suxo dez proji prata kamhikolu himwatshro, pa projipka tamhini, hi he tujhanru? Tumukata hikchiklexyawakaplo lamparina tnikotanu, pantshi t-satolotanu, tujhapotutanro haté tukchikanro.

João 10:11

Hitni carneiro suslahakleru kihlerno; carneiro suslahakleru kihleru hamtaka hiwekletanu pratshine tshinanu.

João 10:2

Seyni hiphapto jihlojikatshri halikakni carneiro suslahaklerni.

João 10:27

Noprane carneiro-ne pixkalune jemtokanutno, nimatna hiyrunu romkahitnona.

João 10:3

Hiphapto hinotatshri hiphapto hkotpukyehitanru hiyrun-koxa carneiro-ne himat-tokanutlu. Waleko hiprane htomha satkaka thiwakaya. Hkosekna ruchpajyawakna.

João 10:4

Waleko hiprane hkochpajinixka, hkosekna. Carneiro-ne homkahitlu klu tshinanu rimat-tokanutluna.

João 10:5

Carneiro-ne hi homkahitanru satuko yineru hmetjejetanutu seyni rasujyaluna wan-hixatshri klu tshinanu hkahimtatokanutluna.

João 11:52

Hiyrunu hi wale tshijne tsonu tshinanu rupnapini seyni rapatjexyawakapna Hoyakalu whenene ptowru tshijne hipalaxikatshine pa nerunepka rixyawakapna.

João 17:20

— Hiyrun-koxa hi nyi tshinanu tsonu nanjihohnetanu seyni nanjihohneyehitanna koxa hita halixatshinepa runkakle tshinan-koxna.

João 6:37

Ptowru pejnu Nuru Hoyakalu henejyano, hinanwakatno. Hiyrun-koxa ptowru pejnu hita nwaka hapokatshri hikeklu maleka nuknokanru.

Atos 15:14

Xawakni potuko Simão hinkakatkawu hanu rixa hepixletna Hoyakalu judeu mixkane mitshikananu klu tshinanu satkaka wanna tskalaya hnuretatka rayinetene rixyawakpatkana.

Atos 18:10

Pixaymano. Hike yotnekanyi klu tshinanu hixo nonerune xye poktshi hwa.

Atos 22:14

Waneya wane htshina: “Wutsrukatenni Hoyakalute nuretatkayi pimaxyawakaplu waleko ralujyawaka hiyrunu pexyawakaplu Jesus Potukalu hiwakatletatshri.

Romanos 11:25

Cristo tshinanu nmoletanune, naluklu hixa himaxyawaklu pa pirana yohimluru pirana. Himaxyawakaplu hi ptowru potuko himatawa. Judeu-nerune hi ptowru hohnekananuko chikohajirunepni seyni wan-rixachatna judeu-ne judeu mixkane hma poyahokajiknu pchinikwana hi ralixanna judeu-ne.

2 Tessalonicenses 2:13

Seyni wumukata poyahnutletanru Hoyakalu hixa tshinanu Tsru Hixikatshriwa Hoyakalu hamotanune Cristo tshinanu wmoletanune tshinanu. Klu tshinanu hyinuwaklekananuko Hoyakalu nuretatkahi hiwekkajikolupa, Hoyakalu Hiwejikaluru powraxyawakhi tshinanni hiyrunu halikakalutu pirana halixyawaka tshinanni.

Hebreus 13:20

Hoyakalu hihlehchinikanru heneklewatatshri, Wutsrukate Jesus hipuktshi hiwekkajikatshri, carneiro pixkalune hinotatshri potukni, hihraha renekachale runkakletleru pirana mnikawnakatu mixkotatshri.

1 Pedro 2:10

Mitshikananu hi Hoyakalu hayinetenhi seyni xawakni Hoyakalunerunetkahi. Mitshikananu hixa hi himathetatkalu Hoyakalu hetwamonre hanu rixa seyni xawakni Hoyakalu hetwamonre yoptotatshinhi.

1 Pedro 2:25

Klu tshinanu carneiro-ne pupjetatshine pixka wixakanata. Seyni xawakni carneiro hislahatshri pixkalutu, yineru hiwejinri towutatshriko nwaka wsatkakkatka.

1 Pedro 5:4

Waneya Carneiro-ne Hinotatshri Pixkalutu Tsruru Potuko hapojinipa, satu sahyi himlujikolu mnikawnakatu hyochmakjiwuxikolupa.

Apocalipse 3:20

Hjemanu! Hiphapto nwa. Nutpehiphaptoteta. Hiyáhoni katuktako jeminru ntokanu hiyrunu hkotpukhiphaptotexini, njihlokyehitanru wale. Hiphapto kotpukatshri niminkanu hiyrunu wale himinkano hita.